မေသွေးတော့ စားကောင်းတိုင်းစားလိုက်တာ လမ်းပင်အတော်လျှောက်ယူလိုက်ရ
" အားးး မေမေချက်တဲ့ဟင်းတွေက ကောင်းလွန်းလို့ စားလိုက်တာ ဘယ်နှပန်းကန်တောင်ရှိသွားမှန်းကို မသိ ဟီးဟီးး "
ခြံထဲ၌မိသားစု သုံးယောက် လမ်းဆင်းလျှောက်ကြကာ မျက်နှာချိုသွေးနေလေရဲ့
" မေသွေး "
" ရှင် မေမေ "
" လာ ထိုင် မေမေသမီးကိုပြောစရာရှိတယ် "
" ဟုတ်မေ့ လာပြီ " ဆိုကာ ဒန်းပေါ်ထိုင်လိုက်လေသည်
" သမီး.....သမီးကလေ မကြာခင်မှာ အိမ်ထောင်သည်ဖြစ်တော့မှာ အဲ့တာရော သိရဲ့လားသမီး "
" ဟုတ် သမီးသိပါတယ် "
" ဒါဆို မေမေပြောမယ် အိမ်ထောင်ပြု ဘုရားတည် ဆေးမှင်ရည်စုတ်ထိုး ဤသုံးမျိုးချက်မပိုင် နောင်တစ်ချိန်ခက်မယ် တဲ့ ကြားဖူးတယ်မလား "
" ဟုတ် "
" လင်နေစ ဆင်သေမှ တဲ့ ယောင်္ကျားရပြီးရင် ဆင်ခြင်စရာတွေ အများကြီးပေါ်လာအုံးမှာ မေမေ့သမီးလေးက မေမေတို့လောင်းရိပ်အောက်မှာပဲ နေရတော့ ဘာတွေဆင်ခြင်ရမလဲ ဘာတွေဆောင်ရမလဲ ဆိုတာ မေမေတို့ကပြောပြမှသိမှာလေ အဲ့တော့က မေမေပြောတဲ့စကားတွေကို သေသေချာချာ နားထောင် မှတ်သား ကိုယ့်တစ်ဘဝလုံးက ဒီယောင်္ကျားနဲ့ပဲ နေရတော့မှာလေ
သားလွန်းက ဘယ်လောက်ပဲ သမီးကိုချစ်ပါတယ်ပြောပြော သမီးက အိမ်ရှင်မ မပီသရင် ဘယ်အချိန် ဘယ်အတိုင်းအတာထိ သမီးအနားနေမှာလဲ အရင်ဆုံး သမီးတို့က စေ့စပ်ပွဲပဲ လုပ်အုံးမှာဆိုတော့ သမီးသင်စရာရှိတာတွေကို မေမေ့ဆီကသင် အိမ်ရှင်မကောင်းတစ်ယောက်ဆိုတာ ဘာတွေလိုအပ်သလဲ ဘာတွေလုပ်ရသလဲဆိုတာ သမီးကောင်းကောင်းနားလည်နေမှရမှာ သမီးတို့ မင်္ဂလာဆောင်ပြီးလို့ အိမ်ခွဲနေတယ်ဆိုရင် အိမ်အကူထားမယ် ထား ရတယ် ကိုယ်က မလုပ်တတ်ဘူးဆိုတာ မဖြစ်စေနဲ့သမီး ကိုယ်မအားလို့ ကိုယ်အချိန်မရလို့ မလုပ်ဖြစ်တာမျိုးပဲ ဖြစ်ပါစေ နော် သမီး "
" ဟုတ် မေမေ သမီးသေချာမှတ်ထားပါ့မယ် "
" မေ့သမီးလေးက ငယ်ငယ်လေးကတည်းက လိမ္မာပြီးသားပါ သမီးလေးရယ် သမီးကို ထွေထွေထူးထူး ဆုံးမစရာရယ်လို့ မရှိပါဘူးကွယ် "
YOU ARE READING
Favorite person
Roman d'amourသိပ်ချစ်ရတဲ့ အမျိုးသားရယ် ထိုသူနဲ့တူတဲ့ ကိုယ်ပွားလေးရယ် ကိုယ့်ဆီမာ သူတို့လေးရှိရင် အရာရာပြီးပြည့်စုံသွားပြီ
