هل إنتهيت منى!!؟

(٩)

احمد .. وحش يالا روحى غيرى هانروح عشان اتاخرنا

ليلى.. انت محبط على فكره

احمد.. عارف اخلصى اتأخرنا وبابا هايتعصب

#فلاش باك إند

ليلى.. احمد احمد احمااااااااد

احمد ..ها فيه ايه

ليلى انت رحت فين بنادى عليك مش بترد ليه مش طالع تغير هدومك

احمد.. لا رجعت فكلامى انا هاروح الجامعه زى ما انا وهابقى اغير لما ارجع

ليلى .. طيب سلام بقى

احمد.. سلام

طلعت ليلى البيت والدنيا مش سيعها من الفرحه لانها سمعت احمد وهو بيقولها حبيبى كانت حاسه انها طايره مسكت نفسها بالعافيه قدامه من الفرحه نامت بهدومها من غير حتى ما تغير

#فى المستشفى

نجوى.. معقول اللى انت بتقوله ده ياكمال الولاد زى الاخوات دول متربين مع بعض

كمال.. انتى عارفه حاجه اسكتى كدا وانتى هابله

نجوى.. هابله ليه بقى ياخويا دا جزاتى بعد دا كله

كمال.. ايوا هابله لما تكونى مش واخده بالك من نظرات احمد لليلى وغيرته عليه اللى زادت الفتره الاخيره وكل شويه يلمح لها ويقولها انتى مش اختى  تبقى هابله

نجوى .. تصدق صحيح طيب دلوقتى احمد قالك ايه

كمال .. هايقول ايه يعنى قال موافق بس بشوية تقل

نجوى .. يعنى ايه انا مش فاهمه منك حاجه

كمال.. يعنى قال ان اهم حاجه موافقة ليلى

نجوى .. طيب وافرض  بنتك بقى هى اللى مرضيتش

كمال.. ومترضاش ليه انشاء الله هاتلاقى حد احسن من احمد

نجوى .. انا باقولك إفرض إفرض يعنى

كمال ..مفرضش انتى عليكى تقنعيها انا خلاص كبرت يانجوى واديكى شايفه بين ايادى ربنا ومش هاطمن عليها غير وهى فى عصمة ابن عمها

نجوى.. متقولش كده ربنا يديك طول العمر

كمال.. ونعم بالله  بس برضه هو دا الوحيد اللى هاطمن عليها وهى معاه دا احنا اللى مربينه على ايدينا عارفين اخلاقه وعارفين انه هايتقى ربنا فيها

نجوى ..سيبها لله

كمال ..ونعم بالله

#فى الجامعه

احمد خلص شغله وخارج مروح عشان ياخد ليلى ويروح المستشفى وهو طالع قابل لمار

احمد .. ازيك يا باشمهندسه
 
لمار.. ازيك يا احمدعامل ايه

احمد.. انا كويس المهم صالحتى عمار

لمار..والله باحاول بس هو دماغه ناشفه

احمد.. لمار بطلى استعباط انتى عارفه انه معاه حق انت شايفه مظهرك دا يليق بيكى وبدينك انت كلها سنتين وتخلصى الماجيستير ويقولولك يا دكتوره اتقى الله فى نفسك قبل عمار

لمار .. ماله مظهرى بقى يا استاذ انت كمان موافقه على الهبل دا

احمد ..متزعليش انتى حره بس انا بانصحك لانك زى اختى وانا ماارضاش ان اختى تلبس كدا

لمار .. يادى  اختك اللى دوشتونى بيها  عمار زهقنى  شوفى ليلى اخت احمد لبسها عامل ازاى شوفى اخلاقها شوفى حيائها

احمد بغيره.. عمار قالك كدا

لمار.. ايوا وبعدين انت مش كنت فى رحله  رجعت إمتى

احمد.. رجعت امبارح كان عندى شوية ظروف فى البيت واضطريت الغى الرحله سلام بقى ونبقى نكمل كلامنا مره تانيه  اصلى اتاخرت

لمار .. سلام يا احمد

مشى احمد وهو مضايق من كلام لمار ان عمار بيجيب سيرة ليلى وخصوصا انه افتكر كلام ليلى على اعجابها بعمار واخلاقه روح اابيت وهو شايط مش طايق نفسه

#ليلى

ليلى صحيت من النوم لقيت نفسها بهدومها قامت اخدت فوطه وراحت على الحمام تاخد دش خلصت وهى خارجه من الحمام سمعت الباب طلعت تجرى على اوضتها لانها عارفه ان احمد اللى بيفتح

احمد.. ليلى ياليلى انتى فين

ليلى من ورا باب الاوضه.. ايوا انا هنا بغير هدومى

احمد ..طيب بسرعه على ما اغير انا كمان خلينا نلحق نروح لهم زمان ماما تعبانه اوى

ليلى.. حاضر عشر دقايق بس وهاكون جاهزه

احمد غير هدومه وراح على المطبخ اكل سندوتش لانه كان واصل من الجامعه فاصل من الجوع وخاف يطلب من ليلى تجهزله اكل عشان متقولش زى ما قالت  قبل كده انه مش خايف على عمه وانه بيفكر فى نفسه وبس

خرجت ليلى.. انا جهزت ................ احمد احمد انت فين

احمد ساب اللى فى ايده وخرج ..انا موجود كنت باشرب بس

ليلى ..طيب يالا. 

خرجو وركبو الاسانسير سوا وهما نزلين
ليلى.. انت اكلت يااحمد

احمد بخبث .. مليش نفس

ليلى ..ليه بس كدا يا احمد دا انت من امبارح مقلتش ليه وانا كنت جهزتلك اى حاجه على السريع

احمد .. محبتش اتعبك

ليلى .. لا لازم تاكل اى حاجه على السريع واحنا ماشين

احمد.. هانجيب وناخد معانا عشان ماما بالمره

ليلى .. ماشى هنا هات اى حاجه من المطعم دا اكلهم حلو

احمد نزل يجيب الاكل وهو بيقول لنفسه ..اللى يشوفك امبارح وانتى عامله فيها العسكرى الاخضر وضحك فى سره وهو ماشى .