خانة الذكريات

الابنية الجديدة

#خانة_الذكريات
الفصل الثاني و العشرين
#قصص_اسراءالجميلي

مكلتي و لا اريد تكولين ..
و لا اريد اسمع صوتج لارا ..
الابنية : هههههه الظاهر المعذبتك المعذبتك لارا ..
اتموعت اكثر و تقربت على اذاني ..
اني سارة و بدوني ماكو ..........
التفتت عليه بسرعة متفاجاء من جملته ..
جان تبوسني راساً ..
وخرت منه و كمت ..
يلا مخلد خلي نروح ..
مخلد : لك وين انروح هستونه كعدنه ..
يابه هاي ادبسزز كاعدة بصفي ..
مخلد : سارة وخري من يمه يمعودة ..
سارة : اوي امؤخرة .. بس اذا مصارت الي اني معتبه ..
عشتوو رضينه بالبين و البين ما رضى بينه ..
كامت من يمي ..
و بدو يشربون ..
يعزومني على الشرب و اني ارفض ..
عقلي يكلي دشرب قابل يومية ..
و قلبي يكلي هاي شبيك سرمد .. هذا حرام ..
بقيت على هذا الحال ..
اسبوع كامل .. يومية اروح وياهم بس لا اشرب و لا بنات ..
و هاي سارة طول ما اني كاعد هيه تباوعلي ..
و تتقرب للولد و تكرص بيهم و تحضن و تشربهم بكاسه ..
بس من واحد يجره للغرفه ترفض ..
ثاني يوم رحنه للسحار ..
انطانة دعا البسه و مي اغسل بيه و نذبه بالبيت ..
سويت هيج مثل ما كال ..
حسيتني مرتاح و تفائلت خير ..
رجعت للبيت ..
صعدت فوك ..
لكيت قمر قاعدة على القنفة الكبال التلفزيون ..
مصعدة رجله و مرتجيه على اليدة ..
لابسه لبس نوم خرافي قصير جلد النمر ..
و صابغة شعره ..
بدون وعي حجيت ..
يا جمالو يا جمالو لك هاي شنو قمورة ..
معرفتج ..
نزلت رجله و ظلت كاعدة و تضحك ..
شعجب شعتب ..
ههههه قررت ارجع قمر التحب سرمد و متتغير عليه ابد ..
حتى لو هو صار كاظم ..
هههههههههه و الله ضحكتيني ..
بديت اتقرب عليه شوية شوية ..
و اخذته و جريته خليت اديه اليسره على جتفه ..
مشيت لفراشنه ..
كعدنه كبال جرباية عبودي ..
انداريت عليه و خليت راسه بين اديه و بسته منه ..
تدرين انتِ وردة حياتي و فرحتي ..
ادري بروحي غلطان وياج ..
يمكن السحر مو سبب ..
احتمال ضعفت .. احتمال ادوخنت ..
بس بالاول و الاخير احبج موت و الله ..
و اني كلش احبك حبيبي ..
حضنته ...............
(( كام سرمد من عندي و عاط ..
ما اكدر .. ما اكدر ..
شبيك سرمد دخيلك ليش تعيط ..
مدا اكدر اكون وياج مثل قبل ..
مشيت على ركبي بالجرباية وصلت اله حضنته من ظهره ..
هدي نفسك سرمد ..
اني اريدك الك كأنسان يحبني و يريدني و يحب ابنه ..
رجل شريف .. مو ذكر ..
و بسيطة قلبي هاي تأثير كل الي صار بينه و التعب و الارهاق و الاحلام التعبانه ..
و تره اليوم يلا فك السحر ..
اتحمل ..
سرمد اني احبك بكل احوالك ..
ابد لا تنسه هذا الشئ ..
الفترة الفاتت انقهرت من فعلك مو منك ..
استهجنت فعلك مو قلبك و عقلك ..
كافي قمر كافي الله يخليج ..
عوفيني خلي انام بلكي ارتاح ..
اتمددت انداريت على الكنتور مردته تشوفني ..
اه ربي شنو ديصير بيه ..
هاي حلالي .. احفظني يا رب ..
صحيت ثاني يوم غسلت بالمي مال فك السحر و لبست الدعه ..
مع اني اعرف ..
كلام رسول الله صل الله عليهِ و سلم ( من تعلق في تميمه عُلق بها يوم القيامة )
بس اريد يخلص مني هذا المرض ..
تعبت و تعبت الحواليه ..
حسيت اسبوع زين و رجعت اصلي ..
بس اذا تفوتني صلاة ما اصليهه قضه ..
قمر وردة وياية ..
عفت الولد مكمت اروح ..
يومية يخابرني واحد منهم يمعود ليش متجي ..
ظلو يلحون و اني ارفض ..
الى ان فد يوم الكل نايمين ..
و اني بعدني كاعد اتكلب بفراشي ..
دك تلفوني ..
قمر مباشرةً فتحت عيونه ..
خير يا ستار ؟
منو حبيبي ؟
ما اعرف ..
شفت التلفون بس رقم ..
مشلته عفته .. صار عدي رعب من الارقام الغريبة ..
رجع دك مرة ثانية ..
سرمد لو تشيله لو تخلي صامت اخاف يكعد عبودي ..
صمته و مكدرت انام للتالي ..
بقه هذا الاتصال بعد الثنتين بالليل لمدة اسبوع ..
اني اسوي التلفون صامت ..
دنتريك السبت الصبح ..
حبيبي هذا الرقم بعده يدك عليك ؟
يا رقم ؟
سويت نفسي ما اعرف حتى لا ادخل بنقاشات عقيمه وياه ..
هااا لا هيج اني دا اخربط بالحجي ..
اخر يوم بالاسبوع بزعت روحي و كتلني الفضول ..
شلته ..
الووو
هلووو سرمد شلونك ؟
منو حضرتج ؟
يا حيف عليك شبسرعة نسيتني !!!

فالقصة بداية لنهاية ..