خانة الذكريات

لارا مرتاحة

#خانة_الذكريات
الفصل الرابع و العشرين
#قصص_اسراءالجميلي

ابوية : ماكو شئ ياب بس سمعت لارا و اخته تزوجوا بنات مسؤول جبير بحزب ........... و اثنينهم حوامل ..
هااااا الف عافية ..
هههههه همه تزوجو و حيخلفون و اني ..
امي : شبيك انت ابني الله يستر عليك حبيبي ..
اني .. اني خربت امي خربت ..
كمت و جان ادفع الماعون بديه اليمين قوي اطشر بالكاع هو و الاكل البيه ..
كله كامت من الميز ..
باوعت على امي و حجيت بعياط ..
و تريديني اصالح عصام مو ؟
ليش ما اساعده بسفره خطيه ..
بتفريقكم الي كال عليه ..
دمرتوه و دمرتوني ..
آآآآه لزمت قلبي حسيته وكف ..
(( وكع سرمد بالكاع حسيت الدنيا انتهت هاهية ..
لك سرمد حبيبي ..
ركضوا امه و ابوه عليهه ..
ظل ايده على قلبه و يتوجع ..
كام يرفس بمكانه ..
عبالك طلي و مذبوح ..
خابر عمي مخلد بسرعة ..
اجوي بسيارتهم راحو كلهم و اني بقيت علمود عبودي ..
كضيته بجي و دعوات ..
اتوسلت بالله يلكالنه حل ..
انقهرت من خالتي و عمي على شنو يحجون على القديم ..
هسة اذا صار بيه شئ شنو النتيجة ..
المهم رجعوا بثنعش بالليل ..
سرمد احسن و حتى اجه على رجليه الحمدلله ..
موديه المستشفى ابن البيطار ..
و كلشي ما بيه كايليلهم حالة نفسية ..
حضنته و صعدنه فوك ..
جان عبودي نايم ..
بس اني ابد ممرتاحة ..
ها حبيبي شلونك ؟
الحمدلله زين ..
يلا نام ارتاح ..
ساعدته يبدل و نام غطيته و بقيت اقره ايات ..
بقه عصبي و يعيط و ميسمع كلام احد ..
و كلما يحاول يتقرب عليهه و تصير عنده مشاعر ..
احسه اني و اعرفه ..
ينام راساً لو هستوه كاعد ..
لو ميكدر و يعوفني راساً ..
بقه يشرب بس بفترات متباعدة ..
و طبعاً اني الغطه عليه لان اهله بعد ميتحملون قهر ..
صحتهم اثنينهم تعبت ..
ابو المعمل سد المعمل ..
و قدم على تعينات و مدا يطلعله شئ ..
و مرت سنتين و احنه هيج غربة بالاسم متزوجين ..
فد يوم اندكت بابنه ..
اجتنه بسمه تزورنه ..
بعد السلام المعتاد ..
خالتي شافته تخبلت ..
ام سرمد : هلا يمه بيج بس شعجب جيتي ..
شلون عفتي عصام ؟
بسمة : لا يظل بالج خالة .. اني راجعه صار اكثر من تلتشهر ..
ام سرمد : ليش لعد ما اجيتينه الا هسة ؟
بسمة : لان جنت بالعده .. خالة احنه انفصلنه ..
ضربت على صدره بقوة .. خطية
ام سرمد : شنو ؟ عزه العزاك عصام ؟
لزم ايده عمي : دصبري يا مره خلينه نفتهم ..
اي بابا كملي ؟
بسمة : من المشكله اتغيرنه مع بعض كمت اخاف منه ..
و مدا يصير عدنه طفل .. حاولنه بالاردن ردنه نسوي انابيب ..
و كان لازم هو همين يفحص غير تحاليل العراق و طلع ميصير عند عصام ..
و اني اتحملت و بقيت لان احبه ..
بس هو متحمل و ظلينه مشاكل و ضرب و صوتنه سمعته كل الشقق ..
و مرتين طلكني ..
اسيل مقصرت ويانه تحاول بكل الطرق ويانه بس ماكو فايدة ..
طلكني للمرة للثالثة ..
و بعد خلص ..
ام سرمد : اويلي عليج فاطمة ولدج راحوا بالرجلين من وره ذولة الكلبات ..
حسبي الله عليكم ..
المهم راحت الابنية ..
سرمد جان طالع وي اصدقائه ..
اجه صعدت وياه ..
شلونكم اخباركم ؟ منو اجه منو راح ؟
هو ينزع و يحجي و اني اعلك بهدومه ..
اجتي بسمة ..
بسمة مرة عصام ؟
اي حبيبي ..
شعجب خيره .. يعني عصام رجع ؟
لا عصام امطلكه ..
ليش ايا حيوان .. هي الشئ الزين الوحيد الي سويته بحياتك ..
بس تدرين يستاهل الخره ..
انقهرت عليه و الله اكثر من ما انقهرت عليه الجلب ..
طلع اخوك ميصير عنده جهال ..
شنوو ؟
اي و الله ..
اني دا اعلك القميص بالتعلاكه كبال الكنتور ..
لزمني من جتفي اليسار دارني عليه ..
شلون يعني فهميني ؟
فاحصين اهناك و مصاير حجيتله كلشي ..
اشو هذا طكه بضحكة قوية ..
ههههههههههه هو ميصير عنده و اني ما اكدر ..
لا حبيبي هاي شدة و تزول ..
بعدين احنه عدنه عبودي الحمدلله ..
ههههههههه و منو كال عبودي ابني ..
و بدون وعي رفعت ايدي اليمين و ضربته راجدي ..
و عطت بيه ..
انت كل عقلك تطعني بشرفي يا حقير ..

فالقصة حرام في حرام ..