فراس وين نروح ...
ماعرف ورده ..
راح انزل واروح مشي ..
لزمني من ايدي شجاج تخبلتي انتي ..مدسمعين شكالو ..
لعد شلون فدوة ...
اكيد ماتو بلبيت ومحد يدري عنهم شي ..
لا بابا ..شلج بهلسالفه ...
ماكو شي والله ..
وينهم لعد ...
امشي نرجع ..شوف وين انروح ..
ديور السيارة وطلع ...
الي شفته اليوم مايختصر بكلامات ابد ...
مشينه وبدت تصير لليل ...
فراس ..وين نروح ..
كلي هنا ..ولد خاله امي ..نروح الهم ..
كتله صدك بيت عمتي ..
ي وين ..
دليته
كلي ورده هذا المربع كله مينطب ...
لعد شون ..
شيكولون علينه ..
ماعرف ..ورده ..
والله طلعنه ..
والشوراع تخوف ...
وصلنه للمنطقه ضلينه اندك بلباب .اندك ..محد فتح ..
كال هم طلعو لو يخافون ..يفتحون الباب
اني كمت ارجف شلون ..
لا تخافين ..ورده اني يمج ..
تعبت وجعت ..والخوف عماني ...وماكو احد فتح ..
كلي ماكو غير حل واحد ..
شنو ..
عندي صديق هنا ..
صديق اني ويا درسنه سوهه
انروحله ..ماكو غير حل
مو بعيد ...
كتله فدوة خلصنه ...عبالك مو بغداد احنه ..
طلعنه من يمهم ..
الشوارع اكو جانت فارغه ..واكو بيها ..امريكان ..
واكو بيها عالم تنكل غراض..واني بس اباوع ..
عقلي مديستوعب كلشي ..
وصلنه ..
كلي ابقي..هنا ..
راح اشوفهم ...
نزل ..دك دك دك ..
اباع عليه ..يندار عليه ..اشر بيدة ماكو ...
ربي يدخيلك وين انام واني ورطت الرجال ...ويايه ..
هناك ..وصاح..فراس ..اني..
اني فراس..كاظم ..صديق ..احمد ..
شويه وطلعو ..اثنين ولد ..ورجال جبير ..سلم عليهم ..
ضل يحجي وياهم ...
شفتهم فتحو الباب ..مال كراج ..
واجه فراس ..صعد كتله شصار ..
كلي ..هذا هوة بس فهمتهم انتي مرتي ..
انداريت عليه شنو ...
كلي ورده خلي يخلص اليوم ...
طبب السيارة بلكراج نزلت ..
سلمت عليهم..
وطببونه جوة ...
بيتهم يخبل ..من الجمال ..والاثاث...
يعني مشايفه مثله ..ولا اشوف ..
طلعتنه مرة ..مرتبه ..سلمت عليه ..
وشفت ولد اثنين ..واب ..
هم سلمت عليهم ..وكعدت ..
وبده فراس يسولف الهم ع الي صار بينه بطريق ..وكلهم من الصبح طالعين ...ولحد هسة احنه بسيارة ..
فرجال اشر لمرته ..كامت ..من يمنه ..اني تعذرت وردت اروح اغسل ...كام ولد دلاني الحمام ..
طبيت للحمام يخبل ..كله فرفوري ..وسيراميك ..عبالك
غرفه ..مال نوم ...
هنووب البيت ..كله لوحات حتة بلحمام ...جان لونه سمائي ..الحمام ..وبي بانيو يلمع لمع ....ضليت اباع ..عليه مال انام اهنا ..شجاج ورده ..تخبلتي ..
غسلت وجهي .طلعت ..امشي بلممر..
البيت ضاوي جانو مشغلين ..مولد ...من دون العالم ...
رجعت كعدت بصف ..فراس ...
حجيت ويا بصوت ناصي ...
فراس صاحبك وين ..كلي مسافر..
عزة زين منهم طببونه ..
كلي مو يعرفوني ...
هااا.الله ينطيهم العافيه ..
هناك وجتي المرة ..
كالت تفضلو ..للعشا ...
اني ميته جوع
فراس..كلها تسلمين ..ماكلين ....تعبناج ...
اني دغيته ...ضل ابو احمد وام احمد يعزمون بينه ..
كمت ..وراهم امشي ..فراس ..راح يغسل ...
وصلت للمطبخ ..هنوب احلى ..بلترتيب ..والغراض ..الي بي . ..
ومسويه الاكل ع الميز...
كالت حبيبتي ..نزعي عباتج واخذي راحتج ...
راح نطلع منا ...
اني هزيت براسي ...وابتسمت الها ..
كعدت اكل ..ميته جوع ..
اجه فراس ..كلي شبيج يمعودة حتى منتظرتيني ...
ميته جوع واللكمه بحلكي ...
ضل يضحك ...
وكعد اكل ويايه..
كتله ههذولي شيشتغلون ..باع بيتهم ..
كلي ورده اكلي ومالج دخل ....
كملنه الاكل ..
وكمت غسلت ..هنوب استحي ارجع للاستقبال ..
رجعت كعدت يم فراس ..
انتظرته يكمل ...
كمل ..
ورجعنه للمطبخ ...هناك واجه ابنهم ..
كال ..حضرنه الكم الغرفه ..تفضلو بيها اخذو راحتكم اني بس اباوع ع فراس ...
يعني شنو اني وياه بغرفه وحدة ..يبووو.عليج وردة ..
وتالي وياج ...وي حظج الاعوج وين يوصلج..
كام فراس..وكمت ويا ..
وصلنه للغرفه ...
اني ..طبيت بيها وهوة راح ..وي الولد ..
ذبيت العبايه ..والربطه متت منها ...
فتحت شعري ..
كلت هذا فراس راح نام هناك ..
خليت راسي ..ع المخدة ..
واباوع ع الغرفه تخبل ..شنو من جمال لونها ابيض عبالك مال عروس ....
حتى شياشه الريحه ..ع الميز ...
ضليت اعاين عليها ..هناك وطب فراس ...
اني غطيت راسي ..
كتله هاي شجابك ...
كلي لعد وين اروح ...
طلعت راسي ماعرف ..
شنو متعرفين ...
غير عبالهم مزوجين ...
يحجي ويايه ..ويجر مخدة ..وغطه ..وذبهن بلكاع ..
كال نامي لا تخافين ..
كتله تنام بلكاع بدون فراش...
ي ورده عادي نامي ....
مالج دخل بيه ...
اني هم حطيت راسي ونمت ...
ماحس الا طلق نار قريب ..
كمت ..شفته كاعد ...
كتله شنو هاي كال ماعرف ..
بيش ورطينه ورده ..ماعرف ..هاي رجعتنه لبغداد ..
هذا ابوهم ضابط جبير .....
