خانة الذكريات

دكت التلفون ؟؟؟

#خانة_الذكريات
الفصل الثامن
#قصص_اسراءالجميلي

فتحت عيني راساً ..
عيطت بعلووو حسي ..
لج بابا انتِ منووو و شتريدين مني ..
خطية قمر قامت بسرعة نصت التلفزيون و ركضت على عبود خلت ايده على اذانه ..
و بقت تباوع عليه ..
بعيونهه رعب بهالسنتين الجمعتنه مشفته بيه ..
على كيف بيبي ..
احترمي نفسج اني مو طفل ..
اوكي على كيف حبيبي ..
و همين مو حبيبج ..
اوكي اوكي .. استاذ سرمد زين هيج ..
شتريدين اختي .. انوب رقم خاص ..
اي مو اني ايدي طايلة و اكدر كلشي اسوي ..
صدددك عافياااات على الكص ..
الله اكبر بابا انتِ شنو ما عندج شغل و عمل و تراقبيني ..
اني من اريد شئ لازم اوصله ..
توصلين للسما و متوصليلي سمعتي ..
هدي هدي سرمود ..
مكتلي شراد منك مخلد ؟
هاااا يعني انتِ من جهة مخلد ..
ضحكة بصياعة و قلت ادب ..
هههههههه لا يمعود الولد شعليه بعدين هو شمدري على حركاتك ابيتك و وي قمر ..
خطية لا تظلم الولد ..
الله عليج شكد تخافين من الظلم ..
ههههههه الصدك اليوم كلش تونست وياك ..
شعجب لابس بجامة تراكسود ؟
تره الدنيا حارة و احنه بالثامن ..
انتِ شيخصج ؟
و الفانيلا الحمره كلش لايكتلك ..
اكيد لبس النوم مال زوجتك بلونه ؟
كمت اعيط اتهسترت ..
لج انتِ وحدة ساق......... و بايعة و مخلصة بس مو عليه ..
بس باجر السبت الج ..
و اذا اتصلتي و حق ربي الاحد اروح ابلغ على رقمج الاسيا ..
هههه و منو كلك الرقم بأسمي ..
بس اكلك شغلة عود اتذكرني كلما تنام وي مرتك بين يوم و يوم زين ..
ههههههههههههه ..
ايا كح........ وج انتِ وحدة ممترباية و لا عدها اهل ..
انتِ وحدة بت ملاهي ..
اني احجي وهي تضحك .. ضحكته الصقيعة ..
الا اجرجر صاحب الرقم و الا اخلي يعترف عليج يا بنت الشوارع ..
سديته و فورت كمت فتحت الباب نزلت جوة طلعت بالحديقة كعدت على المرجوحة و ادخن ..
رفعت راسي فوك لكيت قمر تباوع عليه من شباك غرفتنه و لابسة حجاب الصلاة ..
بقيت اباوع عليه و ادخن و هيه بس صافنه عليه ..
يمكن بقينه نص ساعة هيج ..
خلصت نص الباكيت و اني صافن عليه ..
كمت من المرجوحة جان توخر من الشباك و سدته ..
صعدت فوك لكيته مستندة على تاج الجرباية منتجية على المخدة و مادة رجله ..
نزعت البجاما و الفانيلا ..
ذولة ذبيهم بالزبالة ما اريدهم بعد ..
سكتت مجاوبتني ..
احس جمرت مثل الفحامية ..
( قلبي يكلي صدكيه لا يمكن يخونج و يكذب عليج ..
عقلي يكلي زين لعد منين عرفت عنه كل هذا الحجي و الاشياء الخاصة بينه ..
اجه و جان يخلي راسه بحضني ..
و ساكت كلمة محجة الا ان سمعت نفسه انتظم ..
نام حبيبي مديت ايدي اتلمس شعره وجه راسه ..
معقولة حبيبي يأذيني ..
ابد ما اصدك ..
اعوذ بالله من الشيطان الرجيم ..
ظليت استغفر لحد ما نمت و اني منتجية ..
كعدت على حجي عبودي المخربط ..
اممممه ... اببببه ... نمنم .. اشان ... مييييه ..
باوعت عليه ابتسمتله .. و ظليت اضحكله .. و اغمزله بس ما اكدر اكوم لان سرمد على رجلي ..
رفع سرمد راسه .. جان نايم على بطنه .. طلع كاعد ..
لك قرودي ليش تكعدنه ..
ضحكت اني ... و عبودي ظل يمد ايدانته يريدنه نشيله ..
كام سرمد من رجلي و اندار عليهه ..
يا روحي نمتي و انتِ كاعدة ..
اني صاير بس اذية الج ..
خليت ايدي اليمين على حلكه ..
لا .. انت نعمة و هذا ظرف و نخلص منه باسرع وقت بأذن الله ..
ان شاء الله حبيبتي ..
كمت على عبودي و مشت الايام و الحمدلله ابد بعد ما اتصلت ..
لحد يوم الخميس كاعد سرمد على القنفه يكلب بالتلفزيون و اني متمددة على رجليه ...
الحمدلله همزين خلصنه من هاي الابنية الكشرة ..
الظاهر خافت من هددته حبيبي ..
تدرين حسرة بقلبي بقت اعرفه منين و منو كله هذا الكلام عنه ..
( طبعاً اني همين كلش اريد اعرفه منوو بس ما ابينله مهتمه )
يلا شعلينه .. المهم راحت و خلصنه منه ..
اعوذ بالله من هيج خلق ميخافوه ..
دك تلفونه ..
هو حاطه عل الطبلة الوسطية ..
كمت من رجله بقيت اباوع عليه .. و يباوع عليه ..
بنظرته يكلي شوفي منوو ..
و نظرتي تكله نفس الشئ ..
خلصت الرنه و سكت ..
رجع دك مرة ثانية ..
اجرات و دست على نفسي مديت ايدي عليه ..
سويت . هووووووف ...
هذا عمو ابو احمد ..
هههه خنب سوتنه رعب بت الك.........
اني همين ضحكت ..
هلا بعمي شلونكم ؟؟
اي عموو شكو بيه جايين باجر ..
يوم تخرجه و عرسه و بوجودكم ..
اي صحيح شوية تعبانه امي سكره متعبه ..
تدلل الله كريم سلمنه على الكل ..
( وج قلبي وكع .. كلت بقلبي اهووو رجعت المشاكل و المصايب )
ههههه و الله اني همين .. يلا الحمدلله ..
خير حبيبي شبيه عمو ابو احمد ؟
حياتي باجر حيطهرون ابن احمد ..
و مسوين غده و عزمونه ..
مخابرين على اهلي .. بابا حيروح بس اني كالتلهم تعبانه ..
اني همين ما اروح حبيبي من تطلع وديني يم اهلي و من ترجع اخذني ..
ليش حبيبتي دتعاي نغير جو ..
لا عمري ما الي واهس اجامل احد ..
اوكي قلبي براحتج ..
رحنه ثاني يوم اني و ابوية ..
دخلنه عمي للصالة ..

فالقصة مفاجاءة غريبة ..