دخل مصطفي البيت وسايق معاه عروستو الجديده وبقي ينادي : ياحنان ..حنان.. وين البنات ٱمنيه ..معزه تعالو سلمو علي عروستي ٱسيل 😳😳😳😳😳😳😳😳😳😳
جات حنان من المطبخ ويديها مليانه مويه وعاينت لي مصطفي وكمان للعروس وقالت ليهم مبروك... حنان زوجه مصطفي الاولي وكانت في بدايه الاربعين بيضاء مليانه شويه ورغم سنوات الالم لكنها م زالت جميله ..جات بعد شويه ٱمنيه طالعه من الغرفه وعاينت لي زوجه ابوها وقالت : دي شنو كمان ي بابا .
مصطفي في غضب : اتكلمي بي احترام عن ٱسيل ...
معزه في ضيق : مبروك ي بابا
مصطفي في صرامه : دي مرتي يعني كرامتها من كرامتي عايز الاحترام من الكل وخاصه انتو الاتنين ٱمنيه ومعزه انا راجل محلل لي اربعه وربنا يقدرني علي العدل .
حنان استجمعت قواها وقالت : كل حاجه حتكون تمام انت بس م تزعل روحك .
مصطفي عاين لي ٱمنيه وقال: دي ٱسيل بت
قاطعتو ٱمنيه في ضيق : بت حاج الامين وصحبه هبه بت عمي شغاله في بنك (.....) تعين جديد لسه ليها كم شهر
مصطفي : ايوه كدا فعلا .
سكت مده بعدها : نحن حنمشي غرفتنا جهزوا العشا وخلو معزه تجيبو لينا تمام وم دايرين اي ازعاج .
😱😱😱😱😱😱😱😱😱😱
قعدت حنان وبناتها يبكو ويندبو حظهم وبعدها مشو عشان يجهزو العشا للعرسان .
ٱمنيه : ي ماما يعني لحدي بتين ح تتحملي عمايل بابا دي لحدي م يجي يطردك بره البيت .
حنان في حزن : يابت اولا اتكلمي كويس دا برضو ابوك ..بعدين هو لا عمل عيب لا حرام اتزوج ومااول مره يعملها عادي جدا يعني .معزه : لكن ي ماما المره دي البت صغيره وجميله جدا ودلوعه واكيد اتزوجت بابا عشان القروش .
حنان في طيبه : ي بتي ابوك لسه شباب وكمان وجيه وسيد الرجال امكن في بينهم قصه حب .
ٱمنيه : ههههههههههههه والله ضحكتيني ي ماما وانا في قمه حزني .
بعد شويه جات ٱسيل لابسه فستان قصير جدا مظهر كل جسمها وكمان الريحه تجيب الرايح ووقفت قدام حنان بكل جرأة وقالت : وين العشا لي اتأخر كدا انا قلت لي صفصف يجيب دليفري لكن رفض معزه عاينت ليها من فوق لي تحت : صفصف لو سمحتي يعني نادي ابونا بي اسمو علي الاقل قدامنا ..
قالت ٱسيل في دلع وصوت يضج انوثه : آسفه م بقدر اقول غير كدا .
حنان حاولت تختصر الموضوع : خلاص العشا جاهز ممكن تشيلي طوالي .
اتلفتت عاينت لي حنان وردت في مياعه : منو ..انا يظهر انكم نسيتو اني عروس ..وعاينت لي معزه : ي اسمك مش صفصف قال ليك وصليهو .
ٱمنيه : ي معزه وصلي العشا لي غرفه بابا .
كان البيت مكون من اربعه غرف جميله وصالون وهول كبير ومفروش باثاث فاخر ومقسم اكبر غرفه واحلي غرفه من نصيب حنان والاتنين للبنات اما الرابعه مفروشه وقاعده فاضيه لحدي م جات فيها نور .
صحت ٱمنيه بدري ودخلت الحمام ولبست وظبطت نفسها تسريح ومكياج وبعدها جات الاء صحبتها وكانت بتمشي معاها الجامعه كل يوم واعز صحباتها .
سلمت عليها ٱمنيه وقعدت قدام جنبها في العربيه وبقو يتونسو لحدي م وصلو الجامعه واول واحد قابلهم دكتور فيصل وكان استاذ في الجامعه وساكن قريب من ناس ٱمنيه لكن م عندو شغله بي اي بت بسلم عليها واذا م فاهمه حاجه بوضح ليها لكن خلاف كدا م عندو ليها حاجه .
الاء : خلاص شفتي دكتور فيصل وكيانك اتقلب .
ٱمنيه وهي متابعه فيصل بي نظراتها : م عارفه لما عيني تقع عليهو بتخدر واحس اني في عالم تاني .
الاء : ههههه والله ي منويه بصراحه عندك حق هو بتحب وسييييم وعسولي وراقي ورزين وانيق وماشاء الله عليهو ناجح في حياتو لكن شكلو مغرور وشايف نفسو .
ٱمنيه : عارفه ي الويه جواي حاجات م بتتفسر بتمني بس بتين اجي الجامعه واشوفو حتي لو م عندي محاضرات .😍😍😍😍😍😍😍😍😍😍
الاء : ههههه انتي حكايتك حكايه يلا عشان اذا دخل م بخلي ذول يدخل بعدو .
طول المحاضره دكتور فيصل يشرح وٱمنيه متابعه معاه وبتشارك لحدي م المحاضره خلصت وطلع دكتور فيصل ومشت مع الاء الكافتريا وفطرو وشربو بارد .
الاء : عليك الله عم مصطفي اتزوج علي ماما حنان والله امك دي ملاك مفروض يكرموها الام المثاليه كل يوم .
ٱمنيه : والله ماما صعبانه علي شديد ومافي يدي حاجه وان شاء الله تتعامل معاها كويس لانو اذا حصل العكس انا م حاسكت .😡😡😡
الاء : حاولو اتجنبو الاحتكاك بيها .
فجأة اتلفتت ٱمنيه ولقت دكتور فيصل واقف مع وحده كدا حلبيه وقوام انجليزي وعسل ..وفي نفس الوقت جات صحبتهم ريم وقعدت جنبهم وبقي يتونسو ويحكو وبعد لحظات جات طالبه وقالت لي ٱمنيه دكتور فيصل عايزك في المكتب.
يتبع....
