ကျောခိုင်းထွက်ခွာသွားတဲ့ Sehunကိုကြည့်ရင်း Baekhyunမျက်ဝန်းတွေ အနည်းငယ်စိုစွတ်လာသည်... 'mianhae... mianhae Sehunnie...' စိတ်ထဲမှာပဲ အကြိမ်ကြိမ်တောင်းပန်နေမိသည်... Sehunအတွက် အိမ်ပြန်လမ်းက အန္တရာယ်ရှိနိုင်မှန်း သိပါရဲ့နဲ့ သူ့နှုတ်က တစ်ခွန်းတလေမှ ပြောမထွက်လာခဲ့...
လေးလံတဲ့ခြေလှမ်းတွေနဲ့ Baekhyunအိမ်ထဲ ပြန်ဝင်လာခဲ့ပြီး အိပ်ခန်းဆီတရွေ့ရွေ့ လျှောက်လာနေခဲ့တာ ဝိညာဉ်လွင့်နေသူလို အသိစိတ်လွတ်နေသူလို... အခန်းတံခါးကိုဆွဲဖွင့်လိုက်တော့ အိပ်ယာပေါ်မှာ မလှုပ်မယှက် လဲလျောင်းနေသူတစ်ဦး... စိတ်ထဲကြောက်နေမိပေမယ့် မသိစိတ်က အနားတိုးကပ်သွားဖို့ တွန်းအားပေးနေပြန်သည်... Baekလည်း အိပ်ယာပေါ် အသာဝင်ထိုင်လိုက်ပြီး ထိုလူစိမ်းကိုသာ စိုက်ကြည့်နေမိသည်...
နဖူးပေါ်ဝဲကျနေတဲ့ ဆံပင်ညိုခွေခွေလေးတွေဆီ မဝံ့မရဲ လက်လှမ်းလိုက်မိသည်... ခပ်ပြေပြေနဖူးပြင်... ဖြောင့်စင်းချောမွတ်တဲ့နှာတံ... မျက်လုံးဝိုင်းဝိုင်းလေးတွေကို ဖုံးအုပ်ထားတဲ့ ပန်းနုရောင်သန်းတဲ့မျက်ခွံလေးတွေ... ကြည်စင်တဲ့အသားအရေနဲ့ ပန်းသွေးစိုနေတဲ့ နှုတ်ခမ်းပြည့်ပြည့်... အရပ်ရှည်တော့ သွယ်လျတဲ့ ခြေလက်တွေ... အနည်းငယ်ကားသယောင်ရှိပေမယ့် ချစ်ဖို့ကောင်းတဲ့ နားရွက်လေးတွေ... ထိုလူရဲ့ ပါးပြင်ကို အသာထိကိုင်ထားပြီး Baekတစ်ယောက် အတွေးနယ်ချဲ့နေမိသည်... ပြီးပြည့်စုံလွန်းတယ်မလား... ဒီလောက်ကြည်စင်တဲ့ ရုပ်လက္ခဏာနဲ့သူက ဘာလို့များ......
ထိုလူစိမ်းကို Baekhyunစိတ်ထဲမှာ နှစ်သက်မိပေမယ့် ကြောက်စိတ်ကလည်း ဒွန်တွဲနေပြန်သည်... ပထမဆုံးတွေ့ဆုံမှုက မလှပခဲ့ပါပဲလေ... Baekကိုယ်ကို ဝင်ပူးကပ်နေထိုင်ခဲ့သူ... သေချာမသိပေမယ့် Sehunကို အန္တရာယ်ပြုမယ့်သူဆိုတာ ခန့်မှန်းမိနေသည်... ဒါဆို Sehunကရော ဘာလဲ... သာမန်လူသားတွေ မဟုတ်မှန်းသိလာပေမယ့် အဲ့ဒီသဘာဝလွန် ဖြစ်ရပ်တွေအကြောင်း Baekသေချာမသိ... စိတ်လည်းမဝင်စားခဲ့ဖူး... အခုထိ ဘာမှသေချာမသိရသေးတဲ့ ဒီလူကို စိတ်ညွှတ်နေမိတာ... ညကြီးသန်းခေါင် မိုးရေတွေစိုရွှဲ ရုတ်တရက်ကြီးရောက်လာပြီး baekခန္ဓာကိုယ်ကို ဓားပြတိုက်စီးနင်း နေထိုင်ခဲ့သူ... သေဆုံးသွားတာမျိုးလည်းမဟုတ်ပဲ ဝိညာဉ်ချုပ်ခံခဲ့ရပြီး ခုထိအရိပ်လိုလိုက် ခြယ်လှယ်နေသူ... စတွေ့ခါစတုန်းကလို မဟုတ်ပဲ ပြန်ကျန်းမာနေပုံရတဲ့သူ... Baekကိုယ်ကို ဝင်ပူးမနေတော့ပေမယ့် အိမ်မှာအတူဝင်နေပြီး အရိပ်လိုအနားမှာ အမြဲရှိနေတတ်သည်... အခုထိလည်း ဘာစကားတစ်ခွန်းမှမဆို သူ့အကြောင်း ဘာမှလည်း မသိရပါပဲ Baekကို စိုးမိုးခြယ်လှယ်နေခဲ့သည်... အခုလည်း ဘယ်တွေများ သွားနေပြန်ပြီလဲမသိ... ရုပ်ကသာ ဒီမှာကျန်ခဲ့တာ နာမ်ဝိညာဉ်က ဘယ်ဆီကိုများ...... ဖြစ်နိုင်တာက Sehunဆီကိုများ.........
