Uni
"မောင့်မူပိုင်ဇနီး"
🥀အပိုင်း ၁၀🥀
မြတ်နိုးမေးလာသော မေးခွန်းကြောင့် သူ့ မြတ်နိုးမျက်နှာလေးကို စူးစိုက်ကြည့်မိပြီးသား ဖြစ်သွားရလေသည်။
"မောင့် မောင့် အမှန်တိုင်း ပြောရမလား"
သူ့ မေးခွန်းကြောင့် သူမ ခပ်ရိရိပြုံးလိုက်ပြီး
"ပြောပါ မောင့် ဘာပြောမလဲ မြတ်နိုး နားထောင်နေပါတယ်"
"ဟူး"
ထက်မြတ် လေပူတစ်ချက်ကို မှုတ်ထုတ်လိုက်ပြီး
"မောင့် ရူးရူးမိုက်မိုက်စဥ်းစားခဲ့ဖူးတယ်၊ မြတ်နိုးက မောင့် အတွက် ကလေးမမွေးပေးနိုင်ဖူးဆိုပြီးတော့လေ၊ တခြားမိန်းမတစ်ယောက်ကို လက်ထပ်ပြီး ကလေးတွေနဲ့ ပျော်ပျော်နေမယ် ဆိုပြီပေါ့၊ ဒါပေမယ့် မောင့် အဲ့လိုတွေးဖူးပေမယ့် မြတ်နိုးကို ကွာရှင်းမလားဆိုတော့လဲ မကွာရှင်းနိုင်ဘူး၊ ဒါဟာ မောင့်ရဲ့ ရူးမိုက်ခြင်း တစ်ခုပေါ့"
"ဒါဆို မောင့်က မိန်းမနှစ်ယောက်ပေါင်းမယ်ပေါ့"
ထက်မြတ် ခေါင်းတဆက်ဆက်ငြိမ့်ရင်း
"ဟုတ်တယ် ၊ မြတ်နိုးကိုလည်း မခွဲချင်ဘူး၊ ပြီးတော့ မောင့် မျိုးဆက်ကိုလည်း လိုချင်ခဲ့ဖူးတယ်"
သြော် ဒေါ်ရူပါခင်၏ သား ပီသပါပေသည်။ အမှန်ဆို မောင့်ကို မြတ်နိုး ကလေးမွေးပေးချင်ခဲ့ပါသည်။ မြတ်နိုးတို့ မိသားစု၏ မွေးရာပါ ရောဂါတစ်ခုကြောင့် မြတ်နိုးကလေးမယူခဲ့ခြင်းပင်။ အမှန်စင်စစ် ကလေးယူခဲ့လေလျှင် မြတ်နိုး အသက်နှင့် ရင်း၍ လောင်းကြေးထပ်ရမှာပင်။ မြတ်နိုး ချစ်ရသည့် မောင့်ကိုလည်း ကလေးမွေးပေးချင်သည်။
မြတ်နိုးသည့် မောင့် မိသားစု ပြောခဲ့သလို မြုံနေသည့် မိန်းမတော့ မဟုတ်ပေ။ မြတ်နိုး မျက်ဝန်းတွေကို အသာမှိတ်ချလိုက်ပြီး
"မြတ်နိုး ကလေးမွေးပေးရင် မောင့် ကျေနပ်မလား"
"ခလွမ်း"
"ဘာ"
မြတ်နိုး စကား၏ အဆုံးတွင် မင်းထက်မြတ် တစ်ကိုယ်လုံး တောင့်တင်းသွားကာ တုန်လှုပ်သွားရလေသည်။
YOU ARE READING
မောင့်မူပိုင်ဇနီး
Romanceကလေးလိုချင်တဲ့ မောင် နဲ့ ကလေးမရနိုင်တဲ့ မြတ်နိုး တို့ရဲ့ အိမ်ထောင်ရေးဇာတ်လမ်း
