ورده

بارت 8

~~بقلمي سوزان المندلاوي~~

طبيت غرفتي وبعدة كلبي مورم منها ...
لو بيدي اطلع اشرب من دمهم اثنينهم ...

اني لامه غراضي ماباقي شي منها ..بس بقجه بيبي ..
وغراص امي ...واللعابه ...كلما اذكر امي ..انقهر ..
اريد اشمر الغراض..وارجع واكول لا خليها ذكرى ..
بس كلبي بدة يموت من امي ...
ماعرف وين صفى بيها الدهر ...
خليت راسي ...ع المخدة ..
وماحسبت لشي كلت شيصير خلي يصير ميهمني بعد ..
واعرف عمتي مراح تكول شي لعمي السبع ..
وان كالت اعرف شون افضحها ...
جنت اقنع روحي بس اعرف ماكدر ع فنونها ...
نمت ..
كمت ثاني يوم ...
مثل كل يوم سويت ريوك وجتي عمتي ..او مرت عمي تعلمت اصيحها عمه ...
محجت شي ويايه ..
خليت الصينيه كدامها ..
وكعدنه ناكل ...
كالت ورده ..
ها عمه ..
وغمه ..ان شاءالله ...عبالج نسيت مانسه ..ابد ..
وخالد ترة خط احمر ..اذا وصلتي يمه ..لا ارعطج ..رعط والله ..
كتلها تدللين وبلعافيه عليج ..
ولج شنو هلصلافه ..مين جتج ..بعدج مطابه بيتهم ..
اذا ماخلي يسود عيشتج ..
ميخالف عمه ..راضيه ..تحمليني بس اليوم ..وراها حتى خطار ماجي ..
صفنت كالت كويه ..بت مها ..
كمت عليها بوستها ..وبست راسها ..
اعرف دكايكها ..لاتروح تعزيني اليوم ...
شوية لانت وفكت ..
كملنه ورحنه للصالون ....لبست البدله ومكيجني
لعبن بيه لعب لا فكيت حلكي ولا حجيت ..
بس حلو شغلهن ..
وسون شعري اصفر ....
وسميرة ويايه عالواهس ...
ميشت ..ومكيجت ولبست فستانها ..تكول عروس ..
اجه عمي اخذنه ...
والتمن الكل بلبيت ..
زين الله وشفتهن لعماتي ..
لان جانت سميرة وكحه وميحبن يجن يمها ..
دور الهن حجج وتتعارك ..بس اهلها يجون ..وياورده خدمي وياورده سوي ..
التهيت ..بيهن وجنت حيل مشتاقه الهن ..
خلن بيدي فلوس ..مال وكعه العرس ..
وهنا سميرة تكولون عرسها ..ادك وتركص ..وهلاهل ..
حارت شسوت علما جت الزفافه ..
طبن خواته واهله وعمامه ولدهم ..
وطببو كعدو يمي لابس قاط ..اسود ..وقميص..ليموني فاتح ..وتارس شعرهه جل ..
والله بكلبي قطرة فرح ماكو بس هيج اعاين وابتسم الهم ..
ضل يكمزون ويركصون ..
وطلعونه ..
واعمامي واكفين بلباب
بوستهم ..وصعدت ..بسيارة
اذكر السيارة اولدز .جانت مال زفه مال ابن عمه ..
سميرة طنكرت الا تصعد ويانه ..حتى عمي ماقبل حجة عليها بس ..حشرت روحها ويانه ..اخته الجبيرة بصدر ..
واني وخالد ..وسميرة بصفي ..
الطريق كله سميرة تبجي ..
من يسالوها ..تكلهم بنتي هاي وصله من كلبي ..ماكدر ع فراكها ..
وترد تكولها حماتي ام حيدر ..
ياام حمزة هيه بصفج ..عليمن هلبجي ميصلح ..
وتسكت وترد تبجي ..فرونه بغداد كلها ..والعالم تركص..
ابن عمه بكده يطلع ..بس مؤدب عينها مارفعها ..عليه ..
ضلو يدكون ويركصون ..كل شويه واكفين ويدبجون ..
بعدين رجعونه للبيت ..
ضلن النسوان ..بلبيت ..
والرياجيل برة اخذو الشارع كله ..
وبيومها سوو صينيه حنه وحنونه ..
وخلو سميرة تحنيني ..عود اطلع مثلها مبخته ..
اني من الدك والاغاني راسي نسطر سطر..
هنوب جابو عشا ..لفات ..وببسي ..
وكعدت العالم تاكل ..والجهال تكمز ..لو يصفون بوجهي..
علما فضت اني راسي راد يطك ..
والله طلعو وكلها راحت بس سميرة بقت ..
حتى حمواتي راحن ..
وضلن يوصن بيه ..ع ابوهن واخوهن ..
بقت سميرة ..
طببتني للغرفه ..
وقفلت الباب ..
ولج يلمصخمه حالج من حال الحايط ..والله اذا اسمعه طاخج لا افنيج والله ..
كتلها دكافي ..والله موتيني ..بي..
اخذي يمج وخلصيني ..
باع الصلافه ..
ندكت الباب ..
فتحتها خالد ..
شافته ..ضلت تبجي ..وكدامي احبك واحبك ..
وباسته ..ومدري شحجت ويا وطلعت ...
بقيت اني ويا وحدنه ..
كال
ورده ..
نعم ..
جوعان ..
اكو لفات برة جيبيهن ..
وجيبي وياهن بارد ..
كتله ي ..بس اطلع خلي اذب هدومي ..
هذا شمر روحه ع جربايه ..ومدد
ليش اطلع انتي مرتي ..
انداريت عليه ..
كتله تتطلع لا اشهركم اليوم ...
اعصابج عيني ..طالع ..ست الحسن ..
طلع وسد الباب ..ذبيت البدله وخليتها بعلاكه ..جبيرة ..
ولبست دشداشه ..
وطلعت ..
كتله عمي وين ..
كال يم اختي ..
ليش..
غير عرسان ..وحدنه..
هااا...
وين الحمام ..دلاني عليه ..
طبيت غسلت وجهي وفتحت هلطركاعه الي براسي ..
بس طولت الف ماشه خالات نثولت ثول ..
كملت طلعت رحت للمطبخ شفت صينيه ..مغطايه ..
كشفتها شفت بيه تكه وملاك ..وزلاطه ..وروبه ..وخبز
اعاين ع الصينه عرفتها مالتنه هاي سميرة جابتها ..
اخذتها ...وطبيت للغرفه ..
هذا مدد بطرك الفانيلا وشورت ..سديت الباب ..
وخليت الاكل كتله انزل اكل ..
اكلنه جنت جوعانه ميته جوع ..
لا استحيت منه ولا حسبت اله ..
كملنه شلت الصينيه كترتها ..بلمطبخ ..
تعبانه مابيه حتى اغسلها ..
وطبيت للغرفه ..
جريت مندر وغطه ومخدة وفرشت ..بلكاع ..
خالد بس يباوع ..
ومددت عليها ..
كلي هاي ..وين راح تنامين ..
كتله بلكاع..
ادري والجربايه المن ..
الك..
لا تعاي يمي ..
رفعت راسي ..
كتله
خالد..
بيني وبينك بس هاي ..
غيرها.ماكو والله اخزيكم انت والقذرة سميرة الف دليل لازمه عليكم فلف راسك ونام ..
لوتريد باجر اكولها ..يتحارش بيه ..
نامي نامي اني ادري بيج فقيرة ..شمدريني هيج جان مازوجتج ..
بعد احسن والله تريد ارجع هسة وطلكني ..حتى صير عداوة ..
ورجلك مطخ بابنه..
سكت ..
وعفته ونمت ...
كعدت الصبح بعدة نايم ..
كمت ع المطبخ جلفته ..
ونظفت البيت غادي سيان من الرجلين ..والعالم
وذبيت جاي ..ع نار..
وسويت ريوك...

وبعده نايم صارت ب11ونايم ..
مهتميت اله اكلت ..لكمه ورحت للغرفه طلعت هدوم
وطبيت سبحت ..طلعت ..
للغرفه ..حس عليه وكعد ..
كتله كوم غسل ريوكك موجود ..
بين مانشفت شعري ندكت الباب ..
طلع هوة ..فتح الباب
جتي سميرة جايبه ريوك وجايه ..اول مافاتت هلهلت ..
وشافتني شعري مبلل وسابحه ..
صركعت ..
شو سابحه ..
كتلها هلا صباح الخير ..
منسبح نبطل ..
اندارت ع خالد ..هاي شيسموها ..خالد ..
مايسموها شي وداعت عيونج مطاخها ..
ضلت مدري شتبسبس ويا ..
وخلت الصينية وكعدو ياكلون ..

اني عفتهم طبيت للمطبخ ..
اشوف شسوي غدة خاف عمي يجي ..
فتحت الفريز شفت ..دجاجه ..
ذبيتها ..بلمي تموع ..
وطلعت شفت ..بس الصينيه بلكاع ..فريت راسي منا منا ...
ماكو احد ..رحت لغرفتي ..فتحت الباب مقفوله ..
دكيتها محد جاوب ..عرفت ..

بس اني ..متت قهر مو علمودة بس بغرفتي ..
جابت قذارتها لهنا .....احساس غريب ..ماعرف تفسيرهه ..

ضليت بلمطبخ هناك ..وطلعو لا حجيت ولا سويت شي ..
اجت يمي .كالت .اخذت البدله ...
ورده
درت راسي عليها
اني العروس مو انتي ...

وعافتتي وراحت ...
ماهتميت الها ..ولا اهتميت ..اله ...
مشت الايام ع هلحال ...
بس بين هذولي ..وظلامهم ..
لكيت ضوة ...ينور حياتي ..ربي..
وعمي ...ابوخالد ...
الي حسيت ويا بلحنان ..والامان..
صار ابويه ..وعمي ..وجدي...
اكلي وشربي كله ويا..
لو ما عيب حتى انام يمه ..
تعلمت اصيحله بابا ..يابه ...
ومن..يطلع ويرجع ..يبوس كصتي ..
وحمواتي هم ..زينات ..ويايه ...
من طبيت الهم ..كامن يجن حمواتي ..
وباخذني لسوك ..واطلع واشتري وياهن..
جنت امون ع عمي اكثر من خالد ..
بس جان دائما يسال ..بابا ورده خوما اكو مشاكل وي خالد ..
اكوله لا يابه ماكو ..شي ...
لعد اشوفكم ...ممرتاحين ..الغمطها عليه ..واضل اسولف ويا .....
اذا اتمرض ..مانام بغرفتي انام بلهول ....وادعي ربي لا تاخذه ..مني ..مثل ماخذت..عزازي ...
اضل الليل كله اصلي وابجي ...ربي يردله العافيه ...
حتى مرة كتله ...كتله يابه ..ماريدك ..تموت بيوم وتعوفني .
كرهت الفراك ..كلبي من الصغر انجوة ....
مرات يبجي ع ابنه ..ومرته ..وجان صوته حلو ودافي ..
يكعد ينعي ..اني اكابله واضل ابجي ويا ..
ويكولي بابا هاي الدنيا حقيرة ..ديري بالج بيوم تغرج ..
ترة كلنه تاليتنه شبر واربع اصابع ..صيري قوية ..ولا تنداسين بيها ..عيشيها ..وانتي الفايزة مو الخسرانه ...
.............

بقى خالد وي سميرة ...لو يمنه يلتقون ..
لو يمهم ..مرة مرتين يجبرني اروح ..
تاليها فاض بيه ..كمت ماروح اكوله انت روح ...
مالي دخل بيك ..
واضل احجي واتعارك ويا ..
لحد ماهوة خفت رجله عليها ...
وصار مو مثل الاول ....
فديوم ...
جتي سميرة ...
بس طبتها مو مثل كل يوم ..
جنت يم عمي بلهول ..وخالد بلدكان ..
سلمت وكعدت ..كالت ورده محتاجت بسالفه ..وحدنه ..
عمي كال اخذو راحتكم بابا ..روحي شوفي ..مرت عمج شبيها ..شتريد ..
كمت وياها ..وطبيت..للغرفه ..سديت الباب
بعدها ماكاعدة ضلت تبجي ..وتبجي ..
احجي شكو شصار ..

وللحكايه بقيه ..