خانة الذكريات

المسدس

#خانة_الذكريات
الفصل السابع
#بقلم_اسراءالجميلي

بقينه صافنين اني و قمر ..
هاااا سرمد تالي شلون ؟؟
شنو قصدج ؟ و اني شسويله وهيه مجلبه ..
لا تشيله بعد ..
كمت اعيط ..
حاضر حاضر حاضر .. ارتاحيتي ..
اني صافنه عليهه هذا شبيه تخبل .. عفته و رحت لجهتي من الفراش و انطيته ظهري .. و بدت دموعي تصب بلا كلام ..
اجه عليه كعد بالكاع كبالي و سند عكوسة على الجرباية ..
اني غمضت عيني مردت اشوفه ..
حبيبتي نور عيوني قلبي انتِ صدكيني ما اعرفه و لا اريد اعرفه ..
بس فضولي امدمرني اريد اعرف ليش هيج دتسوي و شلون تعرف تفاصيل حياتنه سوة ..
و اني متاكد انتِ مترباية و لا يمكن اطلعين شئ يخصنه بره ..
اني ساكته بحرف ما نطقت ..
احبج و انتِ اول فرحه بحياتي و لا يمكن اضيعه لو ابدله ..
كام جاب كلينس مسح عيوني و مبتسم ..
باسني من كصتي و اديناتي اثنينهم و بقه لازم ادييه بين اديه كم دقيقة ..
يلا قلبي كافي دموع نامي و ارتاحي و الي تريديه يصير ..
رحت بجهتي حسب تجيبني و حسبه توديني و اثنينه منايمين و نعرف ابعضنه منايمين ..
اذان الفجر .. لزمت جتفه ..
يلا قلبي اذن خلي انصلي ..
فديت حبيبتي الخلتني اصلي كل الصلوات و مستمر مو اكطع بيه ..
انداريت عليه ابتسمت ..
حاضر حاضر حاضر .. حكوم ..
ههههههه شكد حقيرة انتِ ..
كمنه صلينه و بعدها رجعنه نمنه ..
اجتي قمر تقربت عليه حضنتني و غفت راساً ..
اني بقيت للصبح منايم جان يوم جمعة و عطلة ..
كلت انام الظهر ..
كعدت وخرته عن صدري على كيفي حتى متفز ..
بدلت و رحت جبت كاهي و كيمر و سويت مخلمة ..
و كعدت كل البيت ..
تركينه كلنه و بس انسولف و نضحك و كلش متونسين ..
مشه اليوم عادي ..
اخذت عبودي و قمر العصر رحنه للاعظمية نزلنه يم قاسم ابو الكص تعشينه ..
خابرة امي ..
ماما لا تسوين عشة اني راح اجيب ..
اخذتلهم وياية لفات كص و رجعنه ..
و عادي مثل كل يوم ..
صعدنه فوك ..
غسلت و لبست بجاما مال تراكسود و فانيلا ..
و اجيت على القنفه اباوع اخبار ..
قمر غسلت العبودي و بدلتله و دتنومه ..
اندكت باب غرفتنه ..
فتحته : ها عصومي خيرك ؟
عصام :مخلد صديقك بره و يكول شغلة ضرورية ..
خير يا ستار شعده بهاليالي ..
عصام : ما اعرف ؟
نزلت شفت صديقي ..
وك خيرك مخلد ظل بالي ..
مخلد : ماكو شئ حبي .. بس دبرت مسدس اليه و الك ..
هههه وك شسوي بالمسدس اني ؟
مخلد : عيون الوضع مو زين ابغداد و ديسوء مدا يتحسن واحد لازم ياخذ احتياطاته و يأمن على نفسه و اهل بيته ..
و الله وجهة نظر خلودي ..
زين و هذا ابيش ؟
مخلد : ب ٥٠٠ الف ..
يااابه .. دنطينياه خلي اشوفه ..
طبعاً اني اجندت بالجيش حالي حال اي رجل عراقي ..
فأعرف بالاسلحة و انواعه و طريقة فحصه ..
و الله فتحته فسخته ..
فتحت القفل سحبت اقسام ..
شفت المخزن بيه ٣ طلقات بقيت اسحب اقسام فرغت المسدس ..
لك هذا شنو هذا مال امريكان كلُك وين لكيته ؟
مخلد : صديقي وصيته و جابلياهم ..
هاااااا بس مبين زين ..
بس فلوسه على الراتب الجاي عادي ..
مخلد : اي طبعاً عادي انت خويي قابل غريب ..
رحم الله والديك عيون ..
مخلد : يلا اروح اني ..
سلمت على الولد و راح ..
خليته بشورتي و صعدت .. كلت ماكو داعي امي تشوفه و تعصب و تبقة تسأل بيه ..
صعدت فوك فتحت الكنتور لفيته بفانيلا و دخلته بالملحق مال الكنتور ..
لكيت عبود نايم و قمر لابس مال نوم احمر طويل بيه جاكه باليسار تجنن ..
و دلعه و ستن تخبل طالعة و متمكيجة و منزلة شعره ..
جماااال مو طبيعي ..
هاي شنو حبيبي ؟؟
حبيبتي هذا مسدس ..
عززززززه شنسوي بيه ؟
حياتي الظرف مو زين و هذا شئ احتياطي لحد يفوت بيتنه لا سامح الله ..
اي بس اني اخاف من الاسلحة ..
ههههه لا تخافين عود ما اخليج انتِ تضربين بيه ..
هههههههه شكراً الك ..
زين انتِ شعدج شنو هالجمال ؟
ههههه غرفتي و حرة بيه بكيفي البس ..
هااااا خوش عيني بكيفج ..
اجيت كعدت يمها شنو دتشوفين ..
امطلعه على mbc2 فلم Face off ..
اوووو وج هذا شكد قديم ..
ههههه اي بس احبه ..
دخلي اروح اشربلي جكارة و ارجعلج ..
اني متوعد اشرب الجكارة يم الشباك حتى الريحة متبقة بالغرفة علمود عبودي ..
رحت فتحت الشباك و بديت ادخن و صفنت اجتي الابنية ابالي ..
اووف ربي منين طلعتلي هاي المصيبة ..
دك تلفوني ..خرب لك هاي شنو فكرت بيه طلعتلي ..
حجت قمر ..
حبيبي تعال هاي اسيل على التلفون ..
دشيلي بين ما اكمل جكارتي ..
لا عمري معناها هي رايدتك لو رايدتني دكت على تلفوني ..
عيب اشيله ..
ديلا لحظه و جاي ..
بس شنووو قلبي لعد !!
طفيت الجكارة بالنفاظة الي على شباك ..
رجعته هيه و باكيت الجكاير على الكومدي الي بجهتي و اجيت ..
باوعت رقم خاص ..
لك هاي صدك اسولة ..
الحمدلله ربي ...
الووو لك هلا و ميت هلا بحبيبتنه الغالية ام جود ..
ههههههههههههه اهلاً بيك ..

فالقصة عزومة لا عالبال و لا عالخاطر ...