هل إنتهيت منى!!؟

(٦)

احمد فى السوق التجارى ومعاه ليلى  ماشيين موبيل احمد ..الو نعم يا ماما اخبارك ايه
نجوى ..بخير ياحبيبى ليلى معاك
احمد..اه يا ماما جنبى
نجوى ..طيب من غير ما ليلى تحس بحاجه كده عمك تعبان اوى وهو فى العنايه حاول تيجى باى طريقه
احمد بارتباك.. حاضر يا ماما بس ابقى تابعى معايا على التليفون انا هاتصل بيكى تانى اطمن سلام ياماما
نجوى ..ماشى ياحبيبى تيجى بالسلامه لا إله الا الله
احمد.. محمد رسول الله
ليلى .. فيه إيه يا احمد ماما كانت عاوزه حاجه
احمد .. لا ابدا دى يعنى كانت بتسأل إذا كان ينفع نرجع انهارده
ليلى بقلق .. ليه خير فيه حاجه فى البيت
احمد بارتباك.. لا ابدا بس أصل خالى جاى بكره الصبح من البلد وكان عاوز يشوفنى
ليلى بضيق .. خلاص ماشى ننزل لو انت عاوز ماشى
احمد ..متزعليش هعوضك بس اصل خالى مش بيجى الا فين وفين
ليلى بنرفزه.. ماشى يااحمد يالا بينا نحجز  ونرجع الفندق نيجيب الشنط
احمد حجز على اول طياره ولحسن حظهم لقى طياره بعد ساعتين  استاذن مشرفين الرحله  واخد شنطته ونزل الرسيبشن وفضل يرن على ليلى عشان تنزل 
#عند ليلى جمعت حاجتها واخدت بعضها ونزلت لأحمد وهى نازله خبطت فى عمار ليلى بضحكه .. هو مفيش حد غيرك فى الفندق انا كل ما اتحرك تخبط فيا
عمار.. انتى اللى زى القمر نورك بينتشر عشان كده كل ما امشى فى حته اخبط فى شعاع
ليلى ..انت مبالغ اوى وبعدين انا مش حلوه اوى كده
عمار .. لا والله انتى احلى من كده بس واضح ان محدش قالك قبل كده
فضلت ليلى وعمار يتكلمو ويضحكو لغاية ما احمد بصوت عالى ..ليلى انتى مش بتردى على موبيلك ليه
ليلى..اسفه اصلى مسمعتوش باين نسيته جوه هارجع اجيبه
احمد .. انجزى هانتاخر على معاد الحجز
ورجعت ليلى على اوضتها تجيب الموبيل واحمد بيبص بغيظ لعمار
عمار.. انتو مروحين بدرى ليه مش مكملين الرحله ولا اييه؟؟
احمد .. فى ظروف فى البيت ولازم نرجع
عمار .. بس بصراحه ليلى اختك دى لطيفه اوى ومرحه ومؤدبه
احمد بيحاول يدارى عصبيته.. ليلى مش اختى ليلى بنت عمى
عمار.. محظوظ اللى هيرتبط بيها
احمد.. ليلى لسه عيله فى ٣ ثانوى
عمار.. بس ميمنعش انها جميله جدا
احمد ..اممممم
ليلى .. يالا يا احمد انا جاهزه
احمد اخد ليلى وهو بيغلى من كلام عمار بس جواه عارف ان ده مش وقت الكلام ده فسكت واخدها ومشى من غير ما يرمى السلام  لكن ليلى كان ليها رأى تانى وقفت مع عمار .. مع السلامه يا عمار انا سعيده جدا بمعرفتك اتمنى نتقابل تانى
عمار .. انا اسعد و...لسه هايكمل احمد بمنتهى العصبيه.. ليلى اتاخرنا كفايه
فى الطريق كان الصمت سيد الموقف لحد ماليلى سالت .. هو احنا رايحين فين موقف الباص فات
احمد ببرود .. احنا رايحين المطار 
ليلى.. انت مستعجل اوى ليه كده مش موضوع خالك دا ابدا
احمد بقلق.. يعنى هايكون موضوع ايه انا بس قلت اختصر المشوار
حب يتوه الموضوع .. وبعدين انتى ايه واقفك كدا مع عمار وايه الضحك دا
ليلى .. مش دا صاحبك اللى انت شكرت فيه بنفسك
احمد ..بس مش معنى كده تقفى تهزرى وتضحكى بالشكل دا
ليلى حست بالغيره فى كلامه فقررت تستفزه 
ليلى .. بصراحه يا احمد هو انسان مهذب ولطيف واى بنت تتمنى يكون فى حياتها واحد زيه
احمد بصدمه.. يعنى انتى ياليلى ممكن ترتبطى بعمار
ليلى .. ولو انى لسه صغيره لكن ليه لا دا شاب مثالى لاى بنت وسيم  ناضج مرح ولطيف معندوش عقد ومع ذلك واضح جدا انه ملتزم ومتدين
احمد بغيره.. وانا ياليلى
ليلى.. انت ايه يا احمد انت حاجه وعمار حاجه تانيه وبعدين انت اللى سالتنى
سكت احمد قررمايزودش فى الكلام اكتر من كده عشان ما يسمعش حاجه هو مش عاوز يسمعها وصلو المطار وكانت اول مره ليلى تركب طياره وكانت خايفه جدا فضلت ماسكه ايد احمد جامد  لما وصلو مصر احمد ركب تاكسى روح البيت ساب الشنط واخد ليلى ومشى
ليلى .. فهمنى بس احنا رايحين فين وبعدين فين بابا وماما
احمد .. رايحين لهم
ليلى.. رايحين لهم فين يا احمد
احمد ..هاتعرفى كل حاجه حالا
ليلى .. احمد هى ماما جرا ليها حاجه وانت مخبى عنى
احمد..ماما كويسه مفيهاش حاجه بس بابا........
ليلى.. بابا ماله ايه اللى حصل
احمد.. هو هايكون بخير انشاء الله متقلقيش شوية تعب وانشاء الله يكون بخير
ليلى فى حالة انهيار تام والدموع مغرقه عنيها واحمد اخدها وراحو المستشفى لابوها واول ما وصلو