NADAMAR AURENA

29-31

©Exզʊɨsɨtɛ Oռʟɨռɛ Wʀɨtɛʀs.
💜💜💜💜💜💜
                    💜💜
    💜💜💜💜💜💜
                     💜💜

            👫

  Naɖaʍaʀ  Aʊʀɛռa.

Wʀɨttɛռ ɮʏ: Hʊssaɨռa Nasɨʀ Uɮaռɖɨʏa.

  Eɖɨtɛɖ ɮʏ: Lʊɮռa Sʊʄʏaռ.

      Iռ ʋɛռɛʀatɨօռ tօ Lʊɮռa Sʊʄʏaռ.

  *MssHussaynah@wattpad.*

      *wannan naki ne sis Khairat Haruna Allah ya bar zumunci*

            2⃣9⃣ ➡ 3⃣1⃣

*8:40pm*

         Baffa,Ummie da Mamie ne Zaune a parlorn Baffa yayinda Rayyan ke zaune a k'asa dai2 k'afar Ummie.

      Baffa ne yace "ina jinka wani magana kake da?"

   Sosa k'eya Rayyan yayi sannan yace "Baffa dama batun maganarmu da Zaynah ne,nace dan Allah asaka rana ayi bikinmu idan yaso sai ta cigaba da makarantar a gidana"

  Numfasawa Baffa yayi yace"bank'i ta taka ba Rayyan sai dai wani hanxari ba gudu ba,ita Zaynahn ta amince da shawarar taka?

  "A'a bamuyi maganar da ita ba" fadin Rayyan.

    "Kaajii ka da shirme wato kanka kad'ai ka sani ita baka damu dajin nata ra'ayin ba koh?" Mamie ne tayi maganan.

    Ummie tace "kema dai da wata irin mgn kike inace ita yarinyar tasan da zancen kuma ita ke k'asa dashi toh meye na sai yayi wani shawara da ita......

   Baffa ya katseta da fadin "ya isa tunda tana kusa gara muji daga gareta, ke Mamie kira ita autar tazo muji ta bakinta".

      Haka ko akayi Mamie ta kira Zaynah a waya ta shaida mata ta samesu a parlorn Baffa.

    Ba'a fi minti biyar da kiranta ba sai gata ta shigo, a k'asa kusa da k'afar Mamie ta zauna.

   Sannan Baffa ya fara magana "Zaynah sanin kanki ne tun kina k'aramarki, cewa idan kin tashi aure bakida mijin da ya wuce yayanki gashi" ya karashe yana nuni da Rayyan.

   Gyad'a kai tayi tare da fad'in "eh na sani Baffa"

"Toh Alhamdulillah, dama shi yayan naki yazo da zancen yana so ayi aurenku kafin ki kammala karatunki, idan kin amince sai inje d'akin gari na sanar ma sauran 'yan uwa"

     Tunda Baffa ya fara mgn kan Zaynah yake a k'asa,zuciyarta fal da fargaba sai dai ta qudurta a ranta bazata iya haqura da Majeed ba.

  Baffa ne ya katse mata tunani da fadin"auta ya kikayi shiru?idan har lkcn bai yi miki ba karkiji komai yadda kike so haka za'ayi"

    Sau uku Zaynah na bude baki da niyyar yin magana sai ta kasa.

    Tsawar da Ummie tayi mata ne yasa ba shiri ta fara magana.

   "Baffa gsky zan so abari na kammala sannan ayi auren"....... Ta karashe muryarta na rawa.

    Dariya Mamie tayi cike da zolaya tace "oh wani abun sai auta,meye na kuka a mgnr nan? Ko kin daina son yayan naki ne?"

    Fashewa da kuka Zaynah tayi harda sheshek'a.

    Ganin haka yasa Baffa fahimtar akwai wata a k'asa, cike da hikima irin tasu ta manya ya lallashi Zaynah har ta fada mishi bata son Rayyan yanzu Majeed take *so*.

   A fusace Ummie tayo kanta kyakyawar mari ta sakar mata da sai da taga taurari.

    Tana batun k'ara kai mata duka Baffa ya tsaidata cikin bacin rai.

     "Haba Ummien yara da hankalinki? ai kin tsaya kiji dalilinta ba wai daga jin mgn ki hau ta da duka ba".

     Ummie na huci tace" wani dalili take dashi da ya wuce  tozarta mu da take son yi? Tuntuni bata san bata sonshi ba sai da aski ya kawo gaban goshi? Sannan kace bazan dake taba?"

     Koma dai menene ke Zaynah yi muna bayanin dalilinki naqin yayanki,ko akwai abunda yake miki ne wanda bakya so?" Baffa ya tambaya.

    Rayyan ne yace "wlh ni ba wani abu da nike yi mata..........

    Mamie ta katse shi da fadin"kaine Zaynah? Ko kaine bakinta? Ka bari tayi mgn.

     Shiru Zaynah tayi bata da niyyar yin mgn. Sai da Baffa ya kara maimaita tambayar.

   Sannan tayi mgn,ta tabbatar musu da ba abunda Rayyan yayi mata,ita dai bata ra'ayinshi ne yanzu.

     Baffa kuma ya bata sati biyu tayi shawara, ya kuma tabbatar mata da komai ta yanke ta fadi mishi,abunda take so shi za'ayi mata.

    A haka taron ya watse zuciyar kowa cike da takaicin Zaynah.

    Sai dai shi Baffa a ranshi yayi alqawarin komai Zaynah keso shi zai yi mata ba tare da ya saka son zuciya ba.

   
     *_H.N. Uɮaռɖɨʏa._*