ورده

بارت 19

بقلم سوزان المندلاوي ...

كام فراس ...
كال خلي اشوف منو ...
عمي كام وراه ..
واني هم ..كمت ..
طلع ضليت اباوع من الباب ...
بس باب الحوش مو كله مفتوحه بس اشوف فراس وعمي ...يحجون ..
طبو ..وطبت وياهم ..مرة ..
.
اباع عليها منو ..هاي ..

صارو قريبين عليه ..

ياربي هاي منو شكلها مو غريب .
.
فاتو للبيت ...
اني فتت وراهم ..
المرة تباع عليه ..
كالت يمه وردة ...
اني ماعرف ...
كتلها اي اباع عليها زين ..
هاي امي ...
جتي عليه حضنتني ...
بس ماحسيت بشي ...
وخرت عني وضلت تبوس بيه..

اني مصدومه ..
ورده اني امج يوم ..

كتلها ..اي عرفتج ..
طببتها بلهول ..

اباع عمي وفراس ..باجين
بس اني ..

عيوني جمدت ..

كعدت كبالها ...
كالت شبيج معرفتيني ..
لا اعرفج واذكرج ..زين ..

ردت كامت بوستني ..

وجرت ايدي باستها ..
اني جريتها ..
وكعدت ..
كتلها ليش جايه شتردين ...
اني امج ..واريدج ..
شتردين مني ..
شبيج ورده هلسنين كلها ..كلبي نار عليج ..

بربج شون نار
..
من عفتيني ..يم المدرسه ..وضليت اركض وراج لحد ماوكعت ..

لو من جرني رجلج ..وسد حلكي حتى لا ابجي ..واصرخ عليج

كولي شعدج جايه .
..
يمه انجبرت والله واهل ابوج موخوش جانو ..

الف رحمه ع والديج ..كلتيها بلسانج
شنو جانو موخوش ...

مكلتي طفله بايدهم شيصير بيها ..

مافكرتي ..المهم نفسج والباقي لا ..

ماعرف شكولج ماما ..خاله ..ع العموم ..
الي تريدها مموجودة ..
عمي ضل يحجي عليه ...
وفراس هم ..
كتلهم ..ماكدر ..هاي دمرتني ..
هاي عافتني بيد سميرة ..وذلتني ..
ولوما انت يابابا اني جان بشارع من زمان ..

ولوما فراس جان متت من زمان ..
ماريدها ..
وامي ماتت من عافتني ..هاي مو امي ..

سنين احضر .هدومي و.هدومج والفلوس ..واحطهن يم راسي واكول هسه تجي ..
واكعد ثاني يوم..ماكو
اصبر بروحي اكول باجر ..
امي ساكته ...كتلها ..
ولج ضكتي لوعتي ..لو حركان كلبي ..
وامي بس تبجي ...
ماريدج الدرب الي جابج يردج ..ماعدنه الي تريدي

هذا ابويه ..
وهذا رجلي ..
وجودج ماله داعي ..
ضلت تبرر نجبرت وسافرت ..
وكدرت اجي بعد ..الا ورة السقوط ..
وبس خالتج كالت ..اندليت ورده جيت ..
كتلها شكد جهال عدج صارو ..
كالت 3
تحبيهم ..
احبهم واحبج ..
لا اوكفي ..
هم تنامين اذا واحد بيهم مريض ..
لو يبجي ..لو جوعان لو مقهور ..
احجي ..
ساكته وبس تبجي ..
ماكو جواب ..مو ..
انتي مو امي الام ..تقدم وانتي لا ضحيتي ولا قدمتي ..
بعتيني ..برخص
عمي كال ورده كافي ..
غصبا ماعليج هاي امج ..حتى لو عاقه بيج ..امج ..
وجنه مو جوة رجلي جوة رجلها ..
كتله ماريد جنتها ..الي عيشتني بنار ..

ماعرف شصار بية..حسيت بكرهه من ناحيتها ..
ماريدها ولا اسامحها ولا راح اسامح من اذاني ..
بس كلام وكف بعيني وسكتت..

ضلت تحجي شون سافرت وجانت حامل ...
واخذت لجوء انساني ..ومكدرت طب العراق ..
هيه
تحجي
واني ارجع بذيج الايام الي انام بحضنها ..

وذيج الايام الي تغني الي بيها ..
واومانام اذا مو اشم عطرها ...
تحجي وعيوني  ..من البجي عمن ..
اريد اتنفس هوة ماكو ...
اذكر شون ..جروني منها ..وحبسوني بلغرفه. ..
لو سنين ويعيروني بيها ..واني ادافع الها ..
اذكر شون جنت اشم بهدومها حتى اكدر اغفه وانام ..
من بين هل الذكريات ..
ماحس روحي اله واني احضنها وابجي ..
واشم بيها نفس العطر الي بي ريحه الجنه ..
اووف يايمه اووف
ضليت بحضنها ..شكد مشتاقه الج ...
ضلينه الليل كله سوالف ..وعتاب ..لحد مابرد كلبي منها ..

سالتني ...
وينه رجلج ..
جهالج ..
اشرت ع فراس خطيبي ...
امي ضلت ساكته
كالت الي اعرفه ..انتي متزوجه ...
كتلها يمه قصه طويلة ..
بغير وكت احجيها الج ...
هسة طبي نامي ارتاحي ..نومتها بغرفتي ..
و
فراس قفل الا يروح لديالى .....
بعتبار امي يمنه ..حتى تصير رسميه ..الخطوبه والكل موجود ...
فراس قبل لا ازوج خالد هوة رابي بيت ..عمه ابو خالد ..
يعني من الصغر يمهم ..
وقليل يروح لاهلها ..
وامي جلبت بيها تبقى يمي لان مشتاقه للها ...
الي عرفته جايه وحدها ..واطفالها ورجلها اهناك ..
جايه تشوفني ..ونزلت يم بيت خالتي ..
وكالت اجيب غراضي وابقى يمج ..
ار يد اعرف ..سالفتج من الاول للاخير ...
ثاني يوم ..
فراس اخذ امي ..وداها لبيت خالتي ومناك طلع ..لديالى ..
وكال باجر اجيبهم واجي ..
وامي ..جابت غراضه وبقيتها يمي ...
وللحكايه ..بقيه