မိုးမြင့်သာ စိတ်အခြေနေမကောင်းသည်ကို တစ်အိမ်လုံးသိကြ၍ သူမ မျက်နှာအား အသေးစိတ်အကဲခတ်နေမိကာ အားလုံးအလိုက်တသိဖြစ်နေကြသည်။ သူမအား မည်သို့စကားစရမှန်းလည်းမသိ။ ကိုလတ် နှင့် အမေက တစ်ယောက်ကို တစ်ယောက် မျက်စပစ်ပြရင်း အငယ်ဆုံး ဒေါသအိုးလေး၏ စိတ်အား လျော့ပေးရန် တွန့်ထိုးနေသည်။ မိုးမြင့်သာကမူ ဘာတစ်ခွန်းမှ မပြောပဲ တိတ်ဆိတ်နေလေရာ ထိုကဲ့သို့အခြေနေက ပိုဆိုးကြောင်း မိသားစုတစ်ခုလုံးသိသည်။ အဖေပြန်လာပီးနောက် အမေက ဖြစ်ကြောင်းကုန်စင် ပြောပြသောအခါ အဖေက ခေါင်းတခါခါဖြစ်နေ၍ သမီးဖြစ်သူနှင့်သေချာဆွေးနွေးရမည်ဖြစ်ကြောင်း လင်မယားနှစ်ယောက် ပြောဆိုနေသည်ကို မိုးမြင့်သာ အခန်းရှေ့ဖြတ်သွားချိန်တွင်ကြားလိုက်ရသည်။
ထမင်းစားဝိုင်းတွင်ထိုင်မိကြသောအခါ မိမိဆီအားလုံးရဲ့အကြည့်ရောက်နေသည်ကို သတိထားမိသော်လည်း ဘယ်သူမှစကားမစမချင်း ဘာမှမပြောရန် ဆုံးဖြတ်ထားလေရာ အဖေက သူမပန်းကန်ထဲဟင်းထည့်ပေးရင်း စကားစလိုက်သည်။
"အဖေတို့ မောင်ပြုံးနဲ့...ပတ်သက်ပီး မပြောပြထားလို့....သမီးစိတ်ဆိုးနေမယ်ဆိုတာ...သိပါတယ်..."
မိုးမြင့်သာက အဖေထည့်ပေးသော အသားတုံးအား ဇွန်းဖြင့်ထိုးဆွနေသည်။
"သမီး သူနဲ့မပတ်သက်ချင်ဘူး..... သူနဲ့ သမီး ဘာတွေဖြစ်ခဲ့လဲဆိုတာ....အဖေတို့အသိဆုံးပဲ..."
"အဖေတို့သေချာသိပါတယ်....အ့ကြောင့်...အဖေတို့လည်း သမီးနှင့် သူစေ့စပ်ရမယ့်ကိစ္စကို...ပြောပြဖို့ လက်တွန့်နေမိတာပေါ့..."
".ဘာလို့အဲလိုလက်ခံလိုက်တာလဲ....သမီး နှင့် သူက မဖြစ်ဘူးလေ..."
"အကြောင်းလေးတွေရှိလို့ပါ..ကွယ်...ဘယ်ကနေစပြောရမလဲ....အဖေ နဲ့ သူ့အဖေနဲ့ အစုရှယ်ယာ အတူလုပ်နေတာ သမီးလည်း သိပါတယ်...."
"သိတယ်..."
"သားသမီးချင်း ပြသနာဖြစ်ထားပေမယ့်...သမီးပြောသလိုပဲ လူကြီးချင်းမိတ်ပျက်ဖို့မလိုဘူးဆိုတော့...ပီးတော့ သမီးတို့အချင်းချင်းလည်း ကြေအေးထားပီးပီဆိုတော့ကွာ...လက်ဖက်ရည်ဆိုင်အတူထိုင်ရင်း သားရေးသမီးရေး ဆွေးနွေးကြတယ်ပေါ့....အဖေက...သမီးကို သမီးနေချင်သလိုနေဖို့..ခွင့်ပြုထားတဲ့အကြောင်းပြောတော့... မောင်ပြုံးအဖေက...မောင်ပြုံးက သမီးကို သဘောကျနေကြောင်း..စကားဟလာတယ်...အဖေလည်း ဦးဆုံးတော့ အံ့ဩသွားတယ်ပေါ့...သမီးနှင့် သူ့သားနဲ့ ထိုးကြကြိတ်ကြလို့ အဖေတို့မနည်းရှင်းလိုက်ရတယ်လေ...အဲဒါကို သူ့သားက ဘာလို့ သဘောကျလဲပေါ့ဆိုတော့...သူလည်းမသိပါဘူးတဲ့...သမီးနဲ့ပတ်သက်ပီး စေ့စပ်ချင်ကြောင်း ရှင်ကထိန်ပီးကတည်းက ပူဆာတယ်ပြောတာပဲ..."
YOU ARE READING
Unexpected Sparks : The Love (Book-1)
Romanceအများက Gay ဟုသတ်မှတ်ထားသော လှလှပပနေတတ်သည့် ခပ်ထက်ထက် ခပ်စွာစွာ Architect အကိုကြီး နှင့် ယောက်ကျားလေးဆန်ဆန် ကောင်မလေးတို့ကြား တစ်မိုးေအာက်တည်း အတူနေရာမှ သံယောဇဉ်ဖြစ်လာပီး မမျှော်လင့်ထားတဲ့ မီးပွားလေးတစ်ခုပေါ်ပေါက်လာတယ်။ # Naughty Scene တွေပါမှာမို့...
