هل إنتهيت منى!!؟

(٥)

عمار :استاذن انا وفرصه سعيده انى اتعرفت عليكم
(ولسه هايتحرك شاف واحده جايه عليهم من لبسها كده تقدر تقول انها مستحيل تعرف حد منهم لكن..فجأه وقفت قدامهم : ازيك يااحمد
احمد : تمام انتى عامله ايه ياقمر اتفضلى معانا
هى :الحمد لله ميرسى بس انا كنت عاوزه عمار شويه
عمار : اتفضلى قدامى الكلام مش هنا .سلام فرصه سعيدة يا ليلى
مشى عمار وليلى وصحابتها مستغربين ازى واحد زى احمد وواحد زى عمار يعرفوا واحده زى دى كملو غداهم واحمد قال لليلى احنا هانروح دلوقتى البحر وبعد ساعتين هانروح السوق التجارى غيرى هدومك واشوفك على البحر.
ليلى :انا مليش نفس انا هاقعد فوق روح انت
احمد ببرود :احسن الاشكال اللى تحت مش هاتعجبك وانا مش عاوزك تشوفيهم
طلعت ليلى وهى مصدومه من رده كانت منتظره يقولها اى حاجه تخليها تستمتع بالرحله اللى هى نفسها تستمتع بيها فعلا طلعت اوضتها ووقفت فى الشباك عشان تتفرج على الاقل على البحر اللى حرمت نفسهامنه وهى بتبص شافت عمار واقف بيتخانق مع الآنسه اللى مشى معاها وبعد كده مشى بعيد عنها فكرت تنزل تطمن عليه بس قالت جواها : وانا مالى دى مره اللى قابلته فيها شويه وموبيلها رن ردت: ايوا يا ماما
نجوى: عامله ايه يا حبيبتى
ليلى: الحمدلله يا ماما ،انتى عامله ايه وبابا اخباره ايه الحمد لله
نجوى : مبسوطه فى الرحله انا عاوزكى تتصورى فى كل حته تروحيها وفى البحر وتتصورى كمان بكل الهدوم الجديده عشان اتفرج عليكى بيهم
ليلى : حاضر يا ماما انا ها خلى آروى تصورنى بيهم
نجوى:ماشى يا حبيبتى انا هاقفل بقى عاوزه حاجه
ليلى :لا ياماما ربنا يخليكى لا إله الا الله
نجوى :محمد رسول الله
#على البحر
معاذ: يالاياشباب اذان العصر (خرج احمد ومصطفى وباقى الشباب راحو للمسجد )
وبعد الصلاه خارجين من المسجد راجعين البحر
مصطفى: ايه يابنى مالك كده متنشن ومتضايق
احمد : مفيشةبس اصل ليلى ....
مصطفى :مالها هى فين اصلا
احمد: فى اوضتها اصلها مش عاوزه تنزل البحر
مصطفى: هى اللى قالت كده
احمد :امممممم
مصطفى: وانت سيبتها كده عادى
احمد:يعنى اعملها ايه هى قالت مليش نفس
مصطفى :اطلع هات بنت عمك وحايلها كده هزر معاها ابتسامه حلوه بنقول قربها مش تصدها
احمد :فكرك كده
مصطفى :طبعا بس بسرعه خليها تقضى وقت حلو
احمدطلع لليلى خبط عليها لقها قاعده عند الشباك وسرحانه
ليلى.. انت سبتهم ليه
احمد ..ابداً البحر ملوش شكل من غيرك قومى البسى وانا هاستناكى بره لما تخلصى
ليلى.. هو انا اشتكيتلك
احمد.. من غير ما تشتكى هو انتى جايه عشان تحبسى نفسك فى الاوضه يالا بسرعه دقيقه وتكونى قدام الباب
خرج احمد ليلى من الفرحه فضلت تتنطط طالعت المايو الشرعى لبسته وخرجت
احمد :يالا يا قمر
ليلى.. ماشى
نزلت ليلى وسابت احمد وراحت ل آروى وساره
ليلى .. ايه يا بنتى اللى انتى عاملاه ده مش حرام عليكى جسمك ده
ساره.. قوليلها يا ليلى انا ليا ساعه اقولها استرى نفسك وهى ولا هنا شايف شهاب وشلته بيبصوا عليها إزاى
آروى..بقولك ايه يا ست الشيخه انتى وهى انا مش طالبه خنقه كل واحد حر يعمل اللى عاوزه لو خايفين على نفسكم اقعدو فى حته تانيه
ساره.. يالا ياليلى بدل ما احمد يشوفك قاعده معاها ويسود عيشتك (مشيت ليلى مع ساره )
آروى بتمتمه.. بنات معقده وخنيقه
#فى البيت عندى كمال ونجوى
كمال.. الحقينى يا نجوى كمال مش قادر ياخد نفسه وتعبان اوى
نجوى .. مالك يا كمال فيك ايه
كمال.. اتصلى بدكتور عماد هاتلاقى نمرته على تلفونى بسرعه مش قادر (نجوى كلمت الدكتور وهو قالها انه هايكون عندهم فى اسرع وقت وصل الدكتور ومعاه عربية اسعاف نقلو بيها كمال على المستشفى وهناك
نجوى .. طمنى يا دكتور هو عنده ايه
د.عماد ..هو مش معرفك حالتو ولا إيه
نجوى .. حالة ايه
د.عماد ..انا مش عارف اقول ايه افتكر حضرتك تصبرى شويه وهو يقولك بنفسه احنا اسعفناه وهو شويه كده وهيقدر يتكلم كويس تقدرى تساليه