13. Looks Like I Love You
နောက်တစ်ပတ်အကြာမှာ Kyung Soo ရေချိုးခန်းနံရံပေါ်က မှန်ရှေ့မှာ ရပ်ရင်း ကိုယ့်မျက်နှာကိုယ် ငေးနေမိသည်။ ပြီးတော့ မျက်နှာကို ရေထပ်ပက်လိုက်ရင်း နဖူးပေါ်ဝဲကျနေတဲ့ ရေစိုဆံပင်တွေကို ကြည့်နေမိသည်။ ဆံပင်တွေက တော်တော်ရှည်လာပြီဆိုတော့ ရှေ့ဆံပင်တွေက ဘေးစောင်းထားတာတောင် မျက်လုံးကိုဖုံးချင်ချင်ပင်။ ဆံပင်တွေကိုကြည့်နေရင်း Kyung Soo သူသေနတ်မှန်တဲ့နေ့က Kai ပြောတာကိုလည်း ပြန်ကြားယောင်နေမိသည်။"ဘာလို့ နဖူးပေါ် ဆံပင်ဝဲကျနေရင် မကြိုက်ရတာလဲ... ထူးထူးဆန်းဆန်း... ငါ့ဆံပင်ကအမြဲတမ်း အရှေ့မှာကျနေတာပဲဟာကို။ ရုတ်တရတ်ကြီး မကြိုက်ဘူးလေးဘာလေး လုပ်လိုက်သေးတယ်။ အလကား..."
ပွစိပွစိ ရေရွတ်ရင်း ဆံပင်တွေကို သပ်လှန်တင်လိုက်သည့်တိုင် ဝဲကျခြင်းနဲ့ အသားကျနေသော ဆံပင်တွေက နဖူးပြင်ပေါ် ပြန်ရောက်လာပြန်သည်။
"Kyung Soo yah! မနက်စာစားမယ်လို့်! ရေချိုးခန်းထဲ ပြန်အိပ်ပျော်သွားတာလား။"
အခန်းဝက ထွက်လာတဲ့ Chanyeol အသံကြားမှ ရေချိုးခန်းထဲ ကြာနေမိတာ သတိရရင်း မျက်နှာသုတ်ပစ်ကာ တံခါးကိုဆွဲဖွင့်လိုက်၏။
"အဲ..."
Kyung Soo နဲ့ မျက်နှာချင်းဆိုင်လိုက်မိတာက Chan Yeol မဟုတ်ပေ။ သူ့ထက် အရပ်တစ်လက်မ ပိုပုကာ အသားပိုညိုသော ကောင်လေးတစ်ယောက် ဖြစ်လေသည်။
"Ka... Kai?"
မနက်အစောကြီး မထင်မှတ်တဲ့သူကို မထင်မှတ်တဲ့နေရာ မထင်မှတ်တဲ့အချိန်မှာ မထင်မှတ်ပဲ မြင်လိုက်ရတာမို့ Kyung Soo ကြောင်တောင်တောင် ဖြစ်သွားတုန်းမှာပဲ Kai ရဲ့ နှုတ်ခမ်းက ပြုံးတော့မယောင်ယောင် ကွေးညွတ်သွားတာကြောင့် Kyung Soo ယောင်တောင်ပေါင်တောင်နဲ့ Kai မျက်လုံးတွေရဲ့ ဦးတည်ရာ ကိုယ့်ကိုယ်ကို ငုံ့ကြည့်လိုက်မိသည်။