ضليت ...كاعدة ...والعالم تروح وتجي ...
وصوت سميرة وصراخها بأذني ..يرن ...وليدي ...وليدي...
كمت ..ورحت رجعت للبيت ...
خالد ...جان يمهم ..هوة وعمي...
وفراس ...بدوامه ...
ضليت ابجي ع شبابه ..وتوة ..فتح ...وشب ...
كلبي وجعني عليه ...
صارت الفاتحه ..ورحت اخذت من خاطر سميرة وعمي ...
جانت منتهيه ..ومدمرة...
هناك وشفت عمتي ..الجبيرة ..بوستها وكعدت يمها ..
كلتلي ..ورده ....
وين جنتي ...نسيت اكول الج ...
كولي عمه خير ..
كالت امج ..
كلبي كام يدك ...
شبيها امي ...
احس روحي ..تريد تطلع شبيها ..امي ...
عزة وهوسه ..اخذتها ..وكعدت وياها ع الدرج ...
احجي عمه فدوة ...
مو تدرين وحدة من خالاتج هنا يمنه ...بلمنطقه ..
اي سامعه هيج شي ...
كملي ..
اجتي وسالت عليج ..
بس مو نفسها ..هذيج ..عبالك غير وحدة ..من ترتيب ..وذهب ....
كملي عمه ...عوفي خالتي ..امي وين ..
كالت ..جتي وسالت عليج ..ورادت عنوانج بس اني منطيته الها..كلت اسالج الاول ..عود امج مسافرة جانت وجتي ورة ..مطار الحكم ..ودور عليج ...
اني مو..نص حيلي انهد..انهد كله ...
كتلها دليني بيت ..خالتي ....
اخذت منها العنوان ...
وممصدكه امي موجودة ..تعذرت منها وسلمت عليها ..وطلعت من الفاتحه ..
وضلت ابالي سالفه امي ...لازم اوصل الها ..لازم اعرف ليش راحت..ومسالت عليه بعد ...
انتظرت الفاتحه تفض ..لان الكل ملتهي بيها ...
عمي وخالد ..واني ...
ووراها اروح ..ادور عليها ...
بس ماكو بقلبي شوك الها ..اكو عتاب ..وجرح ..جبير ...اريد اعرف السبب..
خلصت الفاتحه .ومرت الايام والاشهر ...وبعد ماطبيت ..بيت ..عمي ابد ..
وخالد ..بدة..يضوج ..وساعه يبجي ..وساعه يتعارك..
لان سميرة سحبت روحها ..منه...ومقبلت تشوفه بعد...
واني بلساني سالفه امي ..كلما ..اكوله ..ياجلني..
وارد احجي ويا عمي ..يحاجي اريد اروح ..وعمي يحجي ويا بس ميفيد ...صار ..عصبي وبس يعيط ويصيح..
عبالك ابنه الي مات ..مو ابن سميرة ...
عاد عمي ..كال ..من ينزل فراس ..خلي ياخذج وسالي عليها ...وربي تلكيها ..وريح بالج ...
انتظرت ..فراس ينزل ..حتة ياخذني ..
بهاي الفترة خالد ..تخبل ..بس يريد يوصل لسميرة..
فديوم ..جتي بت عمي الصغيرة...
كالت ..ورده ..امي تريدج ..انتي وعمو خالد..
كتلها خير..اكو شي ..
كالت ماعرف..
كتلها اكمل شغلي..ونجي ..
راحت ضليت افكر ..معقوله ..بعد الصار ..ورجعت لدرب الاعوج ....شتريد منه هاي بعد ...
كملت شغلي ..ورحت ع خالد ..حاجيته..كتله سميرة تريدنه ...
هذا مصدك..سد.المحل وكلي ..يلا..لبسي..عباتج..
ضل واكف..برة ..طبيت كلت لعمي..
سميرة تريدنه ..ولبست عباتي ورحنه الها...
اباع ع خالد ...الفرحه بعيونه ...
عبالك جاهل وديروح يشوف امه ...
طبينه ..جوة للبيت ..
سميرة كاعدة بلمطبخ ..
كعدت اني وخالد ع كرويته ...
وهيه كبالنه بلكاع ...
صاحت ع بتها ..كلتلها ..روحي ..
بغرفتج ..
بقينه وحدنه ...
اباع ع سميرة مو ذيج نفسها..مكسورة وتعبانه ..حتة شكلها متغير...
اول ماحجت ..كالت خالد لهنا وبس وياك ..
كافي ..ماكدر ..ولا ضل يوميه جاي ولا ادك بابي ...
خلص كلشي...
خالد ضل ساكت ...
كلها ليش ...شصار مني ..وتكوليين هيج ..
كالت شيصير بعد ..الله عاباني بابني..اخذة مني ...
ماكدر بعد اكمل ..وياك ..
اندرات عليه ..ورده ..
سامحيني وابربني الذمه ..
هاي حوبتج ..وطلعت بيه ..
ادري تشمتين بيه انتي..
سامحيني اذيتج هوايه ..
وضلمتج ..
اني ساكته ماعرف اججي ..
خالد كلها سميرة شبيج ..هذا قدر..الله ..
لا اسكت مو قدر..هاي ..ربك ..طلع..حوبه وردة ..
رجعت عليه وردة..سامحيني..
اني مريضه ..وراح اسوي عمليه ..
يشيلون رحمي ...
زكامت تبجي ..ماعرف شنو بيه ...
ماريد شي بس تبريني الذمة..
اني كمت ..
كتلها سميرة ..رجعي لربج ...
واذا ع السماح ..
فالله يسامج ...
اما اني ماعندي سماح ...
وطلعت ....
وطلع ورايه خالد ...
طبيت البيت ..ركض رحت لغرفتي ابجي...
فدواتك ربي...يامنتقم ياجبار...
عدالتك ..وصلت...
طب عليه ..خالد...
ولج اسمعي..مال .تدعين مدري حوبة هاي متاكل يمي ..زين ...هاي سميرة عقلها انضرب ...
وضل يحجي وطلع ...
الي عرفته سميرة سوت العمليه ..ورد المرض ..طش بغير مكان ..وعمي اخذها وسافر..ومافاد شي ..تاليها..صفت بلبيت عاجزة ....وجهاله بيد مرت اخوها ..تبهذولو ..وانذلو ...
وخالد ...بعد الي صار بسميرة كضه ايام بس يبجي...
وراها ..كام يصلي ..الليل كله يصلي ..ويبجي ...
وكاضيها ..بلمساجد ..وصلاه اتغير ..وربه لحيه ..
بس كام يكرهني ...حتة بوجهي ميباوع ..
فراس يروح ويرجع علينه ..
ويروح لاهلة خطار ..
فديوم فراس موجود ..وكلت لعمي راح اروح اسال ع امي ...
مكال شي ...
اخذت فراس ورحنه ع الوصف ...
والله سالت ..
دلوني ...
دكيت الباب ...
طلعلي ولد ...
كتله وين امك ..
انتي منو ...
.كولها ..اني وردة بنت مها ...
راح من يمنه ...
شويه وطلعت مرة ...
ضلت صافنه بوجهي ..انتي ورده ..
كتلها اي ..حضنتني وضلت تبوس بيه ...
وطببتنه ..اني وفراس ..
فراس كلي هاي امج ..كتله لا يمكن خالتي..
كعدنه ..
كالت فدوة جنج امج ...
اني خالتج ...متذكريني مو ...
هزيت براسي ..لا ...
صاحت بناتها ..
جني سلمن عليه ...
بكدي واصغر..
ورجعت ..كالت امج شكد دورت عليج ...بس انتو شلتو ...
وهاي الدنيا تلاهي ..وكلمن حاير ..بروحه ..لحد ماشفت فديوم عمتج ..وكتلها ....
كتلها ..خاله امي ..وين ..
كالت مسافرة ..هسة..بس اكدر انطيج رقمها واتصلي بيها ...
او انتظري اني اخابرها الج ..وع جيتها تشوفيها ..بقيت يمهم ..مدة ..وطلعنه ..
اني فراس ...
فراس بلطريق سالني شنو احساسج ولكيتي امج ..
كتله اصدك مداحس بشي ..
احس حساسي مات من يمها ...
رجعنه للبيت ...
طبينه ...
عمي مو ع بعضه ..وعيونه حمر ..
ذبيت غراضي ..
وكتله شبيك يابه ..
كلي ماكو شي ..شصار من امج ...
يابه شبيك ..وشو الدكان معزل صاير شي ...
فراس هم ضل يسال بي شكو ...
كال خالد ..
شبي خالد ..
كال طب عليه وداصلي ...اني ..
طب عليه كلي ...
هاي صلاتك ..ضاله ..
والي بي انت كفر وشرك بلله ...
وضل يحجي حجي ممفهوم وعافني ..وطلع ...
اني وفراس واحد يباع بوجهه الثاني ..
صح باخر فترة ...التهه بصلاه ..واتعمق ..
وطول لحيته ..
وكام يحجي علينه ..بكل شي ...
بس مو مال يكول ع ابوه مشرك ...
انتظرنه يجي ..حتى نفتهم الي بي شنو ...
ووين ديروح ويامن يلتقي ...
لليل يلة اجه ...
ونهد عليه فراس ...
بس كلامه كله ..
احنه مشركين ..وضالين ..ولازم نرجع لله ...ونتوب ..ونهتدي ..وهوة يحاول يصلح بينه ..
وحتى..فراس ...لازم يترك ..العسكريه ..لان الدوله كافرة ..وهوة يشتغل وياهم ...
اما يتوب ..اما..يواحهه ..مصيرة ..وجزاءة ..الذبح ..
واعلن براءته منه ..اني وابو ..وابن عمه وكل اهله ..
هل حجي عمي نايم ميدري بي ..
اني وفراس ..بس فاكين حلكنه ونباع ع كلامه .....
وللحكايه بقيه .
