خانة الذكريات

الزفة الهرولة هههه

#خانة_الذكريات
الفصل الرابع
بقلمي_اسراءالجميلي

( حبيبي من دخل جن الكمر فات .. نورت صالتنه بيه .. دخل مبتسم حسيتني صرت طرشة ما اسمع احد و عميه ما اشوف غيره .. لابس قميص مربعات احمر و اسود ..
و جينز اسود يا جماله و طوله الهيبة ..
كعد يمي و بدت الكولات العراقية الحلوة مالتنه ..
خالتي (عروستنه حديقة و الورد بيه ماخذه شباب و معتني بيه)
و كالوا لازم تحنيه وحدة مسعده و اختاريت لو امي لو خالة ام سرمد ..
رفضت امي استحت و اجتي خالتي ام سرمد حنتني ..
بيدي اليسار حتى ما تتوصخ الحلقة و لان جان سرمد لازمني قوي بيده اليسار بيدي اليمين ..
 و حنت سرمد باصبعه الصغير بيده اليمين الفارغة ..
صاحت عمتي (لفها بقميصك لا يطيرها الهوا)
اني و هو نتمضحك ..
فدوة الضحكتج قمر .. وج انتِ صدك قمر ..
و ضحكت من كل قلبي ..
نعمت الله انت حبيبي ..
و انتِ يا عمري ..
و جان اتكول امه (اميرة وبنت اميره واحنه ردناها بنت الشيخ لابن الشيخ جبناها)
كللليييششش
خطية جتي امي راساً من وراها دارته عليه و حضنته و بوسته..
و راحوا ..
و ثاني يوم العرس بدلتي جانت امدلعه بس لبست بدي جواها..
و بيه نفشة قليلة ما احب الكومة ..
كلت وي نفسي اذا اخلي دنفشته هواية شلون يكعد سرمد بصفي ..
سرمد صار روحي من الدنيا و الهوة الي اتنفسه ..
و لبست حجاب بوكته جنت اول وحدة من اقاربي اسويه ..
سوتلي تسريحة جوة الحجاب ..
رجعوني للبيت..
اجاني عريسي حبيب قلبي ..
فدوة الدخلته عليه و هيبته .. و بقلبي بس ادعي ربي يحفظه الي و ميصير بيه شئ ابد ..
و اتخبل من شافني لابسه حجاب ..
اول مدخل ابتسامته وسعت حلكه و اتقرب عليه ..
لج هاي شنو شطالعة ..
فدوة الوجهج اروح .. شعجب لبستي حجاب منو قنعج ؟
محد قنعني حسيتني جوهرة و ردت بس الك اكون ..
راساً لزم راسي بيده اليمين و قربني عليه و باسني من كصتي ..
و كامت كله تعيط ..
(حبه والك حبهه و لا تخاف من امه)
و ديطلعونه و جان يوكفنه ابوية..
ابوية : سرمد حبيبي انت صرت واحد منه ديربالك على قمر تره هاي جبيرة بيتنه عمر و عقل يا ابني ..
لا تخاف عمي قمورة بالحفظ و الصون و بايد امينه باذن الله ..
و زفوني البيتهم مشي و شارعنه انكلب ..
(حسيت ملكت الدنيا و الله بكل معانيه و حمدت ربي و شكرته انو ضميت قمر القلبي)
وصلنه البيتهم ابن خالتهم مصور ..
دخلونه بالصالة و راحوا العالم الغربة و الجواريين بقوا بس اهلهم و امي و اخذنه لقطات كومة ..
و حتى صور وي كل الاقارب و امي و اختي شمس و امه ..
بسبب وضع بغداد ما كدرنه نروح الاستوديو ..
و بعدها اجتي امي بوستني و حضنتني و بجت خطية و اني كامت دموعي ينزلن بكل هدوء ..
اجه سرمد و مسح دموعي كدام الكل ..
حبيبتي ليش تبجين انتِ جنتي ابيتج و اجيتي ابيتج الثاني ..
و شوكت ميعجبج تروحين حتى بلا مدكوليلي ..
امي : لا ماما لا تسويه ابد عيب من الولد .. و انتِ مترباية ..
ضحكنه كلنه ..
راحت امي و شمس و اقاربنه ..
و صعدنه بغرفتنه ..
فتت للحمام لان سرمد و اهله سوونهه سويت بسيط مثل سويت عصام ..
و ترتيبه كلش حلووو ..
اول ما دخلت على ايدي اليسار ميز و عليه تلفزيون و قنفة على يسرة التلفزيون لونه احمر و قاعدة سوده و بيه مخدات اسود و احمر مربعات ..
و قنفه لخ ام ٣ اكبال التلفزيون ..
و بعد القنفه برده اتجنن تصميمه حمره شيفون و جواه ابطانه ستن سودة ..
و بعدها غرفة النوم و بنهاية الغرفة على اليمين باب بيه حمام يجنن تصميمه و كلش كبير حتى كومديات المنيوم بيه و بانيو ..
رهيب الصدك ..
اول مفتت كعدت على القنفه الكبال التلفزيون اجه سرمد كعد بصفي ..
لزم ايدي اثنينهم بيده و رفعهم باسهم سوة ..
وجهي صار طماطية ..
اني اشكرج كلش هواية ..
ههه ليش تشكرني شسويتلك ؟
لان رضيتي بيه زوج الج ..
جان راساً رفعت ايدي اليمين خليته على حلكه ..
اني الي اشكرك لان اختاريتني ..
و اشكر ربي قبلك لان دزك عليه ..
ابتسمنه اثنينه ..
دا اكوم ..
هاي وين ؟
اروح انزع و ابدل و اتوضه حتى انصلي ..
اي حبيبتي صحيح ..
بدلت لبست سيت العروسة الابيض جان طويل ستن اسقيات بس بيه جاكات جبيرة من الجهتين ..
و فوكاه روب شفاف بس دانتيل مورد ..
لبست غطه الصلاة و طلعتله ..
راح هو غسل و بدل و صلينه و لزم كصتي بيده اليمين و يدعي و اني اامن وراه .. و كملنه الصلاة ..
شنو قمر حتظلين لابسة مال الصلاة ؟
هههه لا طبعاً هسة انزعه ..
نزعته و شافني و فتح عيونه عليه ..
حضني قوي ..
احبج قمورة ..
احبك سرمدتي ..
ضحك و ............
و نمنه ..
مرت الايام و جانت حياتنه احلى حياة بكل المقاييس..
راضيه زوجي واهله .. و همه همين خوش ناس ربي يحفظهم ..
حتى زوجة عصام بسمة علاقتنه صارت مثل الخوات ..
( لليوم اذكر .. بعد شهرين زواج رجعت من الدوام ..
اول مدخلت امي بوستني ..
شبيج يووم خيرج ؟
ما بيه مشتاكه ال ابني شنو مو من حقي ابوسه ؟
بالعكس يمه كل الحق الج و بست راسه و ايده ..
الله ميحرمني منج يمه ..
دصعد وليدي شوف قمر ..
خير ماما شبيه قمر؟

فالقصة اتصال مُدمر ..