ضلت امها ..ادك بلباب ...
اني نثولت..شسوي ..
رحت ركض ع عمتي ..دكيت عليها ..الباب ..
كامت فتحت الباب
كتلها امج ...امج
شبيها ..
بلباب ..
عزة ..
سدت الباب ..وكالت لا تفتحين الها ..
ضليت واكفه احس كلبي وكع بلكاع ..
طلعت ..وطلع وراها خالد ..
كالت اخذي من ورة البيت ..طلعي ..
عمه ماعرف ..
امشي بسرعه ...
امشي بنت الزفرة ...
وتعدل بروحها ..
اخذته .وارجف
..طلعته من ورة البيت اكو ممر يطلع للحوش البرة
.
كال وردة شوفي بيبيتج طبت ..
نداريت عليه جيت اتفل بوجهه ..
كتله اصبر اهنا ..
هسة اشوف
طبيت للبيت ..
طبيت عليهم ...ارجف امها كالت شبيج وجهج اصفر ..وترجفين ..
سكتت ..
شكو يلمعزايه احجي ..
شفتي جريدي..
ييي يييي جريدي كمز عليه ..
والله يمه جريدي برة موتنه ..وكركط الغراض ..
امها ..ياا خلي مصيادة وبيها جبن ..خبزة لوثيها بدهن ..
.
ضلت سميرة تتبلعم ..يي ييي ..هسة اسوي
سلمت ع امها ..
كالت يمه طبي ..للحمام ..لا يصير بيج شي من الفزة ..
يي راح اروح ..ونداريت ع مرت عمي ..
كتلها راح اكمل ..الترك ..
كالت يي سوي ..
شفتي يمه اني نايمه وهاي الزمالة تشتغل ..
وضلت سولف وي امها ...
رديت طلعت شفته ماكو ..فريت دورت ..وين راح ..
فتريت للباب ..الحوش طلعت..شفته واكف يم بابهم ..
عرفت طلع ..
عمه بعينك وبعينها ..
موتوني رعب ..شون ياربي ..
طبيت للبيت ..
امها تريد تطلع ومرجعه الجهال يمها ..
بله لو فاضحتها ..وكلها تدري بسوالفها ..
لا والله هاي كوية وذبها براسي ..
والاصلف ولا يمها ..
رحت يمهم اشرت الي راح ..
هزيت الها ..براسي ..اي
امها ذبت الجهال وطلعت ..
ماكو ساعه ..ولبست عباتها وطلعت ..سميرة
ولا عبالك صار شي ..
واني من الخوف ..ريكي يبس ..كل شويه ابله بمي ...
للغروب يلا جتي والجهال يمي يلعبون ...وساعه يدرسون ..
طبت ذبت عباتها ..
صاحت ..
ورده ورده ..تعاي ..
ها عمه ...
اهل خالد باجر يجون ..
عمه فدوة ..
اسكتي وين تلكين مثلة ..امه ميته وبس هوة وابو بلبيت
يعني البيت الج وحدج ..وخواتهةمزوجات البيت فارغ الج ..ها شكلتي ..
شكول عمه شكول ..
ي كلشي لا تكولين وداري خبزتج ..
اني شعندي اكول لعمج ..واخلي هوة يصرف ..
اني متاكدة ..لو صدك تكول لعمي ..لو احلف ع المي يصير ثلج مصدك بيه ..
رضيت وسكتت..ودعيت الله ياخذ حوبتي بيهم ...
بيومها مانمت ..ضليت افكر ..اني اضوج منه واكرهه ..شون ازوجه واعيش ويا ..شون ..
هناك وفكري راح يم امي ..ضليت ابجي عليها ..وتاليها سكتت..كلت ليش مرجعت اخذتني ليش ..عافتني. .شنو مو بزرها اني ..وهيه تعرف كلش زين ..بيهم موخوش اوادم ..كلبي يحن الها..ولا يكوم يكرها ...مو مثل الاول من جنت طفله ..انقهر وابجي واريدهاا ..
كمت احس السبب منها ..
نمت ..
كعدت الصبح
عمتي دسوي رويوك ..
وفرحانه عبالك ..عرسها الها ..
التهينه بلبيت ..والشغل ..
واني مالي واهس شي ..مقهورة وضايجه ..
العصر طلعت عمتي ..
طبيت سبحت ..وطلعت
كعدت امشط بشعري وافكر ..
كلت بلكي ماعجبهم ..ويرحن النسوان ..
لو هوة يكول ماريدها ..
بس صدك هوة شنو يريدني
لو شنو ..
هناك واسمع عمتي تصيحني ..
لميت شعري وطلعت ..
الها ..
جايبه علاكات ..
كالت هاي كيك ..
وهذا شربت سوي ..وخلي بثلاجه حتى يبرد ..
وهاي ثوبج ..كومي كدري ..
وهاي شحاطه ..الج لبسيها ..
هذني ملابس داخليه جديدة لبسيهن ..
يلا ولج دكومي ...
بسرعه ..
ي عمه ..
كمت ذبيت هدومي ولبستهن ...
طبت عليه ..
اي عيني شون طالعه حلوة ..
تعاي تعاي ويايه للغرفه ..
رحت وياها ..
كعدت ..لبستني تراجي ..
ذهب من مالاتها ..وكلادة ام القوري تخبل جانت ..
وكالت تعاي ..احطلج حمرة ..
خلت الي كحل بطن عيني ..
وحمرة ..خضرة ..بعدين صارت ..وردي..
وردت طلعت ..شيشه عطر ..جنها بنيه ..ولابسه شفقه..
خلتلي منها ...
اول مرة بحياتي واحد بعد ماماتت....بيبي وعافتتي امي يسويلي هيج ويهتم بيه ..
فرحت حيل .....
بس بنفس الوكت ماعرف اترجم الي بيه لا هوة فرح ..ولا هوة حزن ..مدري فرحت ع الحمرة والريحة ..مدري انقهر ..ع صخام ..وجهي ..
كضيتها هيج ..
لحد ماجني خواتها ..ومدري كم وحدة وياهم ..واني بس كاعدة ..
ومرت عمتي ..قدمت وسوت ..
وضلن .يسولفن ..
ويباعن عليه ..
واني حايرة بضيمي ..
شراح تسوي بيه سميرة بيا طركاعه تشمرني ...
بقيت ..لحد ماتفقن بيناتهن واني الاطرش بزفه..
وكامن هلهن ..وبوسني ..
وتفقو الخميس ..
كعدة الزم ...
ختنكت شفتها مابيها مجال ...
هاي سميرة تريد تورطني وي هذا ..
حتى تاخذ راحتها وياا ..
بقيت ..ساكته ...طلعن وبوسني ..
بقيت بهل الايام كارهتها ..اكثر ..
رغم مالانت ويايه اكثر ..
وكامت تتمسكن ..
صارت خطبه الزم وقرو الفاتحه ..وعمي كيف عبالك ..حجارة بكلبه ..جنت ..مصدك ..
كلهم اخذوها بعبايتها ...ماكو ورة كم يوم اخذني ..جهزوني اني ومرت عمي وحدة من خواتها..بس لا فرحت بشي ..ولا مهتمه بشي ..لعابه ويلعبن بيه ..
سلمت امري ربي ..ورضيت ..
بس كلت اطلعها من عيونهم ..
كم يوم ..
وجت علي ..سميرة ..
كالت باجر نكطع مهر حضري روحج ..
كتلها عمه انتي مو تحبي متكوليلي ليش لزكتي بيه ..
اسكتي اسكتي تحبي ام حلك الفكاكه ..
لطمتني ع حلكي ...
وثاني يوم ..
اجانه خالد من الصبح ..
ورحنه جانت عندة برازيلي بيضه ..
كعدت عمتي بصدر واني ورة ..
ورحنه ..عقدنه ..
الدرب كله تضحك ..وتشاقه ويا ..
حتى من يمشون اني ليورة ..وهيه كدامي ويا ..
بله شنو اني ماخذيني خراعه خضرة ..
وتغدينه برة ..وسوالف وضرب بي ..اني صافنه سوالفها جاهلة متسويها ..هلمعزايه ..مرت عمي مو هوايه جبيرة وجانز الكل يشبهوها بممثله ..اسمها اسيا كمال نفس شكلها بس مو طويله قصيرة ..
..كملنه ورجعنه خالد ولا عبالك اني موجودة مدري عبالك مجبور بيه....
ضليت اندب بحظي ..وبحظ امي الي خلفتني لهيج دنيا وعافتتي
كلت هذا هوة اقبل ..
واعيش هناك احسن من هاي ..الي متخاف الله بلكي ..اهله بيهم حظ ..
وللحكايه بقيه
