Unexpected Sparks : The Love (Book-1)

⟢ : Part (12) !?★.ᐟ

OCTI Huge Company Ltd ၏ Design Department နှင့် Construction Department အကြား အစည်းအဝေးတစ်ခုတွင် အဖွဲ့နှစ်ဖွဲ့သည် ပရောဂျက်အသစ်တွင် ပူးပေါင်းလုပ်ဆောင်ရန် ဆွေးနွေးနေကြလေရာ အကောင်းဆုံးအနေထားဖြစ်‌အောင် ကြိုးပမ်းနေသောကြောင့် ငြင်းခုန်မှုများဖြစ်လာပီး အခြေနေများတင်းမာလာသည်။

Design Department ၏ Leader ဖြစ်သော အတ္တကျော်က ငေါက်ကနဲ ‌မတ်တပ်ထရပ်လိုက်ကာ အစည်းအဝေးစားပွဲပေါ် လက်ကိုရိုက်ချရင်း လေသံမာနေသောကြောင့် အခန်းထဲရှိ လူများအားလုံးတိတ်ဆိတ်နေကြသည်။

"ဒါကို ဘယ်နှစ်ခါရှင်းပြနေရမလဲ...ဒီဇိုင်းတွေကအဆင်‌‌ေပြ‌ေနပီ...ညွှန်ကြားချက်တွေကို နားထောင်လိုက်နာပီး တည်ဆောက်ရမှာက မင်းတို့ Construction တွေရဲ့အလုပ်ပဲလေ...ဘာမှပြန်ပြင် နေစရာကိုမလိုတာ..."

Construction Department ၏ Leader ဖြစ်သူ ရန်ငြိမ်းအေး က သူ၏နာမည်နှင့် လိုက်ဖက်စွာပင် အတ္တကျော်နှင့် မျက်နှာကြောမတည့်သူဖြစ်လေရာ အစည်းအဝေးတိုင်းတွင် မကြာခနစကားများကြသည်။

အခုလည်း အတ္တကျော်ရှေ့ ဒီဇိုင်းများဆွဲထားသော ဖိုင်ကို ထိုးပေးရင်း

"အဲဒီ ဒီဇိုင်းကို...ငါတို့ကပြန်ပြင်‌ခိုင်းနေတယ်ပေါ့...မင်း ဆွဲထားတဲ့ဟာကို မင်းပြန်ကြည့်အုံး....ငါတို့က တည်ဆောက်ပေးရတာ လက်တွေ့ကျကျပဲတွေးတယ်...မင်းလို စိတ်ကူးထဲရှိတာနဲ့ စာရွက်ပေါ်လက်ချပီး လေထဲ‌တည်ဆောက်နေတဲ့သူမဟုတ်ဘူး..."

"လေထဲတည်ဆောက်တယ်ဟုတ်လား...အဲဒါ ဆန်းသစ်တည်ထွင်မှုလို့ခေါ်တယ်...ကြွက်သားဦးနှောက်ရဲ့".

"ဘာ...မင်း ဘာစကားပြောလိုက်တာလဲ...ဟျောင့်...မင်းပြောတဲ့ ဆန်းသစ်တီထွင်မှုဆိုတာ...နံရံတွေကို သုံးလက်မလောက်တိုပစ်လိုက်တာလား...ဒါမှမဟုတ်...အလင်းတန်းတည့်တည့်ကျနေတဲ့ လှေကားတွေလား..."

အတ္တကျော်က မျက်စိမှိတ်လိုက်ရင်း သက်ပြင်းတစ်ချက်ချလိုက်သည်။

"‌ဟုတ်ပြီ...လှေကားထစ်တွေကတော့ နည်းနည်းထိန်းညှိမှုလိုတယ်...ဒါပေမယ့် တိုင်းတာတွက်ချက်ရမှာ မင်းတို့ အဖွဲ့ရဲ့တာဝန်လေ...တွက်ချက်ပီးတော့ ငါတို့ဌာနကို ပြန်တင်ပြရမှာ..."ဟု ပြောလေရာ ရန်ငြိမ်းအေးက လှောင်ပြုံးပြုံးလိုက်ရင်း လက်ပိုက်လိုက်ကာ