خانة الذكريات

الخيانه من اقرب الناس

#خانة_الذكريات
الفصل السابع عشر
#بقلمي_اسراءالجميلي

لارا : ساعدني ابن امك و ابوك ..
اخوك عصام ..
ضربتهه راجدي بيمنتي ..
شنوووو لج كلبة تتبلين على اخوية ..
لارا : و الله عصام ساعدني و حتى اجه ويايه للسحار ..
لزمنت حنجها و دفعته بكل قوتي ..
لجججججج كافي حرام عليج ..
لارا : و داعت اهلي اخوك لعد شلون اعرف اسرارك ..
شلون عرفت من تلبس لون فانيلا زوجتك لبس النوم يكون مثله ..
لااااااااااااا كاااااااافي ..
لارا : شلون عرفت انت و زوجتك مسوين جدول بين يوم و يوم تنامون و هو يعرف من صوت الحمام بالليل ..
شلون عرفت على ابنك و تصرفك وياه ..
شلون من اجاك مخلد عرفت ..
رجعت كعدت على الكرسي الكباله و خليت راسي بين اديه ..
حسيتني ضايع مدا اعرف افكر ..
لارا : كتالك من اهل بيتك و للعلم انطيته فلوس ..
و اشتره محل يم سيد الحليب و خليته يتعاقد وي شركة ملابس سورية لمدة ١٠ سنين يوردولة على التصريف ..
لججججج كاااااافي ماا اريد اسمع ..
لارا : ههههههه متريد تسمع بس تريد تاذيني مو ؟
رفعت راسي عليه و جعصت بكل ايد وحدة من اديناته على الكرسي ..
لارا : آآآآآآآه عوفني مخبل ..
اسكتي لعد خليني افكر ..
سكتت هيي و اني بقيت صافن ما اكدر افكر شنو اسوي ..
بعد يمكن ربع ساعة ..
لج عرمة وين اكو ملابس نلبسه ..
لارا : بالكنتور ملابس كله بالجياس جديدة ..
يا الفكري ..
جان ادفعه برجلي وكع الكرسي و هيي عليه ..
جريت باب الكنتور ..
اخذت تشيرت و جينز اليه لبستهم و اني منطيه ظهري ..
نزلت جوة ..
سناااااء سناااء ..
الخدامة : نعم استاذ ..
تندلين بيت اهل لارا ..
الخدامة : اي استاذ طبعاً امي تشتغل عدهم ..
روحي بسرعة عليهم ..
كوليلهم لو تلحكون عليه لو متلحكون خلي يجون بسرعة ..
الخدامة : ليش استاذ شبيه المدام ..
لزمته من جتفه و دفع على الباب ..
لللللج بدون كلام زايد روحي سوي الكتلج عليه ..
رجعت للمطبخ ادور بالمجرات لكيت لاصق عريض ..
صعدت فوك ..
فتت للغرفة لكيته منزله راسه و تبجي ..
جريت الجهة الثانية مال الكنتور جريتله تشيرت و بنطرون ..
فتحت اديه و رجليه ..
و جريته قوي ..
كومي لج البسي بسرعة ..
اريد داخليات ..
داااااانجبي يا داخليات شريفة روما ..
البسيييي بسرعة ..
لبست و نزلته جر من ايده ..
لارا : على كيف راح اوكع ..
لج بعدج شفتي شئ انتظري بعد ..
اذا ما اندمج ..
كعدته على كرسي يم باب المطبخ ..
جبت اللاصق و لفيته نفس اللفة الفوك ..
لارا : هاي شدسوي انت مخبل ..
رحت للسيارة فتحت الصندوك لكيت بطل مي فرغته ..
اجيت على خزان البانزين مال السيارة سحبت منه ..
اخذته و دخلت للبيت ..
لارا : هاي شدسوي انت فهمني فدوة ..
معليج لج .. الصافي حتشوفي بعينج بنت الحرام ..
صعدت فوك ذبيت بانزين بالغرف الفوك ..
و نزلت جوة اذب البانزين بالصالة و غرفة سناء الحمامات كل مكان ..
هيه الظاهر اشتمت ريحته ..
لارا : عفية شدسوي انت .. الله يخليك خليني اروح ..
كأنو مسمعتهه رجعت صعدت فوك ..
علكت الجداحة و اول شئ حركت الغرفة ما اريد اي ذكرى تبقه عايشة بيه ..
نزلت لزمته من شعره و اجر بيه قوي و تعيط ..
دكيت على سنار ..
لج كح........... لو تلحيكين على شبيهتج لو الله لا يرحمه ..
سديته قبل ما اسمع ردهه ..
عفتهه و طلعت بالسيارة ..
رحت البيتنه و اني نار بقلبي ..
ما اعرف شلون اسوق بس ادك هورن و الناس تفشر عليه من سرعتي ..
طبيت للشارع التجاري مال السيدية حسيت روحي ردت ..
يمنه يسره وصلت بيتنه نزلت ركض ..
للللللك عصاااااام ... كووووووو.........
دخلت للمطبخ ..
امي : اسم الله الرحمن شبيك ابني احجي ..
وينه ابنكم .. خلص العالم من شره ..
اجه عليييييه ..
وج يوووم على اخوه شره ..
و ادور بالصالة و الهول نزلوا من قمر و عبودي ..
حبيبي شبيك يا ستار ليش تعيط .. خيرك ؟
وج يا خير اخوية خاني ..
الراضع نفس حليبي طعني بظهري ..
الشايلته نفس الايد الشايلتني يريد يكص ركبتي ..
خلت قمر عبودي بكرسي الاكل و هو بس يبجي ..
اجتي عليه حضنتني ..
اهدئ يا روحي .. اهدئ يا عمري و فهمنه شكو ..
كعدت بالكاع على ركبي احس ما اكدر امشي بعد ..
ابن امي و ابوية هد حيلي ..
طلع ابوية من غرفته ..
ابوية : شبيك ابني كوول يا الله ..
آآآآآه .. و الزم ركبتي و اعيط الم بروحي احسه ..
نزل الشفيه على صوت عياطي مال الالم  من فوك هو و زوجته ..
ركضت عليه حصرته بالباب و اديه على ركبتك لك اذا متحجي هسة اموتك ..
عصام : لك شحجي تخبلت ..
عوفني حموت ؟
لازميني امي و ابوية و قمر يجروني و محد يكدرلي من عصبيتي ..
امي قمر بسمه كله تبجي ..
اذا متحجي ليش تعاونت وي لارا عليه ..
هسة اخنكك و اخلص اهلي و العالم من شرك ..
امي سمعت ..
كلها صاحت بصوت واحد و تباوع على عصام ..
لارااااا شبيه لارااا ..
امي : الحك ابو سرمد راحوا ولدي ..
وكعت امي بالكاع راحن البنات عليه و اني فاقد ..
بقيت لازمه و ابوية بينه ..
يحجي بأذني اليمين ..
ابوية : اصحى سرمد .. امك حتموت .. حتموت وليدي ..

فالقصة ظلم مصاير ..