Title : Temptation
Hinawakan nya ang mukha ko at marahang iniangat iyon. Nakatitig sya sa mga mata ko. Kitang kita ko ang pagkinang niyon dulot ng di mapigilang emosyon.
Sinuyod nya ng tingin ang aking mukha na tila kinakabisado ang bawat linya at kurba nito. Ang bawat nunal ay tila minimemorya nya kung nasaang parte ito nakintal.
Sing bilis ng tibok ng puso nya ang tibok ng puso ko. Ramdam ko ang tila temptasyon na unti unting namumuo sa aming dalawa.
Bumaba ang tingin nya sa aking mga labi. Marahang lumalapit ang mukha niya. Ipinikit ko ang aking mga mata habang hinihintay ang paglapat ng kanyang matamis na halik.
"Miss, anong shade ng lipstick mo? Share mo naman. Bongga e. Gusto kong itry!"
Narinig kong mapilantik na bulong nya sa akin.
"Mac lipstick. Yung uso ngayon na gamit ni Maine Mendoza."
Sagot ko na numumula sa pagkapahiya.
