23. Unraveller
Kyung Soo ရဲ့ ခြေဖနောင့်အစုံ မြေကြီးနှင့်ပြန်ထိထိချင်း အသက်ဝအောင်ရှူနေရသည်မို့ Kai ကို ဘာမှမပြောနိုင်သေး။ သို့သော် သူ့ကို မော့ကြည့်ရင်းက ဆောင့်တွန်းမိလိုက်သည်။
"အဲ့ဒီ့ အောင်နိုင်သူအပြုံးကြီးက ဘာကြီးလဲ...!"
Kyung Soo အော်လိုက်တော့ သူက တစ်ချက် ဟက်ခနဲနေအောင် ရယ်သည်။ နှုတ်ခမ်းပြည့်ပြည့်အောက်က သွားဖြူဖြူတွေက အမြင်ဆန်းသည်မို့ သူ့အပြုံးမှာ မျောပါသွားတော့မတတ် ဖြစ်နေပေမဲ့ ကိုယ့်စိတ်ကိုယ်ထိန်းနိုင်လိုက်သည်မို့ မျက်မှောင်ကြုတ်ကာ ဆက်ကြည့်နေမိသည်။
"ချစ်စရာကောင်းလို့"
"ဘာရယ်...."
သူ့ကို ချစ်စရာကောင်းတယ်လို့ ပြောတာလောက် Kyung Soo မုန်းတာမရှိ။ သူ့ကို သေးသေးကွေးကွေး ကလေးလေးတစ်ယောက်လို ဆက်ဆံနေသလို ခံစားရတာကြောင့်ဖြစ်သည်။
Kai က မလိုအပ်ပါဘဲ ခါးကို လေးဆယ့်ငါးဒီဂရီလောက် ညွတ်ကိုင်းကာ Kyung Soo နဲ့ မျက်နှာချင်းဆိုင်လာသည်။ ပြီးတော့ တစ်ချက်ပြုံးပြန်သည်။ တစ်နေ့တည်း သူနှစ်ခါပြုံးသည်ဆိုတော့ နေသာလှသည့် ကယ်လီဖိုးနီးယားပြည်နယ်မှာ မိုးကြိုးတွေပစ်ချကုန်တော့မလားပဲ....
"မင်းရောက်လာမယ်လို့ ငါယုံသားပဲ..."
"မုန်းစရာကောင်းလိုက်တာ! ငါကတော့..."
"ခေါင်းငုံ့!"
Kyungsoo စကားမဆုံးသေးခင် Kai က ပခုံးကိုလက်နှင့်ဖိကာ ကြမ်းပြင်ပေါ် ဒူးညွတ်ချလိုက်သည်မို့ Kyungsoo ပါ ငုံ့ချမိလျက်သား... ထိုအခိုက်မှာပဲ သေနတ်ကျည်ဆန်တစ်တောင့်က ခုနက Kyung Soo ရဲ့ ခေါင်းရှိနေရာသို့ ဖြတ်သန်းသွားလေသည်။
"လာ..."
Kai က စကားတစ်လုံးတည်းပြောကာ Kyungsoo ရဲ့လက်ချောင်းတွေကို သေချာဆုပ်ကိုင်လိုက်သည်။ သူ့လက်ကို ကိုင်ထားသည့် Kai လက်ချောင်းတစ်ချောင်းချင်းဆီက ပူနွေးမှုတွေကို သူခံစားနေမိ၏။ Kai က ခြေကျင်းဝတ်နားမှာ ကြိုးနှင့်ကပ်ချည်ထားသော သေနတ်ကိုဆွဲထုတ်ရင်း Kyungsoo ကို လက်ဆွဲခေါ်သွားသည်။
YOU ARE READING
Untamed Hearts
Fanfiction"Even the wildest hearts can bloom love." ~•••=°KAISOO°=•••~