" ပြောလေ... ChangShaLeiကို တကယ်တွေ့ခဲ့တာလား မဖြစ်နိုင်တာ...... ဘယ်လိုလုပ်........."
ခပ်တိုးတိုးပေမယ့် Luhanလေသံက မာန်ပါနေသည်... သံသယစိတ်လည်း ပျော်ဝင်နေတာ သိသာလှသည်... နုနယ်သည့်မျက်နှာလေး သေးညှက်တဲ့ ဆယ်ကျော်သက်ကိုယ်ဟန်လေးနှင့် မလိုက်ဖက်စွာ တည်ငြိမ်လေးနက်ဟန်က Luhanကိုလွှမ်းခြုံထားသည်... စိတ်ထဲ အနက်ရှိုင်းဆုံးတစ်နေရာမှာတော့ တစ်ခုခုကို အသည်းအသန်အဖြေရှာနေမှာတော့ အသေအချာ... သူသိထားတဲ့ ChangShaLeiက ထာဝရကြွေလွင့်ပျောက်ကွယ်သွားပြီလို့လေ...
" Luဘာစဉ်းစားမိလို့လဲ "
Sehunအမေးကို အာရုံမထားပဲ သူ့ကို စူးစိုက်ကြည့်နေသည့် Amberကိုသာ ပြန်စိုက်ကြည့်ရင်း အကဲခတ်နေသည်... အခန်းထဲကလေထုကခြောက်သွေ့လျက် ကျန်သုံးယောက်မှာလည်း အသာတိတ်၍သာ အခြေအနေစောင့်ကြည့်နေကြသည်...
" မင်း အံ့သြသွားမှာပေါ့Luhan "
Amberအပြောကို ဘာမှမတုန့်ပြန်... ခုနကအတိုင်း စိုက်ကြည့်လျက် မျက်နှာထားက တည်ငြိမ်ဆဲ...
" ah... မယုံဘူးပဲ "
Amberရဲ့အဖြေထုတ်သလိုစကားကို Luhanနှုတ်ခမ်းထောင့်လေးတစ်ဘက်လှုပ်ရုံ အသာပြုံးသည်... လှပတဲ့မျက်ဝန်းလေးတွေ စူးရှရင့်သီးမနေပေမယ့် လှောင်ရိပ်တွေတော့ စွက်နေသယောင်...
" Sehun a "
အေးဆေးသက်သာခေါ်လိုက်တဲ့ Luhanအသံနောက်မှာတော့......
*ဝုန်း*
ရုတ်တရက် စူးရှလွန်းတဲ့ အလန်းတန်းတစ်ခု အခန်းကျဉ်းလေးထဲ လင်းလက်ပေါက်ကွဲသွားပြီး တံခါးပေါက်ဘေးကနံရံဆီ အရှိန်ပြင်းပြင်းအရာတစ်ခုက ဝင်တိုက်လိုက်သောကြောင့် အုတ်နံရံကအမှုန်တွေ ဖွာလန်ကျဲကြွေကျလာသည်... မျက်တောင်တစ်ခတ်စာ အချိန်လေးအတွင်းမှာပဲ ဆိတ်ငြိမ်ခြောက်ကပ်နေတဲ့ အခန်းအခြေအနေက ရုတ်ချည်းပြောင်းလဲသွားသည်...
ကြမ်းပြင်မှာ နာကျင်စွာခွေလဲနေတဲ့ Henry... ထိုင်မြဲနေရာမှာ အံ့သြမင်သက်နေတဲ့Chen... နေရာမှာပဲ အေးအေးဆေးဆေးရပ်ပြီး နံရံဆီစူးစိုက်ကြည့်နေတဲ့Luhan... မျက်စိရှေ့မှာ ရွှေမင်ငွေမင်ရောယှက်နေတဲ့ အတောင်ပံတစ်စုံက လင်းလက်ထည်ဝါစွာ... ငွေရောင်ကနုတ်တို့နဲ့လက်တစ်ဘက်က အစွယ်ဖွေးဖွေးနဲ့ မဟူရာမျက်အိမ်ရှင်ရဲ့ လည်ပင်းကိုအားကုန်ညစ်ထားသည်... ကျန်တစ်ဘက်က သူချုပ်ထားတဲ့သူရဲ့ လက်နှစ်ဘက်ကိုပူးကိုင်ပြီး ကျောဘက်နဲ့နံရံကြားမှာ ညှပ်ချုပ်ထားသည်...
