خانة الذكريات

الزواج

#خانة_الذكريات
الفصل الثاني عشر
#بقلمي_اسراءالجميلي

اليوم شنو؟
اليوم اثنين سرمد ؟
اوكي الخميس نتزوج ا ا ا ا ا ا ..
لارا سرمد .. اني لارا .. اتذكرتني ؟
جان مفروض اكون الاولى ؟
اكول اني شايفج وين بس مدا اتذكر ..
ههههه المهم اني هسة يمك مو مهم تذكرك الي ..
صح تحجين بس انتِ حتصيرين الاولى و الاخيرة ..
ضحكت بدلع و غنج بالافلام مشايفه .. اتجنن ..
اجه البوي : شتطلبون اخي ؟
اسمع صوته بعيد ..
طلبت هيه كذا و كذا ..
اكلنه و بس هيه تسولف و كلشي ما اتذكر من كلامه ..
لان الصدك شكله عاميني و طارشني و خارسني ..
هذا الي احسه ..
احسني كلي مُلكه ..
اله و بس ..
كملنه طلعنه خارج المطعم ..
دا اودعهه ..
سرمد باجر بثمانية موعدنه ب دائرة العقار الي بالمنصور ..
ليش ؟
باجر تعرف ..
و بعدها نرجع البيت اهلي تخطبني من ابوية ..
بس اني وحدي تره ما اعتقد احد من اهلي يجي وياية و اصلاً ما اكلهم لان ما اريد مشاكل ..
عادي لا تكلهم ..
بعدين يجون كلهم و يطلبون الرضا و تكول لارا كالت ..
امممممم .. اللهُ اعلم ..
حيجون وياك عمو ابو احمد و خالتي ..
هااااا خوش لعد ..
رجعت للبيت ..
أعرفني دا اسوي شئ غلط بس احسني مقيد و ما اكدر ارفضه لازم اسويه ..
بس ما اكدر احجي الاحد  ..
احس الساني معكود ..
اول ما وصلت شفت امي طبعاً موضوع انو اباوع على احد بالبيت صار مستحيل ..
اخاف منهم و الله ..
السلام عليكم شلونج يووم ؟
حجيتها و اني دا امشي و اريد اصعد الغرفتي و مدنك راسي ..
امي : سرمد سرمد ماما شبيك ؟
وكفت على الدرجة الاولى ..
درجنه صاير اكبال باب المطبخ ..
خليت ايدي اليمين على المحجر
و انداريت بجهتي اليمين على امي حتى متصير ديره كامله و أطر اباوع بعيونه ..
لا يمه ماكو شئ بس تعبان شوية ..
امي : اي امي مو كنالك لا اداوم ..
انوب داومت و انطوك ساعات اضافية ..
هسة اصعد انام و ارتاح ..
صعدت فتت للغرفة لكيت عبودي بجربايته يلعب ..
اول مشافني كام يكمز و يصيحيني ..
رحت عليه شلته ..
حبيبي عمري انت .. بس انت الحلو الباقي بحياتي ..
ربي ما يحرمني منك ..
و ابوسة من ايده و اتذكرة لارا ..
كعدت بحضني و بقيت اباوع عليه ..
لعد وين ماما حبيبي ؟
يأشر الحقير بيده
سمعت صوت المي عرفت قمر بالحمام ..
فتحت باب الحمام و اخاف اباوع عليه ..
اجتني .. و اتقربت باستني من خدي ..
احس شعر ثخين جكني بخدودي و ريحة كريهة من حلكه ..
و شفايف منتفخة عبالك حتاكلني مو تبوسني ..
هلو حبيبي شلونك اليوم اشتاقينالك ..
انداريت و بست بالهوة ..
اووووع حسيت حزوع ذبيت عبودي بفراشه و ركض للحمام ..
شبيك حبيبي اسم الله ..
اه ربي مدا اتحمل شوفتهم و لا شكلهم ..
زوعت حسيت ارتاحيت ..
طلعت من الحمام و مغمض عيوني خال بيه فتحه بسيطة بس حتى امشي ..
و هيه تمشي وراية ..
حبيبي بي و لا بيك ..
ها هية خلص قمر عوفيني انام
اتمددت على الفراش ..
جان تجي تريد تنزعني هدومي ..
و همين جكجكتني ..
و لعبت نفسي ..
الله يخليج وخري قمر اني انزع ..
نزعت هدومي و نمت بالداخليات بس ..
انطيته ظهري .. وجهي على الكنتور ..
عافتني اسمعه تبجي من بعيد بس و لا همني ..
( ربي حتخبل شبيه سرمد لا طايقلي كلمة و لا حركة .. شسويتله اني ؟ ليش ياذيني و يدري بيه ما اتحمل ) ..
اجيت انام ردت الزمه خفت يفز او يحجي شئ يقهرني ..
بقيت ابجي و ادعي ..
صارت بالسته كعد هو سويت نفسي نايمه ..
كعد على كيف يمشي ..
اخذ بنطرونه و قميصه بدل و لبس جواريب و طلع بكل هدوء عبالك نملة تمشي بالغرفة ..
طلعت خابرة صديقي كتله تره بعدني مريض اخذلي اجازة بس ما اريد احد يدري من اهلي ..
دا اسوي تحاليل ..
فأريدك تاخذلي ٣ ايام ..
تدلل حبيب ما عندك الا العافية ..
الله يعافيك في امان الله ..
و سديته ..
وصلت لدائرة العقار ..
بقيت بالباب انتظره .. اجتي بسيارة مرسيدس ٢٠٠٦ ..
اتجنن ..
بقلبي اكول .. لك ذولة شكد طاكين ..
نزلت اجتي عليه ..
هلو سرمودي ..
اتقربت عليه رفعت نفسه لان اني اطول منه ..
باستني من خدي كدام خلك الله ..
و لا همني و هيي اصلاً متهتم ..
لزمتني من ايدي اليسار يلا ندخل حبيبي ..
دخلت وراه مثل الزمال ..
خابرة بالتلفون شوية و اجه واحد قدم نفسه ..
المحامي علي كاظم ..
اهلا بيك ..
لارا : كملت كل الاوراق استاذ ..
اي ست كملته من البارحة ..
بقه بس توقيعكم و بصمتكم انتِ و الشخص الي تريدين تتنازليله ..
لارا : اوكي استاذ ..
صعدنه فوك نزلنه جوة ..
تعال وقع و ابصم سرمدتي ..
زين و مستمساكتي الاربعة ميحتاجهم ؟
هههههه لا احتاجهم و انطيتهم اله الاحد و كمل المعاملة بيهم ..
هاااا .. كأنوا عادي تاخذ مستمسكاتي و لا اهتميت ..
وقعت و بصمت ..
ورقة لخ .. و نفس الشئ ..
و هاي الورقة الاخيرة اخي ..
ايضاً سويت الي رادو ..
اتشكرنه من المحامي و طلعنه ..
صعدت بسيارته ..
لارا : مبروك حبيبي ..
لزمت ايدي اليسرة
على شنو ؟
لارا : سيارة اوبتما ٢٠٠٦ ..
اني فتحت حلكي و عيوني ..
شنوووو صدك تحجين ؟
لحظة اوكف و................

فالقصة صدمات اخرى ..