Dito sa bubungan ng bahay nating pinapangarap
Kung saan ang pagsagip sa aking buhay ay di masagap
Nilulunod ng aking luha ang baha nitong bagyo
Bagyong humahampas na tulot ng paglisan mo
Tinangay na ang lahat ng mga anak nating pinaplano
Inanod na ng baha ng mapait nating pagbabago
Lahat sila'y nalunod, mula bunso hanggang panganay
Nalagutan na ng hininga sa ragasa ng iyong pagwalay
Kung nasaan ka man ngayon, alam kong ligtas ka
Binibilad ang sarili sa panahong napakaganda
Nagtatayo na siguro ng matataas na mga dingding
Na bububungan ninyo at tutulugan nang mahimbing
Pagtapos nitong bagyo, isasalba ko na lang marahil
Ang mga bahagi ng sarili ko na sinalanta mo ng hilahil
Ililibing lahat ng mga anak nating pinaplano
Hahakbang na lang siguro sa tuyot na lupa ng pagbabago.
BINABASA MO ANG
Spoken Poetry
ŞiirIpagpatuloy nyo po ang pagbabasa baka na sa huli ang inyong hugot sa buhay.. Pasensya na po may hugot din hahahah.. Pero sana magustuhan nyo ito po ay kinuha ko sa mga kaibigan kong nagmessage sa akin... My FB name is Jed Victoria Valcora/Jed Valcor...
