مرت الايام واخذت قرار ويا لا اله دخل بيه ولا شي ..
اني بديرة وهوة بديرة ..بس بنفس البيت ..
عرفت هوة يحبها لسميرة ...
واني الي بحياته نزوة ...
ميفيد ويا لا كلام ولا شي ..
وانكطعت عن ..سميرة ...
وعنه هم ..
اصعب شي عليه اتقبل انسان حيوان مثلة ..
هوة وسميرة دخلوني بلعبة قذرة ..ونجبرت ابقه بيها ...
وماكدر..انسه ..
بهلايام ..بدت امريكا تقصف .بينه جان .البيت ينهز هز ...من القصف
ماعدنه غير مكان غير جوة الدرج ..نكعد...من ادك الغارة ..لحد ماتخلث...
هوايه عالم طلعت ..بقينه احنه وكم بيت ..حتى سميرة الكشرة ولت مدري وين ...وبقينه احنه عمي مقبل يطلع من بيته ..حمواتي كلهن طلعن واحنه علمودة بقينه .علمود عمي ...
حتى المنطقه صفت ..وفرغت ...ضلينه بروحنه ..والقصف دك علينه ...
ونضربت الكهرباء ...بقينه بضلمه ..
تبهذلنه تبهذل ..
تالي...قصف..صار قريب ضربو دائرة مال اتصالات يمنه ابيوتنه نشالت ونركعت . ....اني من خوفي ..ضليت ..3ايام صخونه...حتى ماكدر اكوم واتحرك ....
خالد ..توسل...بابو..نطلع..
شعدنه..بلبيت..ماعدنه..شي..
عمي.قبل.نطلع...
جنت..مريضه..
كوة لميت غراضنه وطلعنه لبعقوبه ...لبيت عمهم ..كاظم..
بس من طلعنه ...شفت اشياء ..وكأنما فلم..اجنبي..
كلام هوايه ..مايختصر ....
جان الطريق ازدحام وكأنما يوم الحشر ...
ناس رايحه وناس راجعه ..والعالم ذبت سياراتها وكامت تمشي ...
علما وصلنه لبيت عمهم ..شفنه الموت...
طبينه الهم وسلمنه عليهم ...
تعبانه حتى ماشفت وجوهم ...زين ..
ردت بس احط راسي ..وانام ...هناك وتلعب نفسي ..اريد اذب من راسي ...الكل التهو بلححي والسوالف ..اني كعدت ..ع تخم بلهول ..بس دايخه ...
شفت فراس ...
سلم عليه ...
كتله فراس فدوة احس روحي راح اوكع ....
يمعودة شبيج ...
كام ركض ..جاب الي ..شربت شربته ...
واذكر خلولي خيار وملح ...
هناك ..وستعدلت ..
اول مرة يصير بيه ..هيج بس اني من اخاف لو انقهر..
راسا تلزمني الدوخه ...
فترة ورجعت مابيه شي ..وسلمت عليهم وسولفت ..العالم مقصرو ..رئسا سوو اكل ...واكلنه ...
حتى المرض راح ..صح اكو قصف يمهم بس مو مثل بغداد ..
نسمع بس مو قوي ...
بقينه...ايام اني تونست وياهم جانو عائله جبيرة ...
اربع ولد وبنيه وحدة ..وصغيرة ..جانت
وامهم ..كلش حبابه ...درة ...وابوهم هم بعد افقر من عمي..بس اصغر منه بلعمر ..واثنين من ولدهم مزوجين..وزوجاتهم وجهالم بلبيت ..عائلة حلوة ..
بيتهم جان جبير .وبناءة حديث ...
وغرف هوايه بي ...
خلو غرفه الي ولخالد ...
عمي ماقبل ..ينام يمنه
جان ينام بلهول ....
اني وخالد ..علاقتنه عادية ..كلش..
الي يريدة اكل شرب ..هدوم اسوي ..
اما غير شي ...ماكو ...
صح مرات يحجي عليه ..
بس من اذكرهه بلي سواه ..
يسكت ...
جنه يوميه بليل منام ..للفجر نكعد ..نسولف اني وخالد وفراس ...
هنا حسيت ..اكو شي بداخلي لفراس ..
حتى مجنت اكدر اخفي...
وحتى هوة احسه ...
مثلا..اذا وحدنه اشوفه يباع عليه ...ويضل يسولف ويايه ..
او اذا نسولف فلكلام ..بس الي يكون ..
هناك ويحس ع نفسة ...
ويرجع وي خالد...
بس صعبة لا اكدر احجي ولا اكدر ..اصارحه بشي..
جنت اتمنى ...فراس زوجي بدل خالد ...
حتى ايام مرت اتخيل ..خالد ..فراس ...
بهلايام اني وخالد انام بلكاع ...
مرات يحضني ...ومرات يبوس بيه ..
بس ماتقبلته ابد ...
وجنت دائما ..اصدة ...
الكل تسأل ليش مصار عدنه طفل ..
دائما جوابنه ..الله كريم بيد الله ...
ماكدرت اطلع فراس من بالي ابد ..
جان اذا يطلع..اضل انتظرهه ..
ومن يرجع بس اريد اشوف فرصه حتى اسولف ويا ...
يمكن جنت اخاف عليه اكثر من خالد ..
فديوم ...
خالد تعارك ويايه ..هيج يدور حجج عليه ..
جانت ىدنيا ..لليل ..يعني ..الكل تكتر بغرفته ..وكعد ..
ضل يحجي ..
اني سديت.. الباب
ومددت يمه ..
كتله شنو الي تريدة انت ...
كلبت الدنيا ...علمود ..علمود شي تافهه ..
لو اشتاقيت لسميرة ..وجاي طلع حركتك بيه ..
من كتله هيج سكت ...
خبلتني ع شنو ..قابل اني ام البيت ..وبكيفي..اسكت بجهالهم ...شبيك خالد تخبلت . ساعه ميعجبك الاكل ..وساعه هوسه ..وهسة الفراش ممرتاح بي ..اني شعليه ...
كول اريد سميرة وفضها ...
اي اريدها ..تسوة راسج ..
اشكرك ..
بس راسي اشرف من عشيرتها ..
منو يكول ...
شنو منو يكول ..
منو يكول انتي بنيه ..
اصلا اشك بيج ماكو مرة تصبر هلكد ..
اسكت رجاءا ..اذا عدك كلام بي خير كوله ماعدك اسكت ...
لا ماسكت لازم نبلش حياة جديدة ....
مابلش وياك اي شي ..تريد عوفني وطلكني ...
لا مو بكيفج والله هلمرة ...
والي تريدة شنو
اريدج الي ..
خالد ..
عوفني ..ونام ..
لا افضحك ..
دكافي لازمته عليه لزمه افضحك وافضحك ..
الفضيحه الج ..هاي مرت عمج ..ومنو يكول احد يصدك ..بيج ..
لابربك ..والفلم الي سويته انت وياها ..وخليتوني ضحيه ..بي..كله اروح اكوله لابوك ..والله ..
كلي ..
صبرت هوايه عليج ..
هسة لو تحركين روحج ..ماعاد يهمني ...
اليوم ..انتي الي ...
ماكو ..ومتحصل شي مني والله افضحك ..الف دلليل عندي
كمت من يمه ...
جريت فراشي..وطلعت ..
كتله حنام يم عمي ...
طبج مرض....
سديت الباب ونزلت ..ع كيف ياربي ..وين انام ..
وسيكولون عليه العالم ...
شعدها نايمه جوة ..
ضليت واكفه ..
كلت خلي ارجع اني داخل نفسي متاكدة ميجبرني ع شي ..يخاف ..لا افضحها ..
رجعت فتحت ..الباب ..متفتح ..
صحت خالد خالد ..افتح الباب..
ولي منا ..
عزة قفلها وين اروح ووين انام ..
وين اروح ياربي ...
حسيت انفتحت وحدة من البوب وصوت رجل تمشي..
ذبيت الفراش من ايدي ..
عود دامشي اروح للحمام ...
صار فراس بوجهي ...
ها ورده ..شبيج ..
مابيه ..
شطلعج بهلليل ..
فراس ..تعبت اني ..
تعاي ويايه بلغرفه شبيج ...
لا اخاف ..
لا تخافين ..
يمعود لا يطلع خال ..
دمشي ...
لزم ايدي وجرني ..
غرفته قريبه ع غرفتنا ..
طبيت ..
سد الباب ..
كتله لا اسدها افتح الباب ..
لا خليها مسدودة ..حتى لا صوتنه ينسمع ...
كعدت ع جربايته ..
وكعد بعيد عني ..ع كرسي ..
احجي ..
خالد ..
شبي..
يمعودة هذا ساقط ويضل طول عمرهه هيج ميفيد وياا يحب هاي الادبسز سميرة ..خش بخطيتج ..ميخاف الله
اي شسوي اني هسة يريدني ..
شيريد ..
اني احس جسمي صار نار ماعرف شكول اله ...
شيريد ..
يزوجني غير ..
ليش بعدكم ..
اي والله ..ماكدر ..ابد اكرهه.تعرف شنو اكرهه ..ماكدر ماكدر..
ورده..اني احسدهه ميستاهل شعرة من شعر..راسج والله ..
اني كمت ابجي ...
ورده لا تبجين .ابد خلي يولي ..يروح فدوة لدمعتج والله ...
هذا غبي ميقدر نعمه الي يمه ..
كام من مكانه كعد بصفي ..
ورده رفعي راسج
..
رفعت راسي ...
مسح ادموعي بيدة ..اني يمج واني سندج ..لا تخافين ..
اني ذبيت راسي ع صدرهه وكمت ابجي ...حسيت هذا صدر امي الي ماشبعت منه ..حسيت بحنان ابوية الي ماشفته ..
رفع راسي ..
مو كلت ماريد بجي ...
اني اباع ع عيونه ...
تقرب مني ..
وخله شفافه ع شفافي ..وباسني ...
ماقاومتة ابد ..بقيت بين ايده ..
رحت وياا بعالم ماعرفه ..ولا طابه بي قبل .....
وللحكايه بقيه
.......
