خانة الذكريات

زيارة ممتوقعه

#خانة_الذكريات
الفصل الثاني
#بقلم_اسراءالجميلي

امي : اي يمه هي بتهم قمر اني رايحه و شايفتها ..
ابنية مستورة ما تطلع من باب البيت الا وي امها ..
كملت قبل سنتين ادارة و اقتصاد قدمت على تعيين و منتظرة و الله كريم ..
مواليدها ١٩٨٠ ..
اييه خوش حجي ..
زين ليش ما شايفها اني ؟
يمه هي جانت كلية و انت بالمعمل تطلع بالسبعه و ترجعنه بالسته شوكت تشوفها ..
يجيها ابو الخط للبيت ..

و اذا يعجبك الموضوع اجيبلك صورته ..
لا يمه شسوي بالصورة اريد اشوفها و احچي وياها و اكلكم ..
ابوية : لعد لازم انروح نخطبه حتى تكدر تشوفها ..
زين انطوني فرصة افكر و بعدين ..
ابوية : يعني بالليل تردنه خبر ؟

ههههه لا ياب مو هيج يعني كم يوم حتى اسئل على الابنية بمعرفتي احسن الي و الها ..
و حتى الكم ..
ابوية : خوش وليدي ..
اليوم احد ردك منتظريه الخميس ..
الله كريم ..

كامت الوالدة صبتلي غده و الي هو عشة همين بالنسبة الي ..
رحت للمطبخ وراها كعدت اكل على الميز ..
مطبخنه جبير و خالين بيه ميز خشب و ٦ كراسي ..
احنه عائلة حالنه وسط بيتنه بالسيدية ..
٤٠٠م  متكونه من ابوية مهندس مدني طالع تقاعد و امي مديرة مدرسة لسة بالدوام ..

اختي الجبيرة اسيل مهندسة معمارية متزوجة و راحت للاردن عدها سارة و جود اهم اثنين بحياتي بعد امي و ابوية ..
كلش احبهم من شفتهم اجوي للدنيا امنت بالمقولة ..
الخال والد ..
احسهم ولدي ربي يحفظهم ..

اخوية عصام بالكوة اتخرج من كلية التربية الرياضية شالع قلوب الكل ..
اتزوج قبل سنة بسمة بنية حبها بالكلية ..
خوش ابنية الله يستر عليها بس لسه الله ما رزقهم بخلفه ..

طبعاً عصام واحد مشكلجي و ابو بنات و جكاير ما اعرف شلون صار سنة صابر على وحدة ..
بس اخوية الصغير و احبه ..
و اني الجبير سرمد مواليدي ١٩٧٦ ..
اشتغل بمعمل سيراميك مدير الحسابات ..

محترم نفسي كلش داومت بالكلية كلش تونست كروبات من الجنسين و خوة حلوة ..
ما شفت الابنية الي اكدر انطيها قلبي ..
مع انو هواية جان اكو بنات مؤدبات و يفرضون احترامهم ..
الولد يكولولي محظوظ ..
من يشوفون البنات يركضون وراية بس اني كلهم اعتبرهم خواتي و ربي شاهد عليه ..

حنطاوي عيوني جوزيات كبار و مكحلة ..
و الباقي متناسق وي وجهي شعري عادي ..
ضخم و عندي اجتاف و الحمدلله ماكو كرش ..
بسبب شغلي اكل بس وجبتين الريوك و من ارجع من المعمل ..
اهلي كلش يحبوني كلهم ..
لان عمري ما اذيتهم لا بطفولة و لا مراهقة و لا شباب ..
ما ادخن و لا اشرب و لا احب العلاقات و البنات ..
علاقة زمالة اخوة بالكلية او المعمل ..
فالكل و لله الحمد يحبوني ..

عدي اصدقاء كومة ..
ما احب العداوة و لا اسويها ..
ماشي بحالي ..
ارجع من المعمل اكل ارتاح و مرات اطلع وي اصدقائي ..
مرات ننجمع بـ بيت واحد منه نلعب دومنه طاولي و مكضية الايام ..
اهلي من تخرجت لسة يريدوني اتزوج و اني ارفض لحد اليوم بعد ماكو مجال ..
كلت اجرب حظي و باذن الله يصير خير ..

طلعت بالليل و ظليت اسأل على اهل قمر ابد ما جبتها بالطاري بنية و حرام عليه ..
و لا سامح الله لو بيها شئ جان الناس ما سكتت ..
بيت بله العالم ..
المهم خوش ناس مثل مكالت امي ..

الاربعاء الصبح قبل لا اروح للدوام ..
امي و ابوية يكعدون يصلون الفجر و تسويلنه ريوك امي ..
صباح الخير ياب ..
بست ايده و ضحك ..
صباح النور يا اغلى ولدي ..
رحت وكفت وره امي يم الطباخ بالمطبخ الحراري ..
صباح الخير امي العزيزة ..
بست راسها و جريت ايدها بستها ..
هلا بالمرضي ..
كعدنه دنتريك و ساكتين ..
قطعت الصمت بكلمتين ..
بابا ماما ..
اني رضيت اشوف قمر ..

امي فتحت حلكها و اللكمة بقت بيدها مدخلتها ..
ابوية شايل الجاي موصلة للميز بقوا صافنين ..
هاي شبيكم بابا ماما ..
اريد اشوف قمر ..
امي : ككلللييششش وك يوم المنه هذا ..
ابوية : اييييييه بارك الله بيك وليدي فرحتنه ..
هههههه الله يحفظكم الي ..
ديلا اني اروح و انتِ امي شوفي شلون ترتبين الموضوع ..
شوفي شوكت يروحون النسوان عليهم ..
اي حبيبي بيها الخير بالتمام يمه بالتمام ..

الصدك طلعت للمعمل و كلش فرحان لان جنت سبب سعادة اهلي ..
حسيتني داخل على سعادة و قلبي طاير ..
رجعت اول مدخلت من بابا المطبخ ..
ميز الطعام بوجهي ..
و بصفه باب المطبخ الحراري ..
هلا يمه هلا بعريسنه ..
ههههه هلا يمه ..
يلا حبيبي غسل و تعال نتغده دنروح للعالم ..

شنووو يا عالم ماما ؟
اهل قمر غير ..
شوكت كتيلهم شبالعجل و شلون انروح احنه غير نخطب يلا ؟
حبيبي رحت كتلهم قبل لا اروح للدوام لان ظهري اليوم ..
و المرة كالت ليش اتجيبون نسوان و زلم ..
تعالوا يمنه انتوا جيرانه و كل الثقة بيكم و اذا عجبوا بعضهم انتمم الموضوع بعون الله ..
حتى بعدها بس يجون الزلم و خلص ..
عاد اني كتلها اليوم بالسبعة يمكم ..

و الله خوش حجي ربي يبارك بيهم ..
بس ادري يا امي مخفتي لا اتاخر بالطريق ..
لا يمه خليتها على الله و ربي سهلك و اجيت ..
الصدك فرحت و اكلت شلون مجان و فتت غسلت عالسريع و بدلت ..
نزلت ركض ..
رحنه اني و امي و ابوية ..
بيتهم بعد عنه بيتين بجهتنه اليمين ..

و فالقصة الحب الحلال