မျက်နှာတွင် ပလာစတာ ဗလပွ ကပ်ထားသော မိုးမြင့်သာအား အတန်းထဲဝင်လာသည်နှင့် အားလုံးက ဝိုင်းဝန်းစူးစမ်းေနကြပီး ရင်းနှီးသူများကတော့ နေရာမှ ထလာကြကာ ဖြစ်ပျက်ခဲ့သမျှ ကိစ္စနှင့်ပတ်သက်၍ သူမကို သိချင်သမျှ ဝိုင်းမေးကြရာ နာမည်ကြီးတစ်ယောက်အား သတင်းသမားများက အင်တာဗျူးနေသလိုဖြစ်နေသည်။ သူမက အတတ်နိုင်ဆုံး အတိုချုံ့ဖြေပေးနေကာ လူအရမ်းများလာ၍ ဟိုမေးသည်မေးဖြစ်လာသဖြင့် စိတ်ရှုပ်လာရသည်မို့ ထိုအင်တာဗျူးအား မြန်မြန်ပြီးဆုံးသွားရန် ဆုတောင်းနေမိသည်။ စာသင်ချိန် စတော့မည်ဖြစ်သဖြင့် ထိုအခါမှ လူစုကွဲသွားကာ သူမလည်းသက်တောင့်သက်သာဖြစ်ရတော့သည်။ အတန်းချိန် ဝင်လာသမျှ ဆရာ/ ဆရာမများကလည်း သူမအခြေနေအား မေးမြန်းကြ၍ ကောင်းကောင်းခုခံနိုင်ခဲ့သည့်အတွက်လည်း ချီးကျူးစကားပြောကြသော်လည်း ထိုကိစ္စနှင့်ပတ်သက်၍သာ တနေ့လုံး ဖြေရှင်းနေရသဖြင့် အတော်လေးစိတ်ရှုပ်နေရပီဖြစ်သည်။ အိမ်သို့သာမြန်မြန်ပြန်ချင်သည်။
နေ့လည်ထမင်းစားချိန်တွင်လည်း တစ်ယောက်တည်း စာကြည့်တိုက်ထဲ သွားရှောင်နေမိ၍ အိပ်နေမိသည်။ Ec ၏ ဖုန်းဝင်လာတော့မှ အိပ်နေရာမှ နိုးလာခဲ့ပီး ပါချုပ်ရုံးခန်းက ခေါ်နေကြောင်းပြောသည်။ ထိုကိစ္စဖြေရှငိးရန်သာဟု အတတ်သိလိုက်ရ၍ စိတ်မောပန်းစွာဖြင့် Main အဆောင်ထဲသို့ တစ်ယောက်တည်းချီတက်လာသည်။ ပါချုပ်ရုံးခန်းရှေ့တွင် ပိုးပန်းချီချို ရှိနေပီး သူမကို တွေ့သည်နှင့် အပြေးလေး လက်လာဆွဲသည်။ ပန်းချီချို၏ မိဘများပါ ရှိနေလေရာ သူမအား ကျေးဇူးတင်စကားပြော၍ ထိခိုက်နာကျင်သွားရသည့်အတွက်လည်း များစွာစိတ်မကောင်းဖြစ်ရကြောင်းပြောသည်။ သူမကတော့ ထုံးစံအတိုင်း ရယ်ကျဲကျဲသာလုပ်နေ၍ ရေလိုက်ငါးလိုက်သာ ပြန်ပြောနေမိသည်။ ကျောင်းကောင်စီ ဥက္ကဌလည်းရှိနေကာ သူမပခုံးကို လာပုတ်လျက် ကောင်းကောင်းလုပ်နိုင်ခဲ့ကြောင်း ပြောသည်။
ပါချုပ်ရုံးခန်းထဲ ဝင်ခဲ့ရပီး တစ်ယောက်တည်း အရင်ဝင်ရ၍ အနောက်မှ ကောင်စီဥက္ကဌ နှင့် ပန်းချီချိုက ဝင်လိုက်လာသည်။ ပါချုပ်ရုံးခန်းထဲကို သူမ ပထမဆုံးရောက်ဖူး၍ အတော်ကျယ်ဝန်းကာ apartment တစ်ခုစာနီးပါးမျှရှိမည်ဟု ခန့်မှန်းမိသည်။ လူကြီးများအချင်းချင်းစကားပြောဆို ဆွေးနေွးနေသည်ကို သူမတို့က ထိုင်စောင့်နေရပီး အခန်းပတ်ပတ်လည်လိုက်ကြည့်မိနေရာ ထူးချွန်ကျောင်းသားများ၏ ဓာတ်ပုံကပ်ထားသည့်နေရာအရောက်တွင် အကြည့်တို့က ရပ်တန့်သွားသည်။ အတ္တကျော်၏ တက္ကသိုလ်ကျောင်းသားဘဝ ဓာတ်ပုံကိုတွေ့လိုက်ရသောကြောင့်ဖြစ်သည်။ ကျောင်းသားများအားလုံး၏ ထိပ်ဆုံးတွင် သီးသန့်ကပ်ထားပီး အထူးချွန်ဆုံးကျောင်းသားအဖြစ် ဂုဏ်ပြုထားပုံရသည်။ အတ္တကျော်စော်ကြည်ဘဲ ဖြစ်ကြောင်းမှာ မမှားနိုင်သည့်အချက်အလက်ဖြစ်၍ အခု ဓာတ်ပုံထဲတွင် မြင်ရသည့် ကျောင်းသားဘဝ အတ္တကျော်က နုပျိုေနကာ အတော်ချောေမာခန့်ညားသည်။ မျက်နှာတည်တည်နှင့် ရိုက်ထားပုံမှာ အရှိန်အဝါတစ်ခုကို ထုတ်လွှတ်နေသလိုဖြစ်နေပီး အကြည့်များက ထက်မြက်စူးရှသူဖြစ်ကြောင်းပေါ်လွင်စေသည်။
YOU ARE READING
Unexpected Sparks : The Love (Book-1)
Romanceအများက Gay ဟုသတ်မှတ်ထားသော လှလှပပနေတတ်သည့် ခပ်ထက်ထက် ခပ်စွာစွာ Architect အကိုကြီး နှင့် ယောက်ကျားလေးဆန်ဆန် ကောင်မလေးတို့ကြား တစ်မိုးေအာက်တည်း အတူနေရာမှ သံယောဇဉ်ဖြစ်လာပီး မမျှော်လင့်ထားတဲ့ မီးပွားလေးတစ်ခုပေါ်ပေါက်လာတယ်။ # Naughty Scene တွေပါမှာမို့...
