Unwanted Pleasure(MontelloSeries#2)[COMPLETED]

Chapter 2

Chapter 2:

MABIGAT na bagay ang nakapatong sa tiyan ko nang magising ako. Iminulat ko ang aking mga mata.

Isang puting kwarto ang nabungaran ko. Ang mga gamit at muwebles ay itim. Mapaghahalataang mayaman ang nakatira.

Pero teka, nasaan nga ba ako? Ang tanging naaalala ko lang kagabi ay nasa bar ako. Nahilo na nga ako sa alak at--- Fuck! I lost my virginity. I freakin' lost my virginity to a man that I don't even know!

Sinubukan kong gumalaw. Sakit ng sentro ko at buong katawan ang agad kong naramdaman. Sinulyapan ko ang lalaking nasa tabi ko. Nakadantay ang braso niya sa tiyan ko at mahimbing pa siyang natutulog.

Ang lubos na ipinagtataka ko ay may saplot na kaming dalawa at hindi ito ang kwartong pinaggawan namin ng milagro. Naaalala kong malawak na kwarto lang iyon na naglalaman lang ng malaking kama at salamin. Pero ang silid na ito ay parang komportableng kwarto ng isang binata.

Sinubukan kong tumayo pero lalong sumasakit ang buo kong katawan. Tinanggal ko ang braso niyang nakadantay sa tiyan ko. Tumayo ako at maingat na naglakad.

Ito ang mga ginagawa ng mga babae sa mga nababasa kong libro pagkatapos may mangyari sa kanila. Akala ko katangahan lang 'yon pero eto ako, ginagawa ko rin.

Magagaan ang bawat hakbang ko para hindi ako makalikha ng ano mang tunog na magpapagising sa kanya.

Tinungo ko ang pinto at dahan-dahang binuksan iyon. Paglabas ko, isang mahabang pasilyo ang nakita ko. Naglakad ako doon hanggang sa matanaw ko ang isang mahabang hagdan. Naglakad ako pababa.

Mga lalaking nakaitim ang naabutan kong nagbabantay. Apat sila at may namataan ako sa taas na dalawa pa. Halos kasing laki nila ang mga bouncer sa bar. May mga wireless mouth piece silang nakakabit sa mga tenga nila.

"Bumababa ng hagdan si Lady." Narinig kong sabi ng isang lalaki na nakabantay malapit sa hagdan. Kahit naka-sunglasses siya, alam kong nakatuon sakin ang mga mata niya.

Lady? Is that me? I'm Autumn and not Lady! Kumunot ang noo ko dahil sa narinig.

Nang makababa ako, akala ko kukunin o dadamputin nila ako. Akala ko pipigilan nila ako. Pero, hindi. Hinayaan lang nila akong maglakad.

Natanaw ko agad ang malaking pintuan kaya patakbo kong tinungo iyon. Gusto ko na talagang makauwi.

Itinaas ko ang kamay ko at handa ng hawakan ang pintuan para mabuksan.

"Lady, don't open the door. Please?"

Hindi ko siya pinansin. Tinulak ko ito. Kakadikit pa lamang ng palad ko sa pintuan ay umalingawngaw na ang maingay na tunog na maririnig sa buong kabahayan. Napatingin ako sa paligid. Anong nangyari?

Mabibigat at mabibilis na yabag ang narinig kong nanggagaling sa hagdan kaya nilingon ko iyon. It's the guy that I lost my virginity for. Pupungas-pungas pa siyang nakatingin sa akin.

"What happened?" Wala sa sarili niya pang tanong.

"Young man, Lady touched the door. I'm sorry. Hindi namin siya napagsabihan." Sagot ng bantay na nasa tabi ko. Siya ang bantay sa pintuan.

Anong hindi napagsabihan? Pinagsabihan niya ako! Hindi lang ako nakinig!

I eyes the guy that they called "young man." Boss ang tawag sa kanya kagabi tapos ngayon, young man naman? Anong next? Prinsipe, kamahalan, o mahal na hari?