هل إنتهيت منى!!؟

(٢٠)

احمد.. خلاص ياليلى البيت مليان ناس ومحبش حد يدخل يلقينا بنتكلم هنا احنا فى غنا عن اى كلمه ظريفه هاتتطلع من حد منهم نتكلم بالليل

ليلى.. صح انت معاك حق تلاقى سمر هطب علينا فى اى لحظه بس متزعلش الليله غير يا حبيبى انت عارف الليله دى اهم ليله

احمد وهو بيمسك ايديها.. فرحانه يا ليلى

ليلى ..انت بتهزر فرحانه بس دا انا هاطير من الفرحه

احمد .. وانا كمان على فكره بس كنت عامل مقموص عشان اشوف غلاوتى عندك

ليلى ..بقى كدا طيب بعد اللى بره ما يمشو بس هاوريك غلاوتك واخرج ليهم حالا اصل عمتك فاطمه زمانه جايه

احمد خرج وزى ما كان متوقع سمع تعليق من كل فرد فى العيله اللى طبعا كان عددهم كبير اوى فى يوم زى دا احمد قعد معاهم شويه لغاية ما ليلى جت وقعدت هى كمان معاهم الجو كان كله هزار وضحك لغاية الضهر الشباب راحو المسجد عشان يصلو والبنات كلهم فى المطبخ مع نجوى والطباخ

سمر.. انتى بتعملى ايه ياليلى

ليلى .. باسعدكم هاكون باعمل ايه

سمر .. لا يا حبيبتى انتى تروحى اوضتك ترتاحى انتى انهارده عروسه

ليلى ..لسه وقت طويل على ما صحباتى يوصلو حتى الكوافيره لسه معاها الساعه ٣

سمر .. لا روحى ارتاحى عشان وشك يبقى منور وماتتعبيش دا انتى العروسه

فاطمه(عمى ليلى).. اسمعى كلامها ياليلى هى بتتكلم صح

خرجت ليلى فضلت تستنى الوقت بينى بطئ الجرس رن هى فكرت احمد والشباب فتحت ليلى وكانت الصدمه لما شافت لامار بس المره دى كانت لامار واحده تانيه خالص كانت لامار محجبه واستايل لبسها من غير بالكامل

ليلى بصدمه .. لااااااااااامار

لمار.. ايه مش ها تقولى لى اتفضلى

ليلى .. إإتف.ض.لى

لمار .. انا قولت اجى اساعدك واكون معاكى من اول اليوم ولا انتى مش عاوز انا نكون اصحاب

ليلى .. لا ازاى تقولى كدا دا انا يشرفنى صداقتك بس اصل انا مش واخده عليكى كدا .اقصد يعنى الحجاب

لمار .. اااااه تقدرى تقولى كدا انى فيه حد عاوزاه يعرف انى اتغيرت الافضل طبعا وقلت ان انهارده مناسبه كويسه يعنى

ليلى .. تعالى اعرفك على ماما وبقيت البنات

ليلى اخدت لمار وعرفتها على العائله وبعدها كدا اخدها وراحت على اوضتها