ٱمنيه في دهشه :الفضول كتلني طبعا اقعدي معاهم بدخل الحمام سريع واغير ملابسي واجيهم .
مشت سهام وقعدت مع الضيوف وجابت ليهم بارد لكن المره في صره وش : نحن م جايين عشان نضايف عايزه ٱمنيه في كلمتين وماشين في حال سبيلنا سهام عاينت ليها في غرابه : خلاص ٱمنيه جايه عليكم😏😏 بعد شويه جات ٱمنيه لابسه عبايه بيت طويله ومعاها طرحتها واتفآجأت لما شافت الضيوف يبقو ام دكتور فيصل وشهد ..سلمت عليهم وردو ليها في برود بدون م يقولو ليها البركه فيكم لانهم م جو البكي ..عاينت ليها ام فيصل في ضيق وهي صاره وشها وقالت : اسمعي نحن جينا نقول ليك ابعدي عن طريق ولدي اولا هو دكتور في الجامعه زي م انتي عارفه واستاذك وتانيا مستواه م من مستواك ولا مكانتو الاجتماعيه م زي مكانتك يعني بي اختصار انتي م مناسبه ليهو خالص ..لولاك كان فيصل عرس بت خالتو شهد انتي انانيه اخدت نصيبك من الزواج والآن انتي مطلقه خليهو بشوف نفسو و
قطعت كلامها لما جات معزه من الغرفه وطوالي قالت ليها : شنو ي حاجه داخله طايحه فينا كدا زي القطر وم هاميك اي حاجه و
قاطعتها ٱمنيه في رجاء طلبت منها تخليها تكمل كلامها... وديك واصلت انا صريحه ومابعرف ادس الكلام.. انتي واختك سمعتكم في الواطه وانا م بشرفني اناسبكم .ٱمنيه بتسمع في الكلام وهي في حاله ذهول لكن سهام وقفت وقالت ليها : يامره يا م عاقله م بتخجلي جايه تتطاولي وتقاصري وسايقه ليك شافعه عشان تقولي الكلام الفارغ دا ..اذا حاسه انو ولدك داير بتي امسكي ولدك عليك ودي تبقي مشكلتكم انتو ..بناتي اشرف من الدهب وعايزه اعرف القال ليك الكلام الفارغ دا منو ؟ نطت شهد : ٱسيل كتر خيرها جات البيت وورتنا حقيقتكم ..معزه في غضب : والله لو م كنتي مره قدر حبوبتي كان مثلت فيك عرض هايل.. 😡😡😡😡😡واسي اطلعي انتي والعروسه فله المعاك دي قبل م اصفق ليكم ..طلعو وشهد بتقول لي خالتها شايفه ي خالتو دي الناس العايز يخليني ولدك عشانهم ..
بعد طلعو ٱمنيه بقت تبكي وتقول يارب لي اي حاجه بتجي عكس م انا عايزه فيصل اصلا اخبارو مقطوعه وم عارفه اي حاجه عني وصابره وكاتمه جواي وقلبي مقطوع 💔💔💔... سهام جات قعدت جنبها : والله ي بتي فرحت قلت امكن جايه تخطبك لي ولدها وانا م حصل شفتها قبل كدا ..معزه غضبانه :والله لو خليتوني عليها كان توبتها م تتطاول تاني علي زول.. عامله زي البطاح 😡😡 ٱمنيه : هههههه الله يجازيك ي معزه....فجأة تلفون ٱمنيه ضرب ولقت الرقم مميز وفتحت الخط : الووو
المتصل : صباح النور
ٱمنيه : صباح الخير ..منو ؟
المتصل : زول بعرفك لكن بالنسبه ليك مجهول !
ٱمنيه : انت صاحب التلفون ..
المتصل : في مستجدات ممكن الاقيك ..لو امكن يعني !
