خانة الذكريات

اجه النونو

#خانة_الذكريات
الفصل الخامس
#بقلمي_اسراءالجميلي

امي : ما بيه شئ يمه شوية تعبانه لا يظل بالك ..
شمرت فايلات الشغل على ميز الطعام و كمت اشبخ الدرج ركض ..
فتحت باب الغرفة ..
شفت قمر ساحبه البردة نصين و متمدده على فراشنه الكبال التلفزيون ..
خيرج حبيبتي شبيج؟
اشو هاي ابتسمت ..
شبيج فدوة احجي ؟
هههه على كيفك ما بيه شئ ..
بسسس بسسس
بس شنو مو موتيني !!!
اخذت ادييّ اليسار الاقرب عليه و خلته على بطنه ..
دا انتظر اني وياك عبد من عباد الله ..
شنو ؟ مفهمت !! عيدي الجملة؟
راح اعيده بصيغة لخ ..
ديلا احجي فدوة ..
اني و انت حنصير ام و اب ..
لا بعرضج صدك تحجين قمورة ..
خليت ايدي اليمين جوة جتفه و اليسار جوة اركبه و رفعته و افتر بالغرفة ..
حصييير اب .. حصييير اب ..
ههههههه كافي حبيبي عيب حيسمعون اهلك ..
خلي يسمعون كل الدنيا ..
لا عمري مو خطية اخوك حيصير اله سنتين متزوج .. و مدا يصير عنده طفل نجرح مشاعرهم خطية ..
اي صح ..
كمت افتر و احجي بصوت ناصي ..
حصييير اب .. حصييير اب ..
و اني بس اضحك بصوت ناصي ..
حضني و رجع كعدني ..
شوفي قمر قوانين جديدة بعد متسوين شئ بالبيت و اني حجيب خدامة تساعد امي ..
حتى محد يكول قمر امقصرة ..
هههه تدري جنت اشوفه بالافلام عبالي كذب ..
طلعت صدك ..
اكيد صدك اريد احافظ على ابني غير ..
ضحكنه اثنينه و نزلنه جوة باركونه الكل ..
بس اني حسيت ب عصام وجه انكلب شكد حاول يخفي هذا الشئ ..
بس ما كدر .. كشفته اني ..
بس سكتت شعليه بيه مدام كال بوجهنه مبروك و هو همين حقه مدا يصير عدهم و همه كلشي ما بيهم ..
مرت الايام و اني كلش امدللّ من الكل حتى بسمة ..
بسمة : بلكي تجيبين توم و اخذ واحد اربي اني ..
هههه الله كريم حبيبتي كون ربي يرزقكم و ما تحتاجين جهالي ..
و نضحك سوة ..
بيوم بالليل وضع بغداد يلعب النفس ..
بشهر السابع حارة الدنيا كهرباء ماكوو ..
حسيت ابالم بظهري مو طبيعي ..
بقيت كل شوية اروح اغسل و اذب مي حار على ظهري ما اريد اكعد سرمد اكول خاف الم يروح و بعد ما يرجع ..
و اخاف همين عليهم لا يطلعون بالليل و يصير بينه شئ ..
لا والله بعد ٣ ساعات بعد ما اتحملت الالم ..
و اذن الفجر ..
حبيبي سرمد اكعد ..
و هو بنومة يفتح عين و يسد اللخ ..
هااااا شبيج حبي نامي ..
كوم حبيبي فدوة ..
اي اي هسة اصلي بس شوية انام ..
كوم حبيبي اني يمكن راح اولد هسة ..
راساً وكف على الجرباية و فتح عينه و شعره امكفش ..
شنو ؟ صدك تحجين ؟؟
و الله صار كومة متحملة و كاعدة بس هسة بعد ما اتحمل ..
لج ليش غير تكعديني ..
و نزل ركض كعد البيت كله و سندني هو و بسمة دينزلوني الدرج ..
كال اروح اجيب امج ..
لا ماكو داعي مو راح تجي خالتي هاهية تكفي و توفي و خطية انفززهم من الفجر ..
ودوني لمشفى السلام بحي الجامعة لان دكتورتي بيه اداوم ..
ولدت ابنه و حبيبنه ..
دخل حبيبي و شافني اجه عليه قبل الولد و الله ..
حمدلله على السلامة يا نور عيوني ..
الله يسلمك سرمودتي ..
شنو حنسمي الطفل ..
حنسميه عبدلله ..
شمعنه ؟
لان من بشرتيني بيه كتيله عبد من عباد الله ..
فهذا احلى اسم لاحلى عبد ..
ههههه ربي يحفظك النه ابو عبدلله ..
و الحمدلله زادت سعادتنه اكثر بولادة عبدلله و البيت كله سعيد بيه ..
حتى عصام ..
مرت سنة و سويناله ميلاد على كدنه احنه و اهلي ..
صور كومة اخذناله ..
عبودي صار يخبل ابيض و شعره كستنائي و عيونه عسلية جبيرة و ضحكته ترد الروح و تشفي المجروح و شوية امدبدب ...
راحوا اهلي نظفنه البيت اني و بسمه ..
و عبودي يتنقل من حضن الحضن
بعدها صعدنه فوك ..
كعدت بالكاع ارتاجيت على القنفه خليت عبودي على رجلي دا انومه ..
على جهتي اليسرة كاعد على القنفة سرمد و يباوع اخبار عالجزيرة ..
الساعة جانت بعد الثنعش ..
دك تلفون سرمد جان بوكته نوكيا ابو الدكم ..
باوع عليه .. بس مشاله ..
حبيبي ليش مشلت تلفونك ؟
رقم غريب .. يجوز غلطانين ..
اي صح ..
نام عبودي كمت دا اخلي بفراشة دك مرة لخ التلفون ..
اهووو هاي منو ديفيك ابهالليل ؟؟
حبيبي دشيله ...
فتح السبيكر ..
الو ..
صوته بنية ..
الووو شلونك سرمد ؟
طبعاً تتميع عبالك شاربة ميت حبه ..
اني غطيت عبودي و اجيت بصفه ..
بس شنو احس نار بمعدتي صارت ..
الكيك صار يحترك جوة بيه ..
اهلاً و سهلاً منو حضرتج ؟؟
انييييي انييييي وحدة تعرف كلشي عنك ..
عادي مكلتي شى غريب اني مضام شئ على احد ..
جه جه جه .. اني ما اقصد الي ناس تعرفه ..
اقصد اعرف وينك هسة و ويامنه و حتى اكدر اعرف شنو تسوي ؟
ليش حضرتج خالة قمر صناعي بغرفتي ..
لا ماكو داعي اخلي كافي عليك قمر واحد ..
اكلج اشو انتِ تمسلتين هواية ..
و سديته ...
و الله يا الله .. بنات انطوهم النقال و همه بالارضي فاضحينه ..
سرمود يعني معقولة متعرفه ..
صدك جذب !! هاي شبيج قمر ؟
و داعت عبودي ما اعرفه ..
هاهية حبيبي ماكو داعي تحلف ..
بعدين لو اعرفهه ليش افتح سبيكر ؟؟
اي صح ..
لزمته من ركبته و تقربت عليه دفعته على يدت القنفه ..

فالقصة بداية جديدة ..