قامت ٱمنيه بسرعه وبقت تتبسم وتقول : عايزني ..ي ربي في شنو 😳خير ان شاء الله ادوني اصلح المكياج حقي بسرعة عشان بكون منتظر .
عاينت ليها ريم في دهشه : مالك بتتكبكبي كدا زي القال عايز يخطبك بعدين اديك الزيت ا
قاطعتها ٱمنيه : اسمعيني ي مزه دا م وكتو امشي واجي وبعدين اديني اي حاجه
ريم 😏علي كيفك .
مشت ٱمنيه ودقت الباب وسمح ليها دكتور فيصل بالدخول واول م قعدت عرفها بي البت المعاه : دي شهد بت خالتي كانت عايشه بره وجات تقرا الجامعه هنا وبصراحه انا م بضمن اي بت غيرك انتي معليش ح نتعبك معانا بس الفتره الاولي دي تكوني معاها لحدي م تتعود علي الاجواء هنا
حست ٱمنيه بي خيبه امل واحباط. وبسرعه ردت : اوك ..جدا مافي مشكله ..
دكتور فيصل : تمام خلاص ممكن تمشي انتي شهد بترجع معاي ..شكرا.
مشت ٱمنيه ولسان حالها بقول اسي ناديتني عشان كدا وانا كنت فاكره حاجه تانيه...يظهر اني بحلم ..خليتي الدنيا دي كلها ووقعت في حب فيصل وهو حتي اسمك م بكون بتذكرو الا لما يشوفك .
الاء : احكي سريع قال ليك شنو المفتري الوسيم .
ٱمنيه في احباط : كان عايز بودي قارض لي بت خالتو .
ريم : ههههههههه م قلت ليك اديك الزيت م اهتميتي ..
ٱمنيه : عليك الله ي ريري م وقت الفاظك دي ..
ريم : والله دا م بعاين لي اي بت وخاصه في الجامعه ..كل البنات مكسره فيهو وهو ولا علي بالو .
الاء : لي يعني هو صاح عسل ووجيه واصغر واوجه دكتور في الجامعه لكن كمان التواضع جميل .
ٱمنيه : والله لما شفت الاسمها شهد دي لما وشي عمل الوان وبقيت م فاهمه اي حاجه ..
الاء : حبيبتي منويه انسي الدكتور دا م ليك
بعد شويه جات شهد وسلمت علي ريم والاء وقالت لي ٱمنيه : ممكن اصل معاك البيت ؟
ٱمنيه في دهشه : وين دكتور فيصل .
شهد : فيصل ..سوري اقصد دكتور فيصل طلع مشوار وطلب مني اجيك .
ٱمنيه : مشوار ..وين ؟
وبسرعه لحقت نفسها : اوك ..اوك نحن طالعين
شهد : انا طلبت منو يخليني احتك بالناس لكن هو رفض وقال بخاف علي شديد .
ريم في غيظ : كان يوصلك طيب وبعديها يمشي مشوارو 😏😏😏😏
شهد : اصر شديد لكن انا رفضت .
ٱمنيه محاوله تغير الموضوع : تمام يلا نمشي ..ركبو في عربيه الاء كلهم وصلت ريم ونزلت ٱمنيه جنب بيت دكتور فيصل عشان توصل شهد وبعدها البيت م بعيد ..نزلت شهد وطلبت من ٱمنيه في إلحاح لآزٍمٍ تدخل معاها وبالفعل دخلت ولقت والده فيصل ورحبت بيها وبعد شويه جات اخته متزوجه وزوجها بره وهي عايشه مع امها ودكتور فيصل وشهد ..المهم اصرو ٱمنيه تشرب العصير وبعدها ودعتهم وشكروها وقدمتا شهد لحدي بره البيت ولقت فيصل جاي بالعربيه واتسمرت في محلها لحدي م جا فيصل وسلم عليها وكانت ح تجن لما قال ليها لسه بدري وانتي اول مره تشرفينا بي زيارتك 😌😌😌😌😌
ٱمنيه في ارتباك : نعم ..اا... معليش مره تانيه .فيصل : خير طيب يلا اوصلك .
ٱمنيه : لا لا ي دكتور فيصل البيت قريب .
فيصل وهو ماشي علي العربيه : مستحيل يلا اركبي .. وفتح باب العربيه القدام وجات ٱمنيه وقعدت جنبو وقلبها عايز يقيف من الفرحه ..هي مع دكتور فيصل في عربيتو والبنات في الجامعه بتمنو بس يعاين ليهم ولو نظره واحده. 😊😊😊
دكتور فيصل : وهو بعاين قدامو : احمد ود عمك صاح .
ٱمنيه : احمد ..ااي.. ودعمي .
فيصل : قرينا سوا الثانوي .
ٱمنيه : والله
وقف دكتور فيصل قدام الباب ونزلت ٱمنيه بعد شكرته وطلع دكتور فيصل بالعربيه وٱمنيه تلوح ليهو بي يدها وهي م مصدقه وبكل سعاده قبلت علي الباب عشان تدخل لكن لقت ٱسيل واقفه وعاينت لي فيصل لحدي م بعد عن انظارها وقالت : دا منو ..وانتي م خايفه من صفصف.
عاينت ليها ٱمنيه في غيظ وهي داخله البيت : م حاجه بتخصك .
عاينت ليها في خبث : اوك ..نشوف م بتخصني كيف !!!
دخلت ٱمنيه غرفتها وغيرت ملابسها وفجأة لقت ٱسيل في وشها وصرخت فيها : خلعتيني ..اعملي حركه ياخ مش تجي داخله زي الشبح .
ابتسمت ٱسيل في برود وقالت في مياعه : دا حبيبك ؟ لكن ذوقك حلو وسيم وجنتل مان وياخد العقل و
قاطعتها ٱمنيه : هييي علي مهلك دا دكتور فيصل ..وحكت ليها كل الحكايه وبعدها طلعت ٱسيل ومشت غرفتها .
رقدت ٱمنيه وكانت تعبانه وقالت تاخد ليها نومه لحدي م امها واختها يجو من ناس عمها ..وبقت تتذكر في احداث اللقاء حقها مع فيصل وتبوس يدها السلمت بيها عليهو وهي طايره من الفرح وطافيه النور وفجأة جا مصطفي داخل الغرفه كأنو زلزال ورفع ٱمنيه من شعرها وبقي يضرب فيها بكل قوتو ويقول: عايزه تجيبي لي العار انا.. واحد يوصلك لحدي البيت ..بكل بجاحه وقلة ادب وعدم احترام لي وجودي ..خلاص البيت بقي سايب ..لكن انا مشيت وين ..فجأة جات حنان وهي بتصرخ : سجمي الضرب دا كلو في ٱمنيه وووب علي خلاص ي مصطفي حرام عليك..
سكت مسافه وجات ٱسيل ومسحت وشو بي منديل وهي بتقول في دلع : حياتي.. صحتك ..الانفعال م كويس عشانك نحن عايزنك حبيبي ❤❤❤❤❤❤❤❤❤❤
هدا مصطفي شويه كدا وقال في عزم :كلامك صاح ي حنان مواضيع زي دي علاجها م الضرب ..ورمي ٱمنيه في السرير وقال :قرار بخصوص ٱمنيه ومافي اي تراجع الا كان انا اموت والقرار هو......
يتبع....
