دا منزل معزه مصطفي احمد... حنان بصوت متردد وخايف : ايوه نعم خير ي جنابو ،.معانا امر بالقبض عليها ..حنان : سجمي بتي عملت شنو ؟ معزه حاولت تهرب لكن الشرطي مسكها ووداها عربيه الشرطه وحنان تصرخ : بتي ..عملت شنو ..م تخافي انا جايه وراك طوالي وسرعه مشت حنان لبست ليها توب وشاله شنطتها وهي طالعه جات ٱمنيه وقالت ليها : خير يا ماما ماشه وين ..وشرحت ليها حنان الحاصل كلو ومشو الاتنين قسم الشرطه عشان يشوفو الحاصل شنو وهم راكبين امجاد طلعت حنان النلفون عشان تضرب لي احمد لكن ٱمنيه رفضت بشده : انتي لسه يا ماما خاته للذول دا مكانه في حياتنا 😡😡😡 م تخافي آخر ذول ممكن نحتاج ليهو هو ..وصلو الشرطه ودخلو الضابط
والموضوع انو في واحد اسمو هاني لقوه مضروب علي راسو ضربه ادت لي دخولو في غيبوبه تامه واثناء التفتيش لقو ورقتين حقات زواج عرفي مكتوبات بخط اليد وموقع عليهم هاني العريس ومعزه العروس ولقو مكالمان متبادله منهم وكمان البصمه الغريبه طابقت بصمه معزه عشان كدا وجدو انها المتهم الوحيد بالاعتداء علي هاني ..والضابط قال ليهم اذا فاق من الغيبوبه وعاش بكون شروع في قتل واذا مات طبعا قتل عمد 😱😱😱😱😱😱😱😱😱😱 حنان وقعت علي الارض م اتحملت الصدمه وتم اسعافها وبعدها الضابط قال لي ٱمنيه : انتو باين عليكم ناس طيبين طيب م تخلو بالكم من اولادكم البت دي صغيره جدا حسب معلوماتي انو عمرها 16 سنه يلا كدا مستقبلها ضاع ....ٱمنيه سكتت وختت يديها علي راسها وبقت تبكي : طيب الحل شنو ؟ الضابط : اذا المريض فاق حاولو اقنعوهو م يتهم معزه لانها صغيره ودون ال18 سنه يعني اذا قال هي الضربتو خلاص كل شي حيكون ضاع ...ٱمنيه : م عارفه المصايب بتجينا من وين ..واسي هي وين ؟ بتحرو معاها اطلبي ليها محامي ...حاضر ي جنابو .....شكرا...
طلعت معزه من مكتب الضابط ولقت ٱسيل م خلت ذول من الحي او اهلهم م كلمتو وم جا القسم لما شافت المنظر لما راسها ضرب وعاينت لي ٱسيل في كره وقالت لي عمها : ي عمو م كان تتعبو نفسكم الموضوع بسيط امشي البيت انت عيان وانا بطمنك علينا اول بأول ، العم : صحي معزه كتلت واحد ..ٱمنيه : لا ي عمو دا سوء فهم امشي انت ومعاك باقي الناس ديل عشان الموضوع م يكبر. بعد الناس اتفرقت مشت ٱمنيه لي ٱسيل وكان جنبها احمد وصرخت في وشها : انتي من اي صنف من البشر عايزه فرصه تطلعي فيها احقادك علينا اتقي الله ياخ
عاينت ليها ٱسيل في سخرية : لسه الحصل ليك دا انتي واختك م هداك لسه عينك م اتكسرت بعد فضيحتك مع زوجك ليله الدخله وهو لو ما ود اصول كان فضيحتك بقت بي جلاجل و
قطعت كلامها لما ضربتها ٱمنيه كف 😡وقالت ليها : انا اشرف منك ومن مليون وحده زيك وعمرك م حتكوني زيي لانك رخيصه وماعندك قيمة واتفضلي امشي من قدامي وجودك في حياتنا نذير شؤم علينا يلا امشي😡😡😡
احمد عاين لي ٱمنيه في دهشه : م صاح الكلام دا منك ...ٱمنيه : وانت كمان معاها يلا خلونا في حالنا ولما اخلص من موضع معزه بتفرغ ليك 😡 احمد طوالي تبع ٱسيل وركبو العربيه ومشو البيت وفي البيت ٱسيل ماسكه خدها محل الكف وعيونها مورمه من الدموع : شفت الحقيره دي عاديه ولا منكسره ولا اي حاجه لكن انا برد ليها الضربه وقريب جدا... 😡😡😡😡😡
وقربت من احمد وضمتو عليها لكن هو زح منها بسرعه وقال ماشي البيت وجايي وبعد دقايق جا وقعد جنبها وضماها عليهو وبيداعب في شعرها وفرحت شديد : انا كنت مشتاقه ليك شديد وبتمني ترجع ايامنا حقت زمان ..وفجأة قالت : يلا جوه انا قفلت الباب والمفتاح معلق فيهو يعني مافي ذول بقدر يدخل الا افتح ليهو انا 😍😍😍 ومسكتو من يدو وقامت لكن قال ليها بدون م يشعر : انتظري الحبه لسه م اخدت مفعولها و
ٱسيل في دهشه : حبه ؟؟!! حبه شنو ؟ احمد انتي رجعت تاني للمنشطات والدكتور الف مره حذرك منها عشان مشكله القلب انت نسيت ولا شنو ؟
احمد :بتخافي علي عمري م حسيت واحده خايفه علي الا انتي... 😍😍😍😍😍😍😍😍😍😍
ٱسيل : انت حب حياتي احمد : لكن كان في ناس كتاااااار غيري ولبسها عمي المسكين 😅😅😅😅😅😅😅😅😅😅
ٱسيل : استاهل انا عشان بحبك و
بترت عبارتها لما ضماها شديد ومشو الغرفه ...
في قسم الشرطه 🚔
ٱمنيه قاعده بره ومعزه محبوسه في المكتب وجات معلومات انو المريض فاق ومشت الشرطه عشان تاخد اقوالو حول الواقعة وحنان وٱمنيه في حاله لا يحسدو عليها ومنتطرين سماع اقوال المجني عليه... هاني كان في حاله حرجه جدا ودخل عليهو الضابط بعد م سمح الطبيب بأخذ اقوالو ..بدا الضابط بإستجواب المجني عليه وكان رد هاني ......
يتبع....
