♡ បណ្តូលចិត្តរេរ៉ាវែល ♡

ភាគ៣៨៖វាអោបអូន វាប៉ះចង្កេះអូន វាចង់ថើបអូន បងមិនបណ្តោយឲអ្នកណាប្រដៅវាក្រៅពីបងទេ

ឡានស៊េរីទំនើបម៉ាកJeepពណ៍ខ្មៅរលោងស្រិល ជាមួយនិងម៉ូតដ៏ទាន់សម័យ នាយកម្លោះក្នុងឈុតខោខាប៊យពណ៍ទឹកប៊ិចក្រម៉ៅ ពាក់អាវយឺតសរស្តើង ស្រោបទឺនុយយ៉ាងស្រស់សង្ហារ បូករួមជាមួយអាវក្រៅស្បែកពណ៍ខ្មៅ ស្បែកជើងប៊ូពណ៍ខ្មៅក្រិប សាកសមឥតខ្ចោះជាមួយរាងកាយមាំមួនឈរផ្អែកនិងឡានមិនទាន់ចេញទៅណា កំពុងរង់ចាំដៃគូរួមដំណើរ។
ទ្រីងៗ!
សម្លេងទូរស័ព្ទទំនើប ឮចេញពីហោប៉ៅខោរបស់ជុងហ្គុក ។
នាយដើរចេញពីគម្លាតឡានមិនជាឆ្ងាយប៉ុន្មាន សឹមទាញទូរស័ព្ទ ចេញពីក្នុងហោប៉ៅខោ លើកមកនិយាយ
“ហេឡូ លោកម្ចាស់”
“ហុឹម និយាយមកចុះ”ជុងហ្គុកខាំបបូរមាត់ខ្លួនឯងតិចៗ និងលើកដៃមកជ្រោងសក់យ៉ាងទំនើង។
“ទំនិញដែលខាងយើងត្រៀមនិងដឹកជញ្ចូនទៅឲភ្ញៀវ ខ្ញុំចង់ឲលោកម្ចាស់ចុះមកពិនិត្យសារជាថ្មីម្តងទៀត ដើម្បីប្រាកដចិត្តថាទំនិញរៀបរយ និងមិនមានខូចខាត បែកបាក់ ជៀស
វាងនាំឲភ្ញៀវមិនសប្បាយចិត្តពេលទំនិញទៅដល់ដៃពួកគេ”

“ចាំទំនេរ យើងនិងចុះទៅពិនិត្យម្តងទៀត”ជុងហ្គុក
“តែកាលវិភាគលោកម្ចាស់ ពេលស្អែក ដូចជាមិនមានការប្រជុំអ្វីសំខាន់នោះឡើយទាន បើអាច ចុះពិនិត្យស្អែកតែម្តងក៏បានដែល”នាយជំនិត ទទូចសុំជុងហ្គុកឲមកពិនិត្យសារជាថ្មី កុំឲមានការថ្លោះធ្លោយខូចខាត មួយវិញទៀត ឥវ៉ាន់ក៏ប្រញាប់ដឹងចេញទៅកាន់ភ្ញៀវធំៗ បើទុកទៀត ក៏អាចនិងមានបញ្ហាដូចកាលមុន! សត្រូវ គ្រប់តំបន់បែបនេះ ជឿទុកចិត្ត អូសបន្លាយស្តុកទុកបន្តទៀតលែងបាន បើទោះបីជាមានការយាមកាមតឹងរឹងយ៉ាងណាក្តី ក៏អាចនិងមានរណុកក្នុងពីសម្ព័ន្ធណាមួយមកបង្កបញ្ហាខូចខាតដល់គេមិនខាន។

“យើងមិនទំនេរទេ! យើងទៅលេងផ្ទះចម្ការ១ថ្ងៃ២ ទើបត្រឡប់ទៅវិញ”ជុងហ្គុកយកដៃច្រត់ហោប៉ៅ មិនភ្លេចប្រាប់ពីមូលហេតុ! យ៉ាងណាមិញ នាយក៏ចង់មានពេលវេលាផ្ទាល់ខ្លួនខ្លះ ក៏យល់ឃើញថាសព្វថ្ងៃវីវក់និងការងារមុខជំនួញមិនដែលដាក់ដៃ ព្រោះក៏ដឹងថា ការធ្វើមុខជំនួញពោពេញទៅដោយការប្រកួតប្រជែង ធ្លាក់ទឹកដៃឬប្រលែងចោលតែបន្តិច ឪកាសក៏និងធ្លាក់ទៅលើអ្នកផ្សេងយ៉ាងងាយស្រួល  នេះជាបញ្ហាមួយដែលនាយមិនដែលនិងគិតថាប្រលែងការងារចោល ព្រោះមិនចង់នៅក្រោមអ្នកណាម្នាក់ឡើយ មហិច្ឆតាតែមួយគត់របស់ជុងហ្គុក រេរ៉ាវែលគឺ"បើឈរហើយឈរឲខ្ពស់ ឈោងឲដល់ កូនប្រុសចិត្តឆៅចិត្តក្តៅ មិននៅក្រោមនរណាម្នាក់ មិនថា អំណាច មុខជំនួញ សមត្ថភាព ភាពល្បីល្បាញ ស្នេហា(firs love) រូបរាងកាយ ទ្រព្យសម្បត្តិ និង Background ក្នុងជីវិតពិត" ដាច់ខាតមិនចាញ់អ្នកណាម្នាក់?