هل إنتهيت منى!!؟

(١٢)

مصطفى.. اه ياعم قيس وتبقى مجنون ليلى تصدق ياد كل اللى اتجننو فى الحب واتبهدلو كان وراهم واحده اسمها ليلى كانها ماتت وسابت اسمها لعنه للى يقربله. هههههههههههههههههههههههههه

احمد.. لما نشوف ..

مشى مصطفى واحمد محسش باى حاجه بعده لانه كان مرهق جدا نام ومحسش باى حاجه لحد الصبح نجوى بتصحيه عشان ما يتاخرش على شغله

نجوى .. قوم يا احمد من امتى بتنام دا كله

احمد .. معلش يا امى كنت تعبان دا حتى اول مره انام ومصليش الفجر مع انى كنت عامل المنبه على معاد الصلاه بس محستش خالص

نجوى ..معلش يا حبيبى قوم اتوضى وصلى وربنا يتقبل على ما اجهز الفطار واصحى ليلى عشان المدرسه

سبته وراحت لليلى .

نجوى.. قومى ياليلى عشان ماتتاخريش

ليلى .. الله بقى يا ماما سيبينى شويه صغيره

نجوى.. قومى عشان تلحقى تصلى وتفطرى

ليلى وهى بتعدل وتقعد على السرير ..اولا انا صليت ثانيا الساعه لسه ٦ والمدرسه بتبدا سبعه ونص ولو على الفطار هاكل مع اروى وساره

نجوى .. طيب اروح اقول لاحمد يمشى هو مش يستناكى

ليلى .. خلاص خلاص قايمه اهوه استنى اجى تجهز معاكى الفطار

نجوى .. لا يا حبيبتى قومى اغسلى وشك وغيرى واجهزى عشان خطيبك يوصلك

ليلى .. خطيبى بجد يا ماما بقى خطيبى

نجوى ..ههههههههههه تصدقى ابوكى دا طلع ناصح ومابيعديش عليه الهوا قال وانا اللى كنت فاكراه طيب . ايوا يا حبيبة ماما بقى خطيبك

قمت ليلى وغسلت وشها واسنانها ولبست زى المدرسه وراحت تفطر وكانو كلهم قاعدين بدأو ياكلو وكلهم ساكتين لحد ما احمد قطع فترة الصمت

احمد ..بقول ايه يا بابا انا كنت يعنى .......

كمال.. خير قول التقطيع فى الكلام دا وراه طلب ايه عاوز فلوس

احمد ..هههههههههههه فلوس ايه بس يا عمى مستوره الحمدلله انا بس كنت عاوز استاذن اخد ليلى انهارده ننزل نتفرج على محلات الدهب عشان تنقى شبكتها وافسحها شويه عشان قطعنا الرحله وكدا وهاناخد ماما معانا يعنى لو انت قلقان من خروجها لوحدها معايا

كمال.. وماله يا حبيبى خدها واتفسحو واتبسطو اما بالنسبه لنجوى لا سيبها تقعد معايا انت نسيت ان انا تعبان لسه

احمد.. ربنا يخليك لينا ويديك الصحه

كمال.. ويباركلى فيكو وبالمناسبه طالما فتحت الموضوع بقى اعمل حسابك الخطوبه وكتب الكتاب الخميس الجاى ابقى ادعى اصحابك كلهم وانتى كمان يا ليلى شوفى ها تعزمى مين ومتنساش خالك يا احمد وانا هادعى عمتك فاطمه وعيلها وعمك خالد ومراته ولو عيالهم فاضيين

احمد وهو مبسوط وطاير من الفرحه قام يبوس كمال ونجوى وهو بيقول ربنا يخليكم ليا

احمد .. قومى ياليلى خلينى اوصلك المدرسه وبعد المدرسه اخدك نجيب الشبكه ونروح نجيب الفستان ونحجزلك كوافيره تجيلك البيت

ليلى وهى هتنفجر من الكسوف وخدودها بقى لون زى الطماطم .. اللى تشوفوه

نزل احمد وليلى اخدها وصلها المدرسه وهى نزلت شافت ساره واروى واقفين مستنينها قدام البوابه جريت عليهم كانت عاوزه تهرب من نظرات احمد ليها بس هو نادى عليخا بصوت عالى

احمد ..متنسيش تروحى على طول عشان ما نتاخرش

مشى احمد وهو من جواه مش عارف يفرح ان خطته هو ومصطفى ماشيه زى ما هو عاوز ولا يزعل على ليلى اللى مش عارفه تعترض وبتنفذ كل حاجه وهى ساكته ومكسوفه احمد مفهمش مشاعر ليلى وافتكر كسوفها انها لسه مغصوبه على انها تكون معاه كمل طريقه للجامعه كان عاوز اليوم ينتهى باى طريقه عشان يروح لها جواه كلام كتير نفسه يقوله بس هو مش عاوز يستعجل .

#عند ليلى فى المدرسه

اول ما وصلت للبنات طبعا كان عندهم مليون سؤال

أروى.. ايه ياليلى كنتى فين قلقنا لما مشيتو من الرحله فجاه كدا

ساره..اه صحيح ياليلى اتصلنا عليك كتير ومردتيش

ليلى .. اصبرو بس عليا اخد نفسى وبعدين هاحكي كل حاجه

ساره .. بت ياليلى

ليلى .. نعم

ساره بخبث .. انتى وشك محمر كدا ليه الفرحه هاتنط من وشك وابن عمك ابو وش خشب كان بيكلمك ليه وهو بيضحك كدا وبعدين ما تتاخروش على ايه

ليلى ..ما هو لو صبر القاتل على المقتول كان مات لوحده

وحكت ليلى على كل حاجه من اول ما احمدواخدها من الرحله لغاية ما احمد اتفق مع ابوها على معاد الخطوبه

اروى وساره .. مش مصدقين

ساره .. يعنى انتى خطوبتك الخميس اللى هو بعد بكره

ليلى.. تؤتؤ خطوبتى وكتب كتابى كمان

اروى لسه ما فقتش من الصدمه.. بت يا ليلى انتى ركبتى طياره

ساره وليلى فى نفس واحد..ههههههههههههههههههههه

ساره.. يعنى هو دا بس اللى اخدتى بالك منه مخدتيش بالك انها بقت عروسه وخطوبتها بعد بكره وان احمد ابو وش خشب خطبها وطلع بيحبها وهايتجوزو كمان شهر ونص بعد الامتحانات

اروى.. كل ده اتقال وانا مش واخده بالى مبروك ياليلى اصل لما قلتى الطياره انا كنت مصدومه ما انتى عارفه انا نفسى اتجوز طيار

ساره وليلى .. ههههههههههههههههههههه

عدى اليوم وليلى خلصت المدرسه وروحت لقيت احمد لسه موصلش داخلت عشان تغير هدومها لبست فستان كحلى غامق له حزم روز عريض وطلعت طرحه روز وشنطه وجزمه لون الحزام والطرحه وبدأت تلبس وقعدت جنب مامتها وبابها قدام التلفزيون تستنى احمد