ورده

بارت 9

احجي شصار ...
ورده ..وتبجي ..
ولج دحجي ...
كالت خالد .
شبي ..
لا تلوعين افادي احجي ..
زعلان عليه ..وماكدر اصالحه ..
ولا يقبل يجي ...
فدوة ساعديني ...
اني صدك ..حسيت بدوخه مدري شصار بيه ..
يعني معقوله اكو هيج ياربي ..وين ذبيتني ...وشنو ذنبي ..
لا تمتحن صبري هيج ...
كتلها واني شعليه ..
فدوة ..ورده ..ربي يوفقج ..
حاجي ..خلي يحاجيني راح ..اموت ..
سميرة مالي دخل بيكم ..انتي ويا ...
ولوما عمي برة جان عرفت شحجيت وياج ..
امشي طلعي ..منا ...وماريدج تجين بعد ..
استحي ع نفسج ..شوفي حالج ..
مسحت وجهها وكامت ..
طلعت ...
بقيت بغرفتي ماعرف شسوي ..
شكول شحجي ..
هسة لو اندل خوالي اروح الهم ..
لا عليمن الم هدومي واروح لبيت عمتي شنو هلذله الي بيها اني ...
ايي خلي يجي خالد واكوله ...
جانو وكت الظهر ..يجي خالد ..يتغدة وينام شويه عمي ..مابي ذاك الخلك ..مال جهال ..وودكان يكعد شويه ويرجع ....
ويبقون الدكان بيد ..ابن حماتي ..حيدر جان بعدة ..صغير بس ملعب ..ويفتهم ..يبقو بين مايتغدون ...
ويرتاحون شويه ..
فاجه عمي ...وخالد ..
صبيت غدة ..وتغدينه ...
كملنه شلت ..الصينيه ..
اجه خالد ..فتح الثلاجه وشرب مي ..
كتله لا تطلع عندي حجي وياك ...
خير اكو شي ..
لا ماكو بس اريد احاجيك ...
كال انتظرج .بلغرفه ..
راح ..صحت ع عمي ..
يابة اسويلك جاي ...
كال لا ..راح انام شويه ..
كملت شغلي ..
وطبيت ..للغرفه ..
جان ..كاعد ..خالد..
متربع ع الجربايه ..
كعدت كباله ...
كلي ..احجي شكو ...
كتله سميرة ...
شبيها ...
اجت ..
عدل روحه ومدد وخله ايده ورة راسه ...
شبيها سمرمر ...
اجت تبجي تريدك تصالحها مدري شنو ...
اي والي تريدي انتي شنو اصالحها..
كتله لا ..
لعد ..
اريد ..تعوفني واطلع اروح بيت ..عمتي ...
هاي شلج بيها ...
لا الي بيها ...
شنو كمتي تغارين ...منها ..
كمت كتله لا عيني ماغار ولا شي بس مارضاها ع نفسي يوميه جايتني وتتبجبج ...ماعرف شون تقبلها انت ع نفسك واني عرضك ..خالد ...
سمعي ورده ...
ابقي هنا ..و شتردين مني اني حاضر ..
ابويه تعلم عليج يمعودة يفضلج ع بناته ...
شون تعوفي ...
واذا ع سميرة ماروح ولا اوصل الها بعد مليت منها ..
بس بشرط ..
شنو..
اتحسبيني ..رجلح ونعيش ...
...
كتله خالد ماترهم هاي ..
ليش ورده ترة نفسي بيج اني بس ماحب اجبرج ع شي ...
شنو سببج...
..
شكولك ..خاف كلامي يضوجك ..
احجي ...
من تصير رجال ...هذاك الوكت اصير مرتك كول وفعل ..
شلج بهل حجي ..وبعدة طولج شبرين ..
شبر شبرين هذا كلامي..
وشنو اني مو رجال ..احجي عدل ..
والله الي يقبل ع مرته ..يدخل عشيكته بغرفتها ..مورجال ..لو يكسر بخت بنيه علمود..نرزوة هم مو رجال ..و
اسكتي اسكتي لسانج شطوله ...
اي ..تربات ..سمرمر ..ع كولتك ...
والله اشك حلكج ..ان سويتي ..شي ..
لعد صون عرضك ..حتى ربك ..لا يعابيك ...
كافي كومي اريد انام ..
واني اريد اروح بيت عمتي ...
ضايجه ومشتاقه الهم ...
مو اليوم ..
لا اليوم ..
خنزر عليه ..
اي اليوم ضايجه ..
كومي بدلي ..
خلي اوديج وارجع لسميرة ..

كايمه ..وبلعافية عليك...
بدلت وكملت ..
هوة هم كام بدل ..
طلعنه ..
عمي كال خير خوما اكو شي ..
كتله لا يابه ..رايحه خطار بيت عمتي ..وبليل ارجع ..
محجة شي ..
طلعنه ..
من الباب مشينه ..خطوتين تلكتنه سميرة ..
اني من شفتها ..كمت لزمت ايد خالد ..
مشت صارت قريبه علينه ...
ضلت واكفه ..
وسلمت علينه ..
ها شونكم بلابل..
اني ضحكت ..
يلا خلودي تاخرنه..

يااا خلودي .ولج .هيج صارت .خالد
.
خالد لا حجة ولا كال ..
جريته ومشيت ...
وصلنه لراس الفرع عفته ..وهديت ايده .
واخذنه تكسي ووداني الهم ..
اني اندل بيتهم ..وخالد هم يندله ..
ذبني وكال بليل اعزل الدكان واجي..
كتله خوش..
دكيت الباب ..وطبيت ..
تلكتني عمتي ..تسلم وتبوس بيه ..
خيرج ورده خوما اكو شي ..
لا ماكو عمه مشتاقه الكم وجيت ...
هلا بيج ..
طبيت وسلمت ع بنات عمي ..
وضلينه كاعدين بلمطبخ نسولف ..
هناك وسالتني ع سميرة شونها شخبارها ..
كتلها عمه ..ماشوفها ..ولا اطبلها ..ع كد السلام ..
اي احسن ..الله خلصج من شرها..
شونه وياج رجلج عيالج ..
الحمد لله زينين ..
مصار عدج شي ..
لا عمه بعد ..
ياا ليش ...
بيد الله ..
دمشي اوديج هنا..مرة مبروكه تقرهه ع بطنج ..وتحبلين ..ان شاء الله ..
لا ماريد لا تقره ع بطني ولا احبل خليني هيج ..
كامت ..من يمي
هاي شنو ورده ..شوفي حالج امج لو مخلفه الج اخ اخت ..مجان بقيتي وحدج ..
كتلها جان الضيم صار ضيمين ..
جتي جابت فواكه وكعدت كبالي ..
وتكشر ..برتقال ..
عمه ..احنه ندري هاي ضالمه وبقيناج يمها ..
بس مثل مدشوفين الحال تعبان ...
احنه ضلمناج ..وضلمنه امج ..
هاج اكلي ..
اخذت من اديها ..
بس اني جنت ماقبل بلي سوه بامج ..
واذا زوجت ..شنو نكلبت الدنيا هم حقها شابه ..وصغيرة ..
اني ضليت ساكته اسمع منها ..
بس امج غلطت من حبت هذا ..المكطم ..مانعرف اصله من فصله ..بطرك عامل بكهوة ...
كتلها ماحبت ..زوجتها..
لا عمه كلها درت بيها ...وشافوها ..
جنتي صغيرة ...انتي ...
الله يستر عليها ...
احجي عمه شتعرفين ..
لا عوفي هلموضع
ضليت اتوسل بيها احجي ...
كالت امج وابوج هم تحابو ...
بس اهل امج مارضو ينطوها ..
وصارت مشاكل ..
اي ...
وابوج كوة اخذها ...
كتلها اني مسامعه هيج ...
سمعي مني ..
ومن اخذها اهل امج كاطعوها بس ضلن خواتها الي هنا يحاجنها ..
كتلها صح اني مشايفه لا خالات ولا خوال ...
ي لعد شكولج..
وصارت كومه مشاكل ..
من وراها ابويه مات الله يرحمه ..
يي .كملي فدوة ..
وهذا هوة يمعودة حجي هوايه خلي اسوي جاي ..واطلع كليجه البارحه سويتها ...
اني دماغي ضل يفر ...
ردت سولفتلي ..ع الوضع التعبان ..وراح تصير حرب ..
يكولون اتعس من حرب ايران ..
هناك ورجعت تسب بسميرة ...
كالت هاي موتت امي ام سحورة ..
شتعرفين عنها انتي الله خلصج منها ...
شوفي اخويه عاميته عمي ..اعوذ الله منها ..
هاي ام حمرة وام السحورة ...
ضلينه لليل تحجي ..صح نسطرت ..
بس سمعت شي مسامعته قبل ..سوت عشا ..
كتلها لا اروح هناك اتعشا ..
هسة خالد وعمي ينتظروني...
مقبلت ..وجلبت بيه ..
هناك واجه خالد ...
وهم طلعتله هيه ورجلها وكوة طببو ..
ضلينه تعشينه يمهم ..وضلت تحجي ..
كدام خالد ع سميرة ام السحورة وسحورة ..
طلعنه منها اني ..صافنه ..وهو هم صافن ...
عبالك مضروبين ع راسنه ..
وللحكايه بقيه ...