ضليت افكر ..واحسب ..
لحد ماتعبت ..كمت سويت عشا..حتى التهي ولا افكر بشي ...
ارضه بي ...واتقبله لو لا ..
شكدحاولت وي نفسي صعبه ياربي ..
صعبه ...
ماحسيت بلوكت ابد ..
طب عليه عمي ..
شبيج بابا ..جلفتي المطبخ جلف ..
ماكو شي دانظفه خوما ضجتي من خالد شنو ماتعلمتي علية ..وهاي الامور تصير ..
لا يابه بس دهن ودانظف بلكاونترات ..التهي بيهن ..
احسن من الكعدة..
يلا شدي حليج وجيبي النه ..جاهل ..
الله كريم يابه ..
اروح هسة اجيب عشا ...
لا انتظر الولد يجون ..
رجعت اكمل ...شغلي ..
هناك واجوي ..فراس وخالد ..
اسمعهم يسولفون لعمي ع الحرب ..
وراح تحترك الدنيا ..اني بس اسمع ..
طلعت سلمت وكلهم يلا الغدة ..
صار ...كعدنه كلنه وتغدينه ..
والكل تحجي ..لازم نطلع منبقى هنا..
واني ماعرف اكل ..ماعرف ..اخاف من القصف ..ماعرف..احير بخالد ..
كملنه ..وضلو يحجون ..
سويت جاي ..
وطبيت للغرفه ...
عدلت روحي وحطيت كحل ..وحمرا ....وتعطرت ..بس نفسي ماتقبله ابد ..شسوي ياربي اجبر نفسي بي لو لا ..
والله هناك وطب ..خالد ..
كعدت حاجيته ..
كتله خالد ..
كمت ابجي ..
حضني كلي اعرف اذيناج ..بس والله يمكن مسحور ..
ماعرف شتكول واكولها..ي ..
لا خالد انت تحبها ..
ضل يلعب بشعري..
بس انتي حلالي ..ومرتي..انسيها ..
ماكدر اخاف منك ..
ليش وردة تخافين ..
ماأمن بيك ..
احبج ورده ..
احبج وضل يبوس بيه ..
اني صح ..اروح ويا بأحساسي بس هناك ..واتقزز منه ..
واذكرهه شون وي سميرة نفس الشي ..
كتله خالد عفيه ماكدر لا تجبرتي ...
اهووو شطلعت وياج ..
خوما بكيفج ...
غصبا ماعليج ...
ذب روحه عليه ..
دفعته خوما غصب ..
ماريدك ..
اكرهك ...
دفعته ..وطلعت ابجي ..
كعدت بلمطبخ ..
كعدت وضليت ابجي ..
سمعت الباب انركعت عرفت ..طلع يمكن لسميرة راح ...
رجعت للغرفه ..شفته بعده ..
فزيت ..هاي منو الي طلع ..
خالد كال فراس طلع ..
اني كتله شكو ..
ماكو امشي روحي من يمي ..
كعدت يمه ..
خالد انطيني صبر كم يوم فدوة ..
اجه ادنه يمي ..وضل يلعب بشعري..
احبج تروحلج فدوة سميرة والله ..
واذكر نفس الكلام يكوله الها ...
ارد اسحب نفسي ...
كلي ...الايام تثبت الج تغيرت واحبج ..
بقيت يومين ع الحال ....
كلت ..انطي صبر ..ماستعجل ويا ..ولو هوة بركبتي ..وصدك ..مرته ..مرن اليومين بثالث ...
كلت ورده اقبلي ..بنصيبج ..بعد ماعدج غير باب دكي..
هلايام فراس يحاجيني ..ويحاول يقنع بيه ..ويكولي تغير ولا ضلين هيج ترة سميرة تاخذه ..واذا عمي مات شنو مصيرج ..اقتنعت بكلامه
والله بيومها ...حضرت روحي وطلعت ثوب جديد ولبسته ..وتعطرت ومكيجت ..
وسويت غدة ..داخلي بدة يفرح بي ..
غديت عمي وانتظرت الولد يجون ...
طلعت ..شفت ..بس فراس كاعد بلدكان ..
الي عرفته ..من عمي ..فراس اهله حالتهم الماديه كلش زينه ..وعدهم محلات اقمشة ..وجانت سيارته اولدز ..بوكتها وقليل عدهم سيارات توب ...
والله مديت راسي كتله فراس خالد وين ..
ها ورده هسة يجي راح بشغله ..
مو سويت الاكل ودا نتظركم ...
وين راح ..
يم ولد هسة يجي ..
بس شو جوابه مامريح ..
انتظرت شويه ورديت طلعت الع ..
كتله ها وينه ..
كال ورده شبيج ..
دزيت عليه جاي ..
اي ...
عفته ..وطبيت لبست عباتي ..لان ضليت اشك بس لا راح لسميرة ..
طلعت ..مريت من يم الدكان ..فراس صاح ورده وين ..
كتله يم مرت عمي هسة جايه ...
ولج تعاي شبيج تعالي ...
وصلت للباب ..
فتحتها ..وضليت ادك باب المطبخ ماكو ادك ادك..
هناك وطلعت سميرة..
كالت خير هلا بهل طير ..
دفعتها وطبيت جوة بغرفتها ...
كتلها وينه ..
منو ..
خالد ..
تعاي عيني ..هياته بلهول ..
طبيت شفته ديلبس هدومه ..
اني ضليت ..مصدومه ..
كتله والله مو صوجك صوجي اني ..
من امداك وامداها ...
دامشي جرني ...
عوفني لا اخزيكم هسة ...
ضلت تلعلع عليه سميرة ...
عفتهم وطلعت ..
طبيت للبيت ..فراس معزل المحل ..
وكاعد بلهول ..
طبيت ع كيف ...خفت ع عمي لا يحس ويضوج ...
اجه ورايه خالد ..وفراس ...
طبيت للغرفه ..لميت غراضي ..وابجي ..
امداني ..صدكت بي ...
طب خالد وفراس ..وسدو الباب ..
خالد كال ورده ..
كتله هششش ماسمع منك شي ...
تنام بشارع ولا انام يمك والله ..
محد كاسرني غير ابويه ..
ماعرف شكول استاهل شتحجين والله
كتلها عوفني بحالي ..لا اخزيك بروح ابويه ..ساقط ..
اندار ع فراس شفت لسانها شونه ..
شكتلك متنكحم ..
مو انت ادمي واحجي عليك ..
فراس ..لخاطري بس هلمرة ..واني باجر راحع ماقبل طلعين ..والله انتي صدك وردة وواحد من الناس حاسدكم ..اكول مرتاحين بس جيت انصدمت ..
كتله بربك مني لو منه هوة مداشوف بعينك ..
وعدني..ماله دخل بيها ورجع الها ..
هذا كلامك وسمعته ..مو كتلك مينعدل ..اعوج ..
خالد ..اسكتي لا اكسر راسج ..
اي هاي كدرتك رجال براسي ..
غصبا ماعليج ..هم راد يضربني جرة فراس ..
وطلعو برة ...
وللحكايه بقيه ...
