Tagalog Spoken Word Poetry
"ITAMA ANG HINDI TAMA"
Noong bata ako, madalas akong mangialam sa kusina
Nais kong matuto't tumulong sa pagluluto
"MALI KA"
Tinulak ko ang umaaway sa kaibigan ko
Natumba siya't nagsumbong
"MALI KA"
Umuwi ako ng bahay ng maaga dahil ayaw kong mapagalitan
Nakaligtaan ko ng saglit ang sinaing, nasunog
"MALI KA"
Inutusan ako ni ina na magipon ng tubig
Binuksan ang gripo
Nakatulog ako, umapaw ang tubig
"MALI KA"
May pagsusulit kinabuksan
Naglaro sa labas ng patintero
Napagod, di nakapag aral
"MALI KA"
Humingi ng pampalakas ng loob na mga salita
"Wala kong pake sa iyo" iyan ang natanggap
"MALI KA"
Nagbigay ng regalo
Maluwag sa puso
Walang natanggap na "salamat sayo"
"MALI KA"
Namamalimos ng pag-ibig
O kahit Isang yakap lang na mahigpit
"MALI KA"
Hanggang kailan ako magiging mali
Hanggang kailan ako hindi magiging tama
Hanggang kailan ako maghahanap ng pagmamahal
Tao lang
Nagkakamali
Di sinasadya
Wag mong husgahan
Pagmamahal ang kailangan
Hindi materyal
Ibigay ang hiling
Huwag naman sanang pagkaitan
Ma, Pa, Itama na natin ang hindi tama.
-LIGAYA 🌻
BINABASA MO ANG
Spoken Poetry
PoésieIpagpatuloy nyo po ang pagbabasa baka na sa huli ang inyong hugot sa buhay.. Pasensya na po may hugot din hahahah.. Pero sana magustuhan nyo ito po ay kinuha ko sa mga kaibigan kong nagmessage sa akin... My FB name is Jed Victoria Valcora/Jed Valcor...
