“Ba’t ka basta-bast na lang pumasok nang
hindi man lang kumakatok?!” Bulyaw ko
kaagad sa kanya, inunahan ko na baka
sakaling madala ko sa takot. Ngunit
kalmante lang si Shane. Marahil ay
kinimkim lang ang galit niya o sadyang
ganyan lang talaga ang mga puti, hindi
gaanong seloso. “A… magkuya nga talaga
kayo no?” Sagot niya, walang bakat nag
alit sa mukha niya. Noong nasa gilid na
siya ng kama ni Kuya Rom, pahapyaw
niya akong itinulak at hinarangan na
akong makalapit pa kay Kuya Rom. Naupo
na lang ako sa gilid, ang mukha ay di
maipinta sa sobrang pagka-inis habang
pinagmasdan ang sunod niyang gagawin.
“Musta na ang honey ko…?” sabay sampa
sa kama at yakap kay Kuya Rom at
“Muuuaaaaahhhhhh!” ang paghalik niya
sa lips. Pagkatapus, niyayakap-yakap niya
ito at hinahaplos-haplos ang mukha ni
Kuya Rom, ipinamukha sa akin ang pagka-
sweet nila. “Musta na ang pakiramdam
mo sweetheart? Masakit pa ba ang hiwa
ng sugat…?” “Ewwwwwww! Kadiri!”
sigaw ko sa sarili. “Huwag mong daganan
si Kuya Rom! Pinapatay mo iyong tao eh!”
sigaw ko naman kay Shane, sabay irap.
Lumingon sa akin si Shane. “Ah… may tao
pala dito. Sorry, hindi ko napansin. Ano
nga ba pala ang problema mo? Naiinggit
ka?” ang pang-iinis niyang sabi sabay
tawa. “Ako naiinggit? Hindi kaya... At
hoy! Para malaman mo, hindi kayo bagay
no? Ang tanda mo na kaya… Yukkkkk!”
“Waaahhhhh! May pa-yukkkk yukkk ka
pa. At sino? Sinong bagay sa kanya? Isang
mas bata ba ang bagay para kay Kuya
Rom mo? Sino?” tanong niya, parinig sa
sinabi ko sa kanya sa canteen na
magkasintahan kami ni Kuya Romwel.
Mistulang nakalunok naman ako ng isang
garapun na polvoron at bumara ang lahat
ng ito sa lalamunan ko. Hindi agad ako
nakapagsalita. Natulala. “E… babae ang
bagay sa kanya no!” ang naisagot ko.
“Babae talaga? Hindi lalaki na kasimbata
mo? Kasing-edad mo?” “Amffff!” Sa isip
