بقلم سوزان المندلاوي ...
ورده احبج ..
فراس...
شبيك .كافي ...
عفيه ..
نام عليه ...وضل يبوس بيه...
اني دفعته ...
فراس اصحه شبيك ..
كام عني ..ضل ..يفرك بشعرهه
.
اسف ورده ..
اندفعت بمشاعري..وياج ..
اي وخر ...عني ..
غطيت هدومي ..جنت مشلحه ..
وكمت ..
كلي وين ..
ماعرف ..
تعاي راح اطلع اني وانتي نامي هنا ..
لا لا ..
شبيج ..اسف..متتكرر
اي مصار شي .. ..
طلعني منا ..
لحضة ..
اشوف ..
راح اني مدري شبيه ..ضليت الوم بنفسي شون قبلت.هيج ..وخليته يتقرب الي ..وبنفس الوكت حسيت كسرت خالد ..
اجه ..
ورده
ابقي هنا اني حنام برة يم خالد ..
شلون
مالج دخل هسة اطبله اطيح حظه ..
كتلة ..ميخالف ..
راح فراس ..واني ضليت الوم بنفسي ليش قبلت هيج ..
وشون رضيت ع روحي وضعفت ..
لازم اخلي حد ..حتى لو اعوض كرهي بخالد بي بس غلط هلشي ..
بس ياربي اني بشر ..مو حايط ..
هناك ويمر ع بالي ..
فراس ..ويمر عليه الي صار ..
مكدرت انام ..ضليت اتكلب ..
لحد ما..
نمت ..احس ..خالد يكعدني ..كومي ..ورده ..رجعي نامي بغرفتنه ..
فتحت عيوني ..
كتله اي جيت
ساعه بيش ..كلي بسته ..
كمت ..عدلت روحي ومشيت ..ويا طبيت ..للغرفه .قبل ماطب ..درت وجهي ع غرفه فراس ..
حسيت نسيت بيها شي ..
اريد ارجع ...ارجعلها ...وابقى بيها
درت وجهي.و
طبيت ..كتله ..
شكعدك من وكت ..
كلي مو فراس جان يمي ..وكلي كعدها قبل لا احد ..يحس مو يمك ..
وفهمني شون لكاج نايمه يم باب الغرفه..
وانتي شنو كلشي يصير ترحين تكوليله ..
ساكته ماعرف اجاوب ..
كله هذا من لسانج الزفر ...
وصلافتج خزيتينه ...
ضليت ساكته شكوله ...نعكد لساني
شريد اكوله ..
كتله خالد فدوة خلي انام ..العالم حايرة بحرب ..وانت حاير بيه ..
غطيت. راسي ..ضل يحجي..
كتله نسيت صلافه سميرة ..لو نومتكم ع فراشي ..اذكرك خاف نسيت
خليني ساكته رحمه لاهلك ...
نامي من نامت عليج طابوكه ..
ع راسك كون ..
شنو ..
هيج ..
عبالي ..جان فركت حلكج ...
شكد اكرهك ..واكرهه كلشي بيك ياربي ..
كون انام واكعد اشوفه ماكو ...
من صار البوس والحضن وي فراس ..ماحسيت ندم تجاهه ..خالد ابد ..حسيت روحي دانتقم بيها منه ..اي
من طرق باب الناس طرق بابه ..
صح اني بديت اميل لفراس..
بعقلي ..بس من تقرب الي ماصديته ابد...
ماجه ابالي شي ..
غير تمنيت خالد يدخل ويشوفنه ...
وتمنيت تنعاد ..حتة احس نفس احساس الراحه ..
الي حسيتهاويا ..
نمت ماكعدت الا ب11 ...
خالد نايم ..نزلت جوة ..عالكه بلحجي ..
شكو بغداد سقطت ..
يمه ضربت ع وجهي ..يعني شنو ..
عمي كام يبجي ..
شكو يابه احجي ..بنتي ضاع العراق ..والجيش سلم بغداد ..للامريكان ..صرنه حالنه من حال فلسطين
واخو ابو فراس يكوله دسكت ..حجي ياضاع شوف الخير الي جاينه ..خلصنه من الطاغيه ..هسة حتى فلوس يوزعون النه ..راح نصير احسن دوله ..
وضلو الي يضحك ..والي يركص..
بس عمي الي يبجي..
يكول اذكركم بيها ....
هيه كاعنه شبعت دم ..من زمن المملايك ..لليوم ..
كافي ..حرب ايران اخذت منه ..كومه شباب ..
هاي شراح تاخذ ...
اني ركضت ..صعدت ع خالد ..
وكفت فوك راسه ..
كتله خالد خالد كوم ..
شكو ولج ..
كوم بغداد سقطت..
فتح عينه بغداد منو ..
هنيالي ولك ..حتلونه الامريكان..يابه يكول ..
ولج شبيج ...
اوي ..دنزل وشوف شصاير ...
عفته ونزلت ..
من دانزل شفت فراس ..
ديصعد ..
سلم عليه ..
مجاوبته ونزلت ..
يمهم ...
اذكر..بعقوبه ..بعده جيش بيها ...
ماذكر كم يوم وسقطت ..الي اذكرهه صار رمي ...واشتباكات للفجر سكت كلشي ..
وثاني يوم كلو ..كلها سقطت العر اق. سقط من جنوبه لشماله ...
سلمها صدام وانهزم هوة واهله ...
احنه ممصدكين...الي نسمعه ...
بس شفنه الواقع ...شصار ...
بقينه بهلايام ..ماكو شي غير هلسالفه ..ويحجون بمعركه المطار ..ماكو غير موضوع جان ....
جنت
كلما يصير فراس كدامي ..احاول ابتعد عنه ..
حتى لا احجي ويا ولا اتواجهه ..داخل نفسي خجلانه منه ...
وارجع واتهي ..بعمي وخالد ...
عمي ..لح علينه الا نرجع ..
لازم نرجع سمعنه صار فرهود ..
عمي ابو كاظم مقبل خاف علينه من الطريق ...
وبقو يصبرون بي اصبر كم يوم ونشوف تاليها ...لا تستعجل ..
طبعا ...الولد.ابو فراس شكو بضاعه عدهم ..بلمحل جابوها خافو ..من حجي العالم الي سمعو....من بوك ..ونهب
وجانو يحجون ..
حته ..الدهن...التايرات .مال سيارات ..الدوله ..كامو ياخذو ...
يعني صارت ....فرهود ..وعصابات من اول يوم ...
المنطقه الي جنه بيها ..
هوايه بيها بنوك..
يعني ياهوة الي نساله يكول ..
وين ترجعون ..مخابيل عقال ..كلمن سواله عصابه ..واسلحه ويفتر بيها ...
ابقو لحد ماتهدة الوضعيه ..
شكد حجو بس العقل ميستوعب ..الي جنه عايشي من هدوء ..يستحيل يصير هيج بينه ..
فيوميه ..عمي يكول نرجع ..ويجلبون بي ..ونتوسل نبقى ..
اني هم جنت اتوسل بي نبقى ...ماريد اروح ..
خالد ....بهاي الفترة بعد مالح عليه ..ولا حجة شي..بس يرزل بيه ..دائما واني ماسكت اله ..يعني دائما نتعارك ...
فراس ..ضل يريد يحاجيني واني ماقبل ..ابد ..ومانطي وجهه ..
فديوم ..واكفه بلمطبخ مالتهم ..
كلي وردة شبيج ويايه ..
حتى سلام متردي ...
مجاوبته ..
احجي عليج الله ..
كتله اسمع لا عبالك اني رخيصه مثل سميرة لا ...
مو كل الناس سوه ..
انت ندفعت بمشاعرك ..
صح واني وياك ....غلطه ..وصارت ..
بس شتتوقع راضيه اني لو فرحانه ..
لا طبعا ..اكرهه هلشي ..
انتبهه اني مو سميرة ..وماقبل الي بي انتو ..من لعبه قذرة
شبيج ورده اني اسف ..
واني ممفكر بيج هيج ..
وماريدج هيج ..ليش اخذتي عليه هيج نضرة ....
ماعرف ليش هيج صار ....
اي عيني..افتهمت غلطان بس اعرف حدك ويايه ...
لا تتمادة ..بعد .
وعفته ومشيت ..
اوف ياربي هسه اني ليش هيج احجي ويا ..
واني بديت احبهه ..
ضليت افكر ..شسوي بس مالكيت حل ...ولازم اصحى من الي اني بي...
بقينه كم يوم ..
بس عمي بلايام ..هاي ..كال اذا متجون اني اروح وحدي ...وشيصير يصير ...
احس كاعد ع نار ..ماتحمل بعد ..
خالد كله يابه ..
هسة الي يسمعك عايفين كنوز ..
هوة بطرك بيت ودكان ..وسيارتنه ويانه
شبيك ....
مستعجل خلي نشوف تاليها ..
واله ياابني اني اروح بوحدي...مستعجل لا ماعندي صبر بعد ...
وانت ومرتك..تعال ورانه ..
ماكدر ابقى اكثر ..
كله لا شنو تروح وحدك ..
اني وياك نروح ..
واذا وضعيه زينه ..
ارجع اجيب ...
ورده ..
اي لعد باجر الصبح نتوكل ..
كتلهم مابقى وحدي هنا ..
اجي وياكم ..
لا ابقي هنا ..خلي نشوف تاليها ..
وراها..اجيج ..
لو خلي فراس يجيبج ..
سمعي كلام ولا ضلين اجادلين ..
.....
يبو. شيعوفوني هنا ...
ماكدر وحدي واخاف ..
لا عمي قبل ولا خالد قبل..ارجع ..
خافو عليه ..الطريق مو امان ومندري شنو بي..
هنوب الكل ..كالو احسن روحو وشوفو .....
شونه الوضع ..وعفو وردة هنا ...خوما بشارع هيه ..يمنه حاله من حالنا ...
سكتت ..ماكلت شي ...بعد ..
الليل كله اتحايل ع خالد اروح وياهم ...
بس ماقبل ...
نمنه صار الصبح ..
وكعدت وياهم ..
وصيتهم لا يتاخرون عليه هوايه ..انتظركم
عمي خله مصرف بيدي ..وسلم عليه وراح ..
وخالد هم ...سلم..عليه وراح
بقيت قلقه عليهم ..اريد اعرف اخبارهم ..
الاتصالات انكطعت ..
يعني ماعرف وصلو لا ..
بقيت يمهم يومين ...
كلما انام اسد الباب عليه اقفلها ..اخاف كلشي يصير ...
وفراس ..ابد ماحاول يحاجيني ..
بس احس نفسي غريبه شكد ماهمه طيبين وماحسسوني بشي ..بس احس نفسي ثكيله عليهم .....
وللحكايه بقي
