هل إنتهيت منى!!؟

(٨)

الصوره.: فستان ليلى
كمال.. انا عارف انك اكتر واحد هاتحافظ عليها عشان كدا انا عاوزك تتجوها

احمد.. ااااااااااااااااااااااااا(مصدوم وفرحان وخايف ومرتبك كل مشاعره مره واحده اضطربت واتغيرت ومكنش عارف يرد معقول كده كل احلامه تتحقق مره واحده ومن غير ما يتعب ولا حتى يحاول وفجأه وفى وسط كل الاحاسيس دى افتكر كلام ليلى وهما راجعين عن انها صغيره ولو حبت تجوز هيكون واحد زى عمار والكلام ده .
كمال.. ايه ياأحمد رحت فين ايه مش عاجباك ليلى

احمد .. لا ابدا ياعمى بس....

كمال.. بس ايه فى واحده تانيه

احمد.. لا ياعمى مفيش بس هو حضرتك سالت ليلى عن رايها مش يمكن متوافقش يمكن يكون ليها رأى تانى وبعدين ليلى لسه صغيره دى لسه تالته ثانوى

كمال.. اولا ليلى مش صغيره ليلى عدت ال١٨ سنه من كام شهر انت ناسى ولا ايه مش احن قدمنا لها المدرسه متاخره سنه وبعدين انا بنتى متربيه يعنى اكيد مفيش فى حياتها حد تانى ايه بس اللى يمنع

احمد.. ياعمى انا معنديش مانع انا اتمنى بس ياريت تقعد معاها ولو حسيت للحظه انه مش موافقه ياريت متغصبهاش وانا برده هاكون ليها الاخ والسند دايما

كمال .. يابنى اللى فات من العمر مش قد الباقى وانا عاوز اطمن عليها وانا مليش فى الدنيا غيركم انتو الاتنين

احمد بسعاده.. من عنيا ياعمى انت تأمر وانا هانفذ انا هاخدليلى اروحها من تغير هدومها واعدى اجبها بعد ما ارجع من الجامعه لانها بالهدوم دى من بقى ليها يومين هاكون هنا على الساعه ٣
خرج احمد وهو فى قمة السعاده شاف ليلى قاعد جنب نجوى وبتنام وهى قاعده راح عليها

احمد.. يالا ياماما انتى وليلى هاروحكم تغيرو وتريحو شويه وهانبقى نيجى تانى اخر النهار يكون بابا ارتاح شويه
نجوى .. روح انت واختك وانا هاستنى هنا معاه وباليل هاروح وانت ابقى بيت معاه

احمد بتمته.. اختى . رفع صوته وقال يالا ياليلى

ليلى..ماشى .واخدت شنطتها ومشيت معاه وهما فى الطرق .
ليلى.. انا اسفه على الكلام اللى قلته امبارح

احمد ببرود.. لا عادى ولا يهمك

ليلى .. احمد انا بحاول اصلحك بلاش البرود دا معايا

احمد.. انا مش بارد يا آنسه كل الموضوع ان بنت عمى اللى هى كل حد ليا فى الدنيا هزقتنى وعيرتنى ياليتم اللى انا عايش فيه من وانا عندى ٥سنين فالمفروض ايه بقى اول ما تقول انا اسفه ارد عليها واقولها شكرا على اهانتك ليا

ليلى وهى بتعيط.. انت من امتى قاسى كدا معايا

احمد بيبص للدموع فى عنيها .. خلاص ياحبيبى متعيطيش انا مش قصدى بس اصلى زعلان انتى بالذات مستناش منك كدا ابدا
ليلى وهى بتمسح دموعه.. انا آسفه

احمد.. طيب يالا انزلى عشان وصلنا انا هاطلع اغير هدومى واخد شاور سريع واطلع على الجامعه وانتى نامى شويه وهابقى اجى اخدك ونروح ليهم نطمن عليهم ماشى

ليلى ببإبتسامه خفيفه.. اوك
احمد بص لها وسرح فى ابتسمتها وافتكر اول مره عرف انه بيحبها
(فلاش باك..)
احمد عنده ٢٣ سنه وليلى عندها ١٦
ليلى.. احمد يالا هانتأخر
احمد .. حاضر يا ليلى لبست خلاص يالا بس قبل ما نخرج اعملى حسابك مفيش لف كتير اول محل اشترى اللى انتى عاوزاه
ليلى.. حاضر ربنا يسهل بسرعه بقى
بعد ساعتين
احمد .. ليلى انا تعبت كفايه كده البسى اى حاجه وخلاص
ليلى .. كدا يا احمد انا كبرت ولازم اهتم بنفسى انت عاوز اروى وسارة يبقو احسن منى
احمد .. يعنى الهدوم هى اللى هاتخليكى احسن منهم
ليلى بطفوله وبراءه .. ههههههههههه طبعا

احمد .. لا لالا بصى ياقمر اخلاقك والتفوق الدراسى يخليكى احسن واحده

ليلى .. طيب ما انا الاولى كل سنه وكمان كل الناس بتشكر فى اخلاقى وانت اول من يشهد بكده

احمد.. طيب يالا بينا استاذة ليلى عشان التأخير بس إعملى حسابك دا اخر محل هادخله لو معجبكيش حاجه هارجع البيت

ليلى .. ماشى

جوا المحل ليلى مسكت فستان.. انا هاشوف ده

احمد .. انتى اتجننتى ايه اللى هاتشوفيه

ليلى .. والله هاقيس بس ونبى يا احمد

دخلت ليلى تقيس فستان العروسه اللى مسكاه ولما خرجت احمد مذهول من اللى شايفه قدامه ليلى كبرت.... كبرت اوى كمان ليلى بقت جميله اكتر من اللازم ليلى لازم تتحجب . ليلى دى عروستى انا ليا انا بس مستحيل تكون لغيرى معقول كل دا وانا مش واخد بالى منها فوق يا احمد دى لسه عيله صغيره دى يا دوب ١٦ سنه .
احمد احمااااااااااااااااد ..ليلى بصوت عالى
احمد.. هاا فيه حاجه

ليلى .. ايه رحت فين بكلمك بقى ليا ساعة وانت ولا هنا .ها ايه رايك

احمد .. وحش يالا روحى غير هانروح عشان اتاخرنا .