Uni
"မောင့်မူပိုင်ဇနီး"
🥀အပိုင်း ၁၂🥀
ချမ်းအေးလွန်းသည့် ဆောင်းညမှာ သူမ၏ စိတ်အစဥ်က အိပ်စက်ခြင်းသို့ မရောက်နိုင်ခဲ့ပေ။ အတွေးများစွားနှင့် နှလုံးသားက တမ်းတမိသူက မောင်။ ချစ်မြတ်နိုးမှုတွေနှင့် နှစ်ကိုယ်တူ ဘဝထူထောင်ခဲ့ပြီးမှ လမ်းခွဲရသည့် အဖြစ်က သိပ်တော့ အဆင်မပြေလှပေ။
ညတာကပဲ ရှည်တာလား။ သူမကပဲ အိပ်မပျော်လေသလား။ မောင့်ကို လွမ်းသည့်စိတ်က သူမကို နှိပ်စက်နေပြန်ပါပြီ။
နားထဲမှာလည်း ခွန်းစစ်သည် ပြောသည့် စကားများကို ပြန်ကြားယောင်နေမိပြန်တော့လည်း ဦးခေါင်းကို အသာအယာ ယမ်းခါလိုက်မိလေသည်။
"အစ်မ မန္တလေးပြန်လိုက်ခဲ့ ၊ ကျွန်တော်က မိသားစုတွေ ပျော်ပျော်ရွှင်နေရအောင် ပြန်လာကာမှ အစ်မက အစ်မက ဘာမဟုတ်တဲ့ ယောကျာ်းအတွက် အစ်မ အသက်ကို ရင်းမယ်ပေါ့၊ အစ်မ ပြန်စဥ်းစားကြည့်စမ်း၊ မင်းထက်မြတ်ဆိုတဲ့ ကောင်ကအစ်မ သေသွားရင် အစ်မ အစား အခြားမိန်းမကို ကောက်ယူသွားမှာ မယုံမရှိနဲ့၊ အစ်မ ခေတ်ပညာတက်ပါ၊ တွေးစမ်းပါ အစ်မရယ်၊ ဘာမဟုတ်တဲ့ ယောကျာ်းတစ်ယောက်အတွက် ကိုယ့်တန်ဖိုးကို ဆွဲမချပါနဲ့၊ နင့်မှာ မာနမရှိဘူးလား အစ်မ၊ မာနရှိစမ်းပါ၊ သူတောင်နေချင်သလို နေခဲ့တာ နင့်က ဘာဖြစ်နေတာလဲ၊ တကယ်တမ်းကြတော့ နင့်မရှိတော့ရင် ငါတို့ သားမိတွေပဲ ရင်ကွဲနာကျမှာဟ ၊ အထူးသဖြင့် အမေပေါ့၊ အမေ အရမ်းငိုနေတယ်၊ ငါ့ကို ဖုန်းဆက်ပြောတယ်၊ မိထွေးဖြစ်နေလို့ သူ့ကို အလေးမထားတာဆိုပြီး"
အမေကို အဲ့ဒီလောက်အထိ စိတ်ထိခိုက်စေခဲ့တာလား။ သူမ မရည်ရွယ်ခဲ့ပါ။ သူမ စိတ်နှလုံးသားထဲမှာ အမေ့ကို ဘယ်သော အခါမှ မိထွေးဟု မသတ်မှတ်ခဲ့ဖူးပေ။ ငယ်ရွယ်စဥ် ကလေးဘဝကတည်းက သူမ အပေါ် မိခင်အရင်းလို ပြုစုပျိုးထောင်ပေးခဲ့သည့် အမေ့ကို ဘယ်သောအခါမှ မိထွေးဟု မသတ်မှတ်ခဲ့ပေ။
အမေဟာ အမေပါပဲ။ ဘယ်သောအခါမှ အမေ့၏ မေတ္တာတရားကို သူမ မစော်ကားခဲ့ဖူးပေ။ စေတနာနှင့် မေတ္တာတရားတွေ ရင်းပြီး သူမကို ပြုစုပျိုးထောင်းပေးခဲ့သည့် မေမေ ၏ မေတ္တာတရားတွေကို တကယ်ပဲ သူမ စော်ကားမိခဲ့လေသလား။
YOU ARE READING
မောင့်မူပိုင်ဇနီး
Romanceကလေးလိုချင်တဲ့ မောင် နဲ့ ကလေးမရနိုင်တဲ့ မြတ်နိုး တို့ရဲ့ အိမ်ထောင်ရေးဇာတ်လမ်း
