خانة الذكريات

صدمات متتالية

#خانة_الذكريات
الفصل الحادي عشر
#قصص_اسراءالجميلي

دخله عصام اخاف اندار اباوع عليه ..
عصام : هذا بابا حبيبك جبناك اله ..
جابه كعده بحضني و الله فتحت عيني بالكوة عليه ..
اخاف اشوفه حيوان و تلعب نفسي منه ..
و الله شفت شعره نفسه الاشكر ..
رفع راسه عليه و ايده اليسار ..
يلعب بلحيتي اول مرة هالطولهة تصير ..
باباباباباه .. الوووو ..
هههه حبيبي انته ..
حضنته بكل قوتي ..
الحمدلله يا رب عبودي بقه كما هوه ..
احمدك و اشكرك الهي ..
المهم مر اليوم ..
امي سوت تشريب لحم .. و جابته اليه ..
امي : اكل يمه صارالك يومين على لحم بطنك ..
اي ماما راح اكل ..
انوب من اشوفهم تلعب نفسي مكدرت اكل بس كم لكمة و بطلت ..
اجتي امي تشاورني ..
امي : يمه هاي شبيك وي قمر ؟
 تره ما مجانت تنام ابد ..
موتت نفسه كلما ادخل عليكم لو تسوي كمدات لو خالة ايده عليك تقره ادعية لو تصلي و ترفع ايده تدعيلك ..
اي يمه اكيد طبعاً الله يحفظه ..
بس اني شوية تعبان امي ..
كم يوم انام و ارتاح و اكيد ارجع احسن من قبل وياها
امي : اي يمه بارك الله بيك ..
رادت قمر نصعد فوك انام رفضت ..
اني مرتاح اهنا ..
لعد حفرش يمك مثل اليومين الي فاتت ..
لا خطية عبودي يتغير عليه المكان ..
عادي هو اصلاً اتغير عليه المكان من جان يم اهلي ..
انداريت على القنفة ..
( يا ربي شبيه زوجي ليش مدا يباوع عليه .. ليش مدا يحس بيه و بحالي .. ليش عبالك ممعتبرني .. مدا اكدر استوعب الي بيه .. زين اني و اكول يجوز مضوجاه باي شئ .. اهله ليش ميباوعلهم غريبة يا ربي )
و نمت كعدت الصبح بالسته ..
اندار اشوف قرد نايم بصفي بشعره بحلكه الجبير بسنونه الظاهره ..
انداريت راساً .. اعوذ بالله من الشيطان الرجيم ..
قررت اروح للدوام بعد ما اتحمل ابقه بالبيت ..
و اسئل اصدقائي بلكي يدلوني على طبيب نفسي زين ؟
المهم رحت للدوام و نفس الشئ اسمع صوت كل الناس بعيد ..
حجيتلهم علساس واحد صاحبي عنده تهيئات ..
عاد وحدة ويانه اخوه بيه انفصام دلتني على الدكتور اكرم المهداوي بالمنصور ..
بس كالت لازم يطلع من السته الصبح يلا يحصل سره ..
و انطتني رقمه خطية مقصرت الابنية ..
قررت اروح باجر ..
لان بعد مدا اتحمل احد بالبيت غير عبودي ..
صارت الساعة بالخمسه دنطلع ..
هستوني دا اصعد بسيارات المعمل ..
دك تلفوني ..
اكيد قمر دا توصيني على شئ ..
شلته بدون ما اباوع على الرقم ..
الوو ..
السلام عليكم شلونك ؟
نفس الابنية الي جانت تتصل بيه ..
بصوت رزن محترم هالمرة ..
اني جاوبته بدون اي مقدمات و كاني اعرفه عمر ..
الحمدلله انتِ شلونج ؟
زينه ماشي حالي ..
شلون صرت بعدك مريض لو طبت ؟
و كانو شئ عادي تعرف عني كلشي ..
فجاوبته ببساطة اني ..
الحمدلله احسن بكومة ..
خوش ..
معناها تكدر تجيني هسة مو ؟
وين اجيج ؟
عازمتك بمطعم الصمد ..
حاضر بس ارجع للبيت اكلهم و اجيج ..
خوب خابرهم ..
مو ما عندي رصيد ..
هسة احوللك رصيد ..
هااا شكراً الج ..
احسني مو اني الي دا احجي ..
و بنفس الوكت احس لازم اجاوب هيج ..
زين لعد انتظرك بالسبعة بالمطعم ..
اوكي حاضر بكيفج ..
سالت ابو الخط عنده توصيله للمنصور ..
كال اي مهندسة عدنه ..
كلت حتى ينزلني وياه ..
اشوية و اجتني رسالة بيه رقم رصيد ..
دكيته بالتلفون جان تجيني رسالة ..
( لقد قمته بتعبئت رصيد قيمته ١٠٠ الف دينار عراقي لا غير)
فتحت عيني ..
عزه بعينج شنو رصيد مال عمر ..
خابرة ابوية لان ما بيه حيل تساؤلات قمر و امي ..
ياب اني حتأخر انطوني ساعات اضافية لان مجاز البارحة ..
اي يابه الله يوفقك بس لا تضغط على روحك ..
حاضر ياب ..
سديته و كلت بقلبي الحمدلله .. عدت
المهم نزلني السايق يم تقاطع شارع ١٤ رمضان ..
مشيت اقل ١٠ دقايق باتجاه الرواد ..
وصلت للمطعم ..
فتحت الباب دخلت ..
باوعت شفت بنية كاعدة بنهاية المطعم على جهته اليسار ..
احس عبالك رجلي وصلتني الهه ..
صدك باوعت جان اشوفها نفس الابنية الي شفته ابيت عمي انصدمت كلش بقلبي كلت ..
هاي شجابه اهنا .. معقولة هي ؟
بس كلت شوية شوية احجي وياها و استفسر منه عن كلشي ..
سلمت ..
السلام عليكم ..
عليكم السلام و رحمة الله و بركاته ..
كعدت كباله و اباوع ممصدك نفسي كاعدهه كبالي ..
جان راساً تكلي ..
شوكت نتزوج سرمد ؟؟؟

فالقصة قرار صعب اتخاذه ..