علي . لج منو انتي تحجي على امي وخواتي منو انتي منووووو .... ضربهه راشدي ... بعده مطالع من بطن امه الي يحاول يرفع صوته على امي افتهمتي ... راد يضربهه سعد حجه
سعد بعصبيه . علي لتمد ايدك لا اكسرهه ... اندار على منى وكال ... بتي احنه مو مو خوش اوادم اذا تريدين تبقين براحتج متريدين عندج اهل تروحين يمهم
منى بعياط . عمو على شنو ابقه اهنا على الي سوا بيه ابنك لو الي سوو بيه مرتك وبناتك ابقه اهنا على شنو
علي بعصبيه . خلي ابالج تره تطلعين من هذة الباب بعد مالج رجعه منه ومثل ما اجيتي بس بعباتج ترحين همينه بس بعباتج افتهمتي لو لا
منى بعياط . مو بكيفك جهالي وغراضي اخذهم وغصبا عليك وعلى راسك خوش
علي بعياط . عليمن تعيطين بت القندره بعده مطالع من بطن امه الي يخلي شغله غصبا عليه ... وهم راد يضربهه راشدي وسعد حجه
سعد . ايدككككككك ... بتي اذا تريدين تروحين الله ومحمد وعلي وياج بس الجهال جهالنه متاخذيهم
بنين . اني اخذت الجهال طببتهم الغرفتي لان بصراحه خفت من العياط الي صار بره 😂
منى بعياط . بقو الجهال يمكم هسة والمحكمه بعدين تكول يم منو يبقون
يم سيف
سيف . كعدت على صوت اعياط وصياح جوه كمت لبست الشورت والتيشيرت ونزلت ع سريع
سيف . شكو شبيكم
سعد بعصبيه . نزع النعال وشمره على سيف ... وخر من كدامي بسرعه كو.اد سرسري هذة كله هم من وراك الله ليبارك بيك وخرر من كدامي ... نزع النعال الثاني وشمره علي
سيف بعصبيه . اني شعليه هسة كعدت من وره صوتكم
منى . خويه تكدر توصلني الاهلي
سيف . اي خويه حضري نفسج اني دقيقتين واجي
منى . تمام خويه
علي بعصبيه وعياط . منى حطي ابالج تره تخطين خطوه بره هذة البيت بعد مترجعيله عمرج كله واذا رجعتي حالج حال الخدامه تصيرين افتهمتي
منى بعياط . مو بكيفك ما ارجع وحته اذا ارجع ما اصير خدامه الاي احد خوش ... دارت وجهه وراحت للغرفه
سيف . رحت فوك غسلت وجهي وعدلت شعري اخذت المفاتيح مال السياره ولبست شحاطه تكرمون ونزلت جوه ع سريع
منى . لبست العبايه ... يلا خويه
سيف . يلا ... طلعنه وصعدنه بالسياره شغلتهه ورحنه وصلتهه البيت اهلهه ورجعت للبيت ... اكدر اعرف شصاير لو شلون
منال . سولفتله كلشي ... هم كله من وراك
سيف . يمه الصوج من عندج
منال . ليش من عندي اني كلت الهه تريدين تشيلين الله وياج كولي الرجلج وطلعي هية شالت خشمهه للستار
