سيف . همة طلعوا وابويه استلم البيت كله حجي
سعد بعصبيه . اني هاي اول مره بحياتي كلهه اتفشل بعرس واحد من ولدي ولو كدام ناس غربه بله جان كلت ميخالف وويامن تفاشلت ويه بيت خالد
ستار . والله على الي صار اني بمكانك بعد ولا اباوع بعينهم
سعد بعصبيه . اول مره ويه المره من وره بنات هادي ومرته وثاني مره من وره حضرت جناب مرتك وهاي صار 3 مرات هيج يصير ويايه كدامهم العام من وره سيف وهل سنه من وره هادي ومرتك
سيف . يابه صدك اريد احاجيك بموضوع
سعد . كول
سيف . اريدك ترجع تخطب ايات اليه
سعد . خالد مستحيل ينطينهه من وراكم
سيف . بس خل يهدء الوضع فد شهر شهرين وانته كله يجوز قبل ينطيهه
سعد . الله كريم
رفل . اني واكفه واسمع بحجيهم عرفت همة لا مخطوبين ولا شي كبل رحت للغرفه ودكيت على اختي حوراء وكلت الهه تسولف الامي حته نوكع الولد ويصير النه
حوراء . ميخالف رح اكوللهه حته نجيكم بالليل
رفل . استعجلوا وها اريدج تلبسين شي يبين جسمج كله
حوراء . اي
رفل . سديت المبايل واجه ستار
ستار . ويامن جنتي تحجين
رفل . امي دكت كالت رح نجيكم بالليل
ستار . اي خل يجون حته اكول الابوج ع طيحان حضج من اول يوم
رفل . اني خفت لا يكول الابويه وانوب ارجع البيت اهلي وكلت ... لا حبيبي ليش تكول الابويه
ستار . حته يأدبج من جده وجديد ع الي سويتي البارحه بالسياره وغلطج ع بنيه
رفل . حبيبي انته مشفتهه شلون جانت لابسه ومكشخه رغم انو اني العروسه مو هية ف من حقي اضوج
ستار . انتي شعليج بيهه اذا جانت لابسه ومكشخه كل واحد او وحده من يصير عرس يكشخون ويلبسون ما الج اي حق تحجين
رفل . اسفه حبي بعد متنعاد وعد
ستار . عود نشوف
رفل . اني ردت اتاكد اذا كلام خواته جان صح لو لا وكلت ... حبي صدك هذة البيت مال ابوك مو
ستار . ليش هل سؤال
رفل . لان امك كالت مو مال ابوك
ستار . صحيح مو كله مال ابويه ثلثه الابويه والباقي مال سيف
رفل . صدك ع طاري اخوك سيف صدك عنده بيوت وكيعان وشركات
ستار . اي وانتي شمدريج
رفل بجذب . امك اليوم كعدت تسولف ف كلت يجوز بالغت
ستار . لا مبالغت اصلا قليل حجت
