خانة الذكريات

لازم انفك السحر

#خانة_الذكريات
الفصل الواحد و العشرين
#بقلم_اسراءالجميلي

تكدرين تكرمينه بسكوتج ..
ردت اكوم من الميز ..
جرني من ايدي اليمنه كعدني ..
باوع عليه مخنزر و حجه بعصبيه ..
ام سرمد : كافي يمه شجاك ؟
من اني احجي تبقين تسمعين لحد ما اكمل ..
و بعدها وين متولين ولي ..
انداريت عليه و فتحت عيوني ..
افكس عيونج اذا تباعيلي هيج ..
رجعت اباوع على ماعوني و دموعي تنزل بيه ..
ابو سرمد : ابني تره اني سألتك مو مرتك ؟
انت مو كتلي دلوك عليه خلينه اليوم انروح ..
ما بيه شئ بيه بابا صدكني ؟
ابو سرمد : بابا احنه مدا انكول بيك شئ ..
بس المعروف عند كل العالم السحر من يسوه لازم يفكوه بعده ..
و المسحور يبتعد عن طريق الله ..
و الي عرفته انت متصلي من صارت المشكله لسه ..
كام سرمد وكف و ضرب الميز بقوة ..
اني ما بيه شئ ..
اني زين ..
المشكله بيه ..
و اشر عليه ..
هيه ممتقبلتني ..
و بعدين منو كلك ما اصلي اني اصلي ..
باوعت عليه بتعجب ..
سرمد كاعد براس الميز من يم باب المطبخ و ابوه كباله على الجهة الثانية مال الميز ..
راد ابوه يوكف امه لزمت ايده اليسره و كعدته ..
حجه عمي بكل هدوء
ابو سرمد : ابني الموضوع ميخص قمر و لا هيه حاجيه و لا مشتكيه ..
احنه امك و ابوك خايفين عليك و دنشوف كلشي و انريد نطمئن عليك ..
سكت سرمد و كعد ..
حاضر ياب الي تشوفه صح سويه ..
(( العصر رحنا اني ووالدي و مخلد و اخذت سلاحي ويايه كلت خاف يصير ويانه اي شئ .. دخلنه على السحار انتظرناه لحد ما طلعوا كل العالم من يمه .. مبقه احد يمه ..
طلع هو من غرفته ..
السحار : اخواني تره بعد المغرب ما استقبل احد و فد شوية يأذن ..
وكفنه تلاثتنه .. و اتقدمت اني عليه ..
احنه مرايدين تسوين سحر ..
السحار : اخي انت شنو تحجي ؟
سحر شنو مو عيب هذا الكلام ..
اني اربط الناس المتفاركين ..
الكه البوكات ..
اصالح رجال وي مرته و بالعكس ..
اني اسوي خير للعالم ..
ابوية : شيخنا احنه جايين نريد خيرك ..
شنو يكون عملك اريد تفكه عن ابني ..
الساحر : و منو كال اني مسويه ؟
اني اكول .. قبل شهرين او اكثر اجوك بنيتين مواصفاتهم كذا و كذا .. سويتلهم سحر الواحد متزوج حتى تتزوجه وحده منهم ..
لان جان رافضة .. و النوع الي سويته مسموع و مرشوش و مسكي و مدفون ..
السحار : هاااا اي اتذكرة و اجه وياهم ولد همين ؟
ابوية : ولد يا ولد ؟
السحار : اي ولد عمره بداية العشرينات مواصفاته كذا و كذا ..
دغني مخلد : لك هذا ديحجي عن عصام مو بالله ؟
ابوية خطية راساً كعد على الكرسي رجليه مشالته ..
شبيك ياب اسم الله عليك ؟
السحار : عيني اذا واحد بيكم ناوي يموت لا يمي طلعوه مناقص مشاكل ..
اخي شدا تحجي ليش تفاول على ابوية ..
سوي شغلك و خلص ..
ابوية : بس سؤال اخوية رحم الوالديك ؟
الساحر باوع على ابوية و كأنو معاجبه : تفضل عمي ..
اشو سرمد بس تزوج و كعد ..
راسا فكه السحر .. و بنفس الوكت احسه بعده بيه ..
السحار : هاااا خوش سؤال ..
عمي العمل المسكي جان  حتى يتزوجه و بس يعني مؤقت ..
اما الباقيات الى اجل غير مسمى ..
و اني افتحه ..
بس لازم تنطوني فلوس ..
ليش عيني ؟
السحار : ابني مو اليه للمواد الحشتريهم و اروح اطلع المدفون هم يرادلي روحه جي مصرف ..
دا احجي سكتني ابوية بيده ..
ابوية : شكد تأمر شيخنا ؟
٥٠٠ الف كافي ..
صدك جذب كل عقلك تحجي ؟
ابوية : اي شيخنا هاك ..
انطيناه الفلوس كال بعد اسبوع تعالو اخذو الدعا و عملكم مفكوك باذن الله ))
رجعنه للبيت ..
صعدت فوك راساً ..
ها رحتوا ؟
اي رحنه مدام و تونسنه و حينفك العمل و اريد اشوف شنو حجتج بعد و ما تتقربين عليه ..
صار الج شهر عبالك عايش وي اختي ..
سرمد العيشة مو هيج ..
غير نفسك حتى اكدر اتقبلك ..
انتِ شنو تحجين شبيج قمر ؟
ليش تغيرتي عليه ..
انت متغير سرمد .. انت مو سرمد ..
صفكت بثنين اديه ..
فعلاً صح تحجين اني كاظم ..
هههههه و الله يا الله ..
اروح اطلع وي اصدقائي احسن ..
براحتك وين تريد روح ..
طلعت وي مخلد و مرتضى و ولد اصدقائنه بالمنطقة عادل و مختار ..
كالو اليوم عدنه مكان يخبل ..
ودوني الشقه بمكان ما ..
كلها بنات و مرة جبيرة مسؤولة عليهم يصيحولة عمه ..
البنات مشخلعات و يتماوعن و يضحكون بسبب و بدونه ..
مغطيين شئ قليل من جسمهم ..
و العلج بحلكهم و اكو منهن الكلاص بيده ..
المره : هلا هلا بالعزاز .. لعد هذا منو الجديد ..
عادل : عمه هذا واحد مسحور اريد بناتج يفكوه عنه ..
المره : هههههه ايا مضروب الجلوة يا عادل ..
تدلل انت وياه ..
لك مخلد هاي وين جايبيني ؟
اني ما اسوي حرام ..
مرتضى : ههههه لك لا تسوي شئ بس اتفرج و تونس ..
كعدو كلهم عالمين مسجل و كل شوية وحدة بيهن تكوم ..
اجوي ٣ عليه وحدة على يمنتي و اللخ على يسرتي و اللخ جوة رجليه كاعدة ..
ام اليمنه خلتني براسه ..
خلت ايده اليسرة على راسي من ورة تلعب بشعري ..
شلونك سوسو ؟
وخرت ايده بقوة ..
اسمي سرمد افتهمتي ..
اوي قابل شكلنه ..

فالقصة صدمة الكل بيتهم ..