بقلمي ...سوزان المندلاوي......
بقت امي يمي ..مدة...
وراها حاولت تاخذني ..
بس اني مقبلت ..لا اكدر اعوف عمي ..
ولا اكدر اعوف فراس...
فراس ...اخ فراس..
فراس من راح وكال ارجع باجر ..اني ..واهلي ...
بلطريق اختفى ....
لا وصل اهلها ...
ولا رجع لحضني ...
سيارة كامله ...الي بيها من شباب اختفو ..ونقادو للمجهول ..
سيطرة وهميه ...تحجي بلطائفيه ...
مصدرها الترهيب ...وتتغذى ع الدم ..
شهود عيان كالو ..نزلو الكل ...بعد ما اخذو..هوياتهم ...
النسوان والاطفال رجعوهم ..
بس الشباب قادوهم للمجهول ..
بقيت اربع اريام ..ناصبه عزة بدون ميت ...
لا اعرف ..عدل هوة لو ميت ..
واهله نفس الشي ..
عمي تعب ...ودهورت صحته كلش...
اني انتهت اعصابي ...
بس اريد اعرف وينه ...
اهله واخوانه ماخلو مكان مادورو عليه ...
من طب عدلي ..من مركز ..
ماكو ...
ناشدنه بلعشاير ...بلكي من فلان لعلان نعرف وينه ...
هاي الاحداث عرفناها من السايق ...
ويثبت ويكول ..جان موجود ...
وجاب هوياتهم وسلمها للشرطه بعد ماخذوهم الهم ...
اني ادمرت ..عرفت حظي فكر ..لوما فكر مجان حتى فراس راح مني ..معقوله هيج ..اني والفرح عداوة..
معقوله هيج عكب متفتحت الي الابواب ..ردت انسدت بوجهي كلها ....
بقيت ادعي ربي يرد الي فراس ...
بصلاة وصوم ونذور وقراءة قران ...
بقه املي برب العالمين جبير ...
واعر ف الي خلقني ميعوفني وحدي بيوم ...
اهل فراس ..كالو فراس مات ..
ولازم نسوي فاتحه ...
حتى لو ندفن شي من هدومه ..
ع الاقل يصير ..اله كبر ..ونزورة ...
واشوف الكل يباع الي بنضرة ..الحقد ..
عبالك اني السبب ...
اني الي..دزيته للمجهول ..
اجوي ..وخبرو عمي ..
راح يسون عزة ...
جنت اكولهم عايش..
والله عايش ..اني احس بنفسه...موجود ..
هلحجي ..العراق من اسوء الى اسوء ...
العالم صارت ..وحوش..
لا زومبيات بس واحد يريد ياكل بلحم الثاني ...
مرت الايام ..
لا فراس ..اجه ..
ولا شفته ..
جنت ادعي يوميه ربي ...
شون رد يوسف ليعقوب ..رده الي ..بيوم ..
عفيه ..بلد ماشبعت شبان ..ماشبعت دم ...
من حرب ايران لليوم ..كاعك تبلع ...
وياما نفقدو ..ومحد عرف الهم اثر ...
وياما استشهدو ..علمود الاسم ..واللقب ...
كلنا عرفنه القادم اسوء...
مابين فراس..وعمي..وامي الي دائما تسال عليه ...
كضيت ايامي بمرارة ..
فديوم ..
دنيا لليل ..
ندكت الباب ..
بس اني وعمي بلبيت ..
عمي كام ديشوف منو ...
كتله يابة لا تفتح ...
كال شلون مافتح ..خاف صاير شي ..
بكلبي كتله بعد شيصير ...
والله كام من باب..صاح منو ..
محد جاوب ...
رد كال منو ..
اني خفت ..وكلبي لعب ..
طببته وقفلت الباب ..
ردت اندكت الباب ..
صاح منووو.برة ..
واحد كال اني يابه ..
اني وعمي واحد يباوع ع الثاني منو هذا ...
راد يطلع لزمته ومقبلت ..خفت ..عليه..
كلي ضلي جوة ..واني اطلع ..وقفلي الباب ..
فتحت البردة ..واباوع ...
فتح. الباب ..
اشووف ضل رجال ..
منو هذا ....فتحت الشبك.صحت يابه منو
كال ورده ..تعاي فراس ..فراس ..
اني اريد اسد .الشباك ..ماعرف ..
طلعت ركض اي فراس ..والله فراس...
رحت حضنته ....
وكمت اهلهل ..بعلو حسي..
واهلهل...
توجه عليه وطببته جوة للبيت ...
كعدته ع القنفه ...
اباع عليه ..تعبان ..هدومه ..ملخه ..مكسور ..اقره بعيونه خوف وضياع ..
كتله فهمني وين جنت ..
كال وردة اريد انام ..عفيه ..
اني وعمي واحد يباع ع الثاني ..
كتله جوعان ..
لا انام ..
فراس شبيك كمت ابجي ..
بعدين ورده بعدين ...
كام كوة يمشي ...
اني جريته ..وطببته بغرفتي ..
خليته ع الفراش ..
وعمي واكف بلباب ..اباع ع عمي اكوله شبي ..
وابجي ..بس بدون صوت احجي ...
كتله فراس بس ..
بدل هدومك ...
مجاوب ...كف رجله ..وحضن المخدة ونام ...
اني ضليت يمة ...
اكشف بهدومه شويه ..اشوف دم ..
اباع اصابيع رجله ..ملخات ..
ضليت ابجي والطم بسكوت ..
احس ..اختنكت ..واختنك ويايه ..كلشي ..
عمي مانام .يروح ويجي يسالني عليه ...
.ضل يصلي ..وخابرنه اهل فراس طماناهم ...
بس اذا ميكعد ..فراس..
اني ماطمئن ..ابد ..
بقيت يم راسه الليل كله يون ..ويفز..واقرهه ايات ..
وداعي ربي ..ينجي ..من هلشدة ..وبعدها ماريد شي ..ابد
الفجر فراس كعد مثل المخبل ..
اني جنت غافيه ..توني ..
حسيته عاط ..
فتحت عيني ..
شفته كاعد ..
ويتنفس سريع ...
وخليت ايدي ع صدرة احس كلبه يريد يطلع من مكانه ..
كتله شبيك كولي شسوو الك ...
خله راسه بين رجله وكام يبجي ...
يبجي ..مثل المرة الي فكدت ابنها...
احجيلي ..اروح الك فدوة وين جنت ...
كال..
بطريق لديالى ..قريب دنوصل ..
وكفتنه سيطرة ...
وبدت تنزل بزلم ..وتكفخ واحد واحد
هويتك اسمك لقبك ..
احنه جنه 11واحد ..كلنه اخذونا بس ماعدا السايق ..رجع واخذونه
تكفخ وجلاليق صعدونه ..بيكب ..بلبدي..واثنين فوك راسنه ..وموجهين السلاح علينه ...
ونزلو بينه ..ع الترابي ..
الكل يشاهد ..الكل يبجي ..
هذا يكول ..توني عريس ..
وهذا يكول ..اني هلواحد لاهلي ..
وهذا يكول ..عندي عائله ..
وهذا يصيح امي ..
وهذا يبجي ..
وبس اني اكول بكلبي ..عندي وردة ومحد عد ورده لا عائله ولا بيت ..
وصلونه بمكان ..شدو عيونه ..وادينه
نزلونه دفر ..
طببونه بغرفه ..
وصخه ريحه الدم المعفن بيها ..اشمها هسة ...
وطبو علينه مجموعه حسيت شي يجرخ عرفت ...
شايلين ..زناجيل ..
وبدو يضربون بينه ...
منعرف مين الضربه تجي
وكانما احنه يهود..
لا مو يهود احنه ..خرفان ..وديقودوها للذبح ..
الي وكع والي غمى عليه ..والي مات ..
زلم تصرخ وتبجي ..وبس تصيح يالله ..يارب ...
عافونه طبو غير وجبه
يسالون بينه ...
انت منو اهلك عمامك ..عشيرتك ...
واسمع تكفخ ..اني بس كاعد ..
اسمك ..عشيرتك ..اهلك مذهبك ..
كامو يقسمونه مجاميع ...
كل مجموعه تروح ...
اجه يمي ..سالني...
اسمك ..
فراس ...كاظم..
اهلك ..ديالى ..
عشريتك ..كذا ..
شغلك..سكتت..
احجي ..كتله كاسب ..
احس واحد عتني من ياختي ..
وكال هذا حصت ابو الوليد ..
الي عرفته من السمع صرنه مجموعات ..
وراها ..اتوقع اجه كلمن ..اخذ ..حصته ...
اني واربع ولد ..
هنا عرفت النهايه ...
والله ماابالي شي بس انتي وامي ..
مهمني لا شبابي ..ولا شي ..
فراس يبجي ..
كال ...هم صعدونه ...الطريق بي خوف بي نهايه ..ايمع صوت الموت ويانه يمشي ..
ونزلونه بمكان ..
المكان الي نزلنه بي صوت مي ..جاري ..
عرفت ..راح ننذب بشط ..
ماشوف شي ..مجرد اعتمد ع السمع ..واتخيل الموقف ..
اجه واحد قريب علينه ضل ..
يحجي ويسب بينه ...ويمجد ..مجموعه معينه ،،،
هذا الصوت اعرفه ...
اي اعرفه ..
صحت خالد ...
خالد ..
حسيت واحد جر الغطه عن عيوني ..
مكدرت اشوف منو كلشي مغوش ..
كال فراس ..
اي اني فرلس ..
هناك ..وضح..كدرت اسوف ..
خالد ..كدامي ...
كلي شجابك هنا ..
سكتت..كال ابقى بمكانك ..
راح انفذ ..بس مارمي عليك ..
انت من تسمع اخر طلقه ..وكع روحك ..بس ع يسرة اشمر نفسك ..لان وراك شط ..
كتله حرام شنو ذنبهم ..خالد ..
شد عيني ..
ثواني واسمع طلق النار ...
اخر طلقه سمعتها صدك وكعت ..ماعرف ..
ماحس ع روحي الادنيا لليل ..واني بسيارة ..
فتحت عيني خالد بصفي ...
اخذني بيت ...بقيت بي هاي المدة كلها ..
لحد ماامن الي..رجال خير الطريق واجيتكم ...
كتله ..وخالد ..
كال ماعرف ..بقاني بهل بيت ...وراح حتى ماحجيت ويا شي ..ولا سمعت منه شي ...
وضل يسولف الي شون عبر ..وشون وصل عدنه ..
اني حسيت بالم قوي بصدري اريد اصرخ ماكدر ...
جمعت ..قوتي ..
وعرفت لازم اداوي جرحه ...
طبيت سبحته ..واكل لكمه ..
وكامت تجي العالم عليه ..
ورة اسبوع ازوجنه ..
واتفقت وي امي تسحبني بعد مادزيت صور وتقاير تثبت فراس تعرض ..للتعذيب..
ست اشهر ..وسافرنه اني وفراس وعمي ..
وتركت وجع ..وجر ح ورايه ع وطني ..
عفت ذكريات مؤلمه ..
عفت جرح ..طول العمر ميشفى ..
وكدرت اكون حياه ..والله رزقني باطفال ..
وفراس رجعت عافيته ...
وعمي صحته ..ع كدة ..
بس عشنه ...لكينه ملاذ امن
بعد عذاب ..طويل ..ميختصر بكلامات ...
احبتي ختمت قصه ورده ولكن لم تختم العبر التي حملتها تلك القصه التي احتوت الكثير من العبر فيها واهم عبره كانت ان الانسان مهما طال عليه البلاء وعظم عليه الهم والحزن سياتي يوم ينصفه الله ويفتح له اكثر الابواب فرحا.والعبره الاخرى هي ان الظلم والجور مهما طال سياتي يوما وينجلي وان الفاسد والظالم سوف يكون تحت عداله السماء وسوف يقتص الله منه وبأشد العقوبات.. احبتي اما اليتيم فلا تقهر ارجو من الجميع الرفق باليتيم والفقير
وان نضع رسول الله قدوه لنا في العطف والرحمه ..شكرا لدعمكم المتواصل وتفاعلكم الجميل ....
ولكم معي موعدا اخر مع قصه جديده وابطال جدد واكيد حكم ومواعض جديده ....دمتم لي وللاحبابكم سالمين😊
